إهداء للأخ الشاعر مازن الهذلي
 

السلام عليكم ورحمة ا لله وبركاته

في اول حضور لي في المنتدى في قسم الشعر الشعبي

وأول مشاركة لي بقصيدة وهي قصيدة

للشاعر / فهد بن محمد بن عالي البقيلي الهذلي وهذه القصيدة

قيلة في مناسبة زواج الشاعر الشاب / مازن عبدالله البقيلي الهذلي

والقصيدة هي


[frame="7 60"]
الليلـــــة الفرحـة تسـاوي ليلـة العيــد السعيد
وانوارهـــا زادة بمقـدم كـل مـن لبـا لهــا
ولا الصراحة وش يفيد البنك من دون الرصيــــد
وانتم رصيد حساب فرحتنا وروس اموالها
وان قلتــهـا مـاني بقـايلهـــا ســوالف مــا تفيـد
وش فايدة كـل الرجال الا بصـــدق اقوالها
يامـرحبــــا مـا زانت احـروف القصــايد بالنشيـد
ترحيبـــة بالـــزعفــــران مبهــرات ادلالهـا
عد السحـاب الـــي تلاقـا وانهمر فوق الصعيــد
واسقا ربـــوع اديـــارنا بسهـولهـا وجـبالهـا
من شـاعر رحب وصـاغ الفـكر في بيت القصيـد
طوع حروف الشعر من شان العريس وقالها
مازن ليا بانت علــــوم الطــــيب والعـلم الأكيــد
يافرحــة الملهـوف لا صكـت عليه اقفــالهــا
من راس قـوم المعرفة والعـز والرأي الســديد
سمو البقيلي والعرب تفخـر بفعـل رجــالهـا
حنا هذيل الي ليـا جـــــات الشـدايد مـا نحـــيد
نعــرف دروب المرجـله قـدام لا نرقــى لهــا
في ذمـة التاريـــخ والـمله ليـا بـوم الـــوعيــــد
تاريخنا سيــرة وفـا تحـكي صفــات ابطــالها
تشهد لنا صحبة رسـول الله في الماضي التليد
والشعر عند هـذيل حمسه مـا برد فنجــالها
ولا الفصـاحة واللغة فيـنا من لطفـــل الـــوليد
حكمـة وتبـقى ثابته نمشي على منــوالهـا
ولا مهــــونه بالقبـايل مـن قـــريب ومن بعـــيد
مـا ابنقص الكـيلــه ونا الي عارفــاً مكيالهــا
والفخـر مـا بين القبايل ما هـو بالشي الجــديد
من سابق الأزمان ورث اســـلافهــا لأجيالها
يا مرحـبـــا واللــيلـه الفرحـة بمقـدمكم تــزيد
انتــم هــل الحـله ودبـــرتنـا عـلى نـزالهـا
والله يتمــمهـا ويـــفعـل مـا يـحــب ومــا يريد
والله يعـز الـدين والـدنيا ويصــلح حالـــهــا[/frame]

رد: إهداء للأخ الشاعر مازن الهذلي
 

السلام عليكم ورحمة الله وبركاته

حياك الله أخي الخيال،،وحيالله ماجئت به،،ونعم بالشاعر وبقبيلته،،،يستاهلون المدح.

قصيدة جميلة،،، بجمال حضورك هنا..

اخي الخيال ،،، هل القصيدة لك ،،،أم منقوله عن الشاعر؟


تحية طيبة

رد: إهداء للأخ الشاعر مازن الهذلي
 

رد: إهداء للأخ الشاعر مازن الهذلي
 

شكراً أخ الخيال على نقل هذه الدرة
التي سمعتها أثناء الحفل , وقرأتها هنا

قصيدة جميله من شاعر لايستهان به

فهو من بيت عرف وشعر ورجوله


أتمنى أن يشاركنا هنا في مجالس هذيل
فهو أحد أبناء هذه القبيلة العريقة ومن مقر العين فيها

.

رد: إهداء للأخ الشاعر مازن الهذلي
 

صح لسان الشاعر


ويستاهل الممدوح



وشاكرين لك نقلها لنا

رد: إهداء للأخ الشاعر مازن الهذلي
 

رد: إهداء للأخ الشاعر مازن الهذلي
 

قصيدة جزلة ......... من شاعر جزل

ويعطيك العافية الخيال على النقل المميز

رد: إهداء للأخ الشاعر مازن الهذلي
 

وعليكم السلام ورحمة الله وبركاته

صح لسان الشاعر فهد ..

ويستاهل الخير أخونا مازن الله يوفقه ..

يا مرحـبـــا واللــيلـه الفرحـة بمقـدمكم تــزيد
انتــم هــل الحـله ودبـــرتنـا عـلى نـزالهـا
والله يتمــمهـا ويـــفعـل مـا يـحــب ومــا يريد
والله يعـز الـدين والـدنيا ويصــلح حالـــهــا

رد: إهداء للأخ الشاعر مازن الهذلي
 

قصيدة جزلة ويستاهلها من وجهت له الابيات وهذيل اهل رماية وشعر وسبق وفراسة وشباب اليوم فيهم الخير والبركه

رد: إهداء للأخ الشاعر مازن الهذلي
 

بيض الله وجهك يابو رهف على القصيده الرائعه وكل الشكر لناقل هذه
الرائعه

رد: إهداء للأخ الشاعر مازن الهذلي
 

مشكووور على هذا النقل والحقيقه القصيده جيدةالمستوى
فهي في مجملها قصيده مباشره سطحيه تعتمد في بنائها على الوزن والقافيه فقط .فهي خاليه من اي صور شعريه كما ان النص كان مليء بالحشو في اكثر ابياته وهذا لايخدم النص فيبدو ان الشاعر تعمد اطالة ابيات النص على حساب المضمون وانا هنا لا اقلل من النص بقدر ما اريد ايضاح بعض الملاحظات لنقرء أفضل من ذلك
اتمنى التوفيق

رد: إهداء للأخ الشاعر مازن الهذلي
 

صح لسانك

وافيه من راس واااااااافي

رد: إهداء للأخ الشاعر مازن الهذلي
 

الله لا يهينك يا بو ناصر شرف كبير لنا مروك

على القصيده دمت كما تحب

رد: إهداء للأخ الشاعر مازن الهذلي
 

يعطيك العافيه اخوي هشام على مروك

الجميل والذي أسعدني كثيراً

دمت بخير

رد: إهداء للأخ الشاعر مازن الهذلي
 

وجهك ابيض اخوي مازن

وانت والله تستاهل

دمت بخير