قصيدة المدير
 

اليكم هذه القصيدة التي كتبتها في مديري الفاضل نهاية السنة الدراسية لكي يسمحلي بالذهاب الى مكة
وكان وقتها زواجي باقيله شهرين ولما القيتها كان جالس مدير مدرسة اخرى وقال لو ان القصيدة فيني
والله لأسمحلك تروح , فكيف بمديري فهو من باب اولى, المهم ماقصر الرجال اعطاني اجازة كايفة

[frame="1 50"][poem=font="arial,5,#00008b,normal,normal" bkcolor="" bkimage="" border="none,1," type=1 line=0 align=center use=ex num="0,"]
ليا لاح برق الصيف وامسيت شفقان=نبا نطرق البيبان والجو هادي
وانا اقول ماللدعوة الا كحيلان=جملها ليا نخت جمال البوادي
والا يااجودي تكفى تجمل على شان=تسجل في بيض الصحف يوم التنادي
وابا ادعيلك من القلب في وقت الاذان=من المسجد المعمور دعوة فؤادي
وانا مامدحك يارجل كذبة وبهتان=وبعض العرب بتقول عنده مرادي
مواقفك مخبورة دليل (ن) وبرهان=مع الكل مذكورة ياراع الشدادي
ولا يفترق عندك اجانيب واخوان=تساوى قديم الناس وايضا الجدادي
تعاملك مع الناس للطيب عنوان=وردي العرب يجحد بملحي وزادي
ويشهد على ماقول خالد وسلطان=ومعتوق مع صالح وبدر استفادي
وابو محمد يصدق ومعه ابو سلمان=ومعيوف من حايل يبصم بايادي
ولا جيت اعد اللي يعرفك بالاحسان=رجال الوفا لا ماتحب العدادي
وتقبل تحية مطرفي ساس هذلان=يعطر شذاها كل فل وكادي
وختام اارسالة سيدي نسل عدنان=علية الصلاة اعداد جري العوادي [/poem][/frame]

رد: قصيدة المدير
 

يالربع الله الله بالتنسيق

رد: قصيدة المدير
 

بيت سقط سهوا عدلوة

وختام اارسالة سيدي نسل عدنان=علية الصلاة اعداد جري العوادي

رد: قصيدة المدير
 

السلام عليكم ورحمة الله وبركاته

أبشر أبشر بالتنسيق يالمطــرفي ،، لاتهتم صح لساانك ماقصرت ،،

قصيدة جميلة ،، وأخذت الإجازة هههههههه.

الله يوفقك ننتظر دائما جديدك......................

بالنسبة للتنسيق تراه سهل ...بعد ما تفصل بين كل صدر وعجز بين بـ =..فوق فالصندوق ..أيقونة تنسيق القصيدة...أضغط عليها ونسق بالشكل اللي يريحك.

صح لسانك مرة أخرى


تحية طيبة

رد: قصيدة المدير
 

صح بدنك ياعماد وشرفني مرورك العطر

وبالنسبة للتنسيق اول شي بيض الله وجهك

ثانيا حاولت ولا جات معي..... وقلت الشباب مايقصرون....هههههههههه

اكرر شكري على مرورك

رد: قصيدة المدير
 

صح لسانك والله يا مطرفي الجوف

طيب واللي رئيسه خواجه والا هندي ههههههه يقعد بها

رد: قصيدة المدير
 

صح لسانك يالمطرفي
قصيده وافيه وتستحق الاشاده
وعزالله ماخليتله عذر
وتستاهل الاجازه عسى الله يسعد ايامك
والف مبروك الزواج

رد: قصيدة المدير
 

صح بدنك يابو المثلم

ومرورك واطرائك على القصيدة يشرفني

واللي مديرة هندي عليه بالفلفل.........ههههههههههه

رد: قصيدة المدير
 

رد: قصيدة المدير
 

صح بدنك شامان وشهادة من شاعر مثلك اعتز فيها

ويستاهلك الطيب... والله يبارك فيك.... وعقبالك

رد: قصيدة المدير
 

رد: قصيدة المدير
 

الله الله ........ عزالله تستاهل الاجازه

وصح لسانك

رد: قصيدة المدير
 

صح لسانك يابو مطرف


قصيدة رائعه بروعة حضورك



اخوك

رد: قصيدة المدير
 

صح لسانك ياولد العم

وتكقى أبغيك تسوي لي قصيدة في مديري عشان يعطيني درجة التقل كااااامله !

رد: قصيدة المدير
 

صح لسانك يابن العم

وافيه من راس وافي