|
السلام عليكم ورحمة الله وبركاته
سلام تسليم النقا مزموم عن نقصٍ وميله
في مجلس اهل الكار والتكميل يانعم القبيله هذيل في التاريخ مثل النار في راس الطويله اهل البيارق يوم للدنيا رحاة تستدير والثانيه برق الحيا يكشح مجاهيم المخيله والبدو يشعاها رفيفه من قفى دارٍ محيله يالله عسى نوه غناة ولا يدوح الدار سيله هذا كلام الصدق يقبله البصير مع الضرير والثالثه لي شرهة الصاحب على سموا عميله ياللي بنيت البيت تحسب لك على كلٍ جميله مايجحد المعروف غير اللاش ياراعي الاصيله هذا كلام الصدق يقبله الكبير مع الصغير والرابعه جاك الخبر مني ومدعوم بدليله واقفيت عني مابقى بيني وبينك من وسيله عود قبل يقدح زناد الشر في راس الفتيله هذا كلام الصدق والميسم قرب علبا البعير |
رد: السلام عليكم ورحمة الله وبركاته
ابك ابك ابك
ابن قاسي مكشر ويحدي هههههههه صح لسانك يبن قاسي اقتباس:
والله انك خطير وننتظر الثمن من الرفاقة |
رد: السلام عليكم ورحمة الله وبركاته
صح لسانك يابن قاسي..
ولاهنت على الأبيات الجزلة |
رد: وعليكم السلام ورحمة الله وبركاته
خلوها
يامرحبا والصاحب اللي قام لازم ننتخيله حتى يذريه الذرى ويصير في ظل وظليله عاده ورثناها من الجدان ما عنها بديله هذا الصحيح ولو بدالك من علوم الناس غير السيل يا بن قاسي اللي تذكره باين جفيله ما يسقي الارض المحيله لو بدالك يا حليله وراع البنا جود بناه وشيد حصون طويله والناس ما تدري لكن الله على خلقه قدير واعذرني والله إنك تستاهل المروبعه لكن الوقت ما يسمح لي وأرى أنها أدت المقصود |
رد: السلام عليكم ورحمة الله وبركاته
يا سلام يا سلام
من أروع الحدايا والله (البدع والرد) صحت ألسنتكم |
رد: السلام عليكم ورحمة الله وبركاته
اقتباس:
ولاهان أخوي سلطان على الردد،،، وتمنيت أنه كمل. |
رد: السلام عليكم ورحمة الله وبركاته
وعليكم السلام ورحمة الله وبركاته
صح لسانك يابن قاسي على الحدايه المصرفه ولا هان ابو ثامر على الرد الجميل |
رد: السلام عليكم ورحمة الله وبركاته
اقتباس:
يعلم الله ما عندي خبر ,, وحاولت الاتصال بك ولكن الرقم اللي عندي مقفل,, ولا قدرت,, ولكن العذر والسموحه يالغالي,, وخذ الرد لاهنت ,,, يامرحبا ترحيب ماينقص ويوفي كل كيله,, في مجلس اهل العرف والتكميل ورجالٍ مهيله,, ربعي هذيل اللي لها التاريخ مايكتب فشيله,, اهل الثلاث البيض وحماة البلد درعٍ كبير,, ,,,, والثانيه ياجعل فا الايام مخراج وسيله,, حتى العرب تعرف طريق الصدق وتعود تجيله,, حنا نقول اللي تقوله وضع نرغب في بديله,, وانا معك فااللي تقوله يابن قاسي لا تشير !!,, ,,,, والثالثه شرهتك فا اللي يعرف الدار ونزيله,, ماني بجاهل علم قلته ماتعذرتك بحيله,, والصبر مفتاح الفرج ويعوض الوالي مثيله,, حتى تقر العين ويعم الفرح بمر القدير,, ,,,, والرابعه لاتعم فاالموضوع من ينخى!!, انتخيله,, ابشر بنا فاالماقف الغصاب دامت الايدي طويله,, حنا ذرى فا الوقت والايام والعزوه ظليله,, هذا كلام الصدق مالي ومال الذي في غير,, |
رد: السلام عليكم ورحمة الله وبركاته
اقتباس:
طويل ولاهو على الوزن ياشاعرنا رايد .,, اقتباس:
عموما ردك جميل وهذه مجرد ملاحظة بسيطه |
رد: السلام عليكم ورحمة الله وبركاته
صـــــــــــــح لسأنك يابن قاسي والحقيقه ما قصر ابوثامر وتسلم يارايد على الرد الوافي ودامت الموده بين الجميع |
رد: السلام عليكم ورحمة الله وبركاته
بيض الله وجيهكم جميعا ،
وترحيب خاص بالغالي ابن قاسي ، ===== وهذه التعديلات التي طلبها مني رايد هذيل على قصيدته ، وأعتذر عن تأخري في التعديل حتى ورود الردود ، لعدم إطلاعي على رسالتك إلا هذه الساعة يامرحبا ترحيب ماينقص ويوفي كل كيله,, في مجلس اهل العرف والتكميل ورجالٍ مهيله,, ربعي هذيل اللي لها التاريخ مايكتب فشيله,, اهل الثلاث البيض وحماة البلد درعٍ كبير,, ,,,, والثانيه ياجعل فا الايام مخراج وسيله,, حتى العرب تعرف طريق الصدق وتعود تجيله,, حنا نقول اللي تقوله وضع نرغب في بديله,, وانا معك فااللي تقوله يابن قاسي لا تشير !!,, ,,,, والثالثه شرهتك فا اللي يعرف الدار ونزيله,, ماني بجاهل علم قلته ماتعذرتك بحيله,, والصبر مفتاح الفرج ويعوض الوالي مثيله,, حتى تقر العين ويعم الفرح بمر القدير,, ,,,, والرابعه لاتعم فاالموضوع من ينخى!!, انتخيله,, ابشر بنا فاالماقف الغصاب والأيدي طويله,, حنا ذرى فا الوقت والايام والعزوه ظليله,, هذا كلام الصدق يالعراف والساير يسير ,, |
رد: السلام عليكم ورحمة الله وبركاته
معنى ومبنى
ماشالله عليك يابن قاسي صح لسانك يابن قاسي الين ترضى لك الود والتحية |
رد: السلام عليكم ورحمة الله وبركاته
الله الله
صح لسانك يابن قاسي كلام كبير وعلوم غانمه بيض الله وجهك وبيض الله وجه أبو ثامر على الرد وبيض الله وجه أبو سليم كلكم شعار والنعم فيكم صحت ألسنتكم |
| الساعة الآن 09:14 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل