الغرب مع الشرق
 

[poem=font="arial,5,#000000,bold,normal" bkcolor="#ffffff" bkimage="" border="solid,5,#ff0000" type=1 line=0 align=center use=ex num="0,"]
الغرب فوق الشرق قايم بحملات=يبون ينهون العـرب والعروبـه
وناويين توزيع الجزيرةدويلات=حتى خططهم ماتلاقي صعوبه
وعلى ارضها جابو قواعد وقوات=والي يعارضهم يحصـل عقوبـه
وبين العرب قامو بزرع العدوات=حتى اصبح الرجال يكره جنوبـه
والياتحدثنا عـن القـدس بـذات=وقلنا تراهـا فاالقلـوب محبوبـه
قالوا لنا صهيـون عنـده ملفـات=بعد إدّراستهـا يجيكـم مثوبـه
وعلى كذا ماشين في كل الوقـات=والقدس في دين اليهود مغصوبه
ياامة الاسـلام يا اهـل البطـولات=ترى مواقفنـا علينـا محسوبـه
صفو سوا ياقادت العرب ساعـات=وتصبح عدانا فالزمان محروبـه
ويصبح لنا كلمه وهيبه وبصمات=ونلبس الأقصـى ياالابطـال ثوبـه
اليامتى يبقى أسيـر الخواجـات=القدس يهل الدين ماهي الذنوبـه
حنا هل الامجاد واهـل الغـزاوات=اليا غزانا كـل نافـخ ذروبـه
كسرى وقيصر يوم سوو عدوات=درب السلامـه بعدنـا مامشوبـه
وحنا هزمنا بالسيوف الصقيـلات=راس الكفر في يوم كله عجوبـه
وحنا هل التاريخ واهل المهمـات=تاريخنـا عامـر مجبنـاه دوبـه
واليوم كيف انضيع بين المتاهات=ونرضى بواقعنا ونرضى سلوبه
راح االعراق الي منول حضارات=وبـلاد بشارالاسـد مخطـوبـه
ومن بعدها عندالخواجه دراسـات=مدري شمال الـدار والاجنوبـه
وختامها منـي سـلام وتحيـات=للي يرجع كل أرض مغصوبـه
[/poem]

رد: القرب مع الشرق
 

رد: القرب مع الشرق
 

صح لسانك ياجميل
واحييك على اهتمامك بوضع الامه واهلها

رد: القرب مع الشرق
 

رد: القرب مع الشرق
 

السلام عليكم ورحمة الله وبركاته

صح لســانك يابو راشــد ،،، قصيدة معبرة ،، وشعور ليس بغريب على جميل المطرفي.


أسمحلي عدلت بعض الأخطاء الإملائية....وصح لســانك مرة أخرى


تحية طيبة

رد: القرب مع الشرق
 

رد: الغرب مع الشرق
 

شاعر مافيك حيله يابو راشد

والله الله بالجديد

وتقبل مروري..... اخوك مطرفي الجوف

رد: الغرب مع الشرق
 

رد: الغرب مع الشرق
 

الله الله

صح لسانك يا جميل

شااااااعر وما فيك حيله

رد: الغرب مع الشرق