بيرق وملايين ونقاد
 

بسم الله الرحمن الرحيم


السلام عليكم ورحمة الله وبركاته



.................................................. .........................





لاوالله إلا قلبك اللي صار يشبه للجماد

ماهو مكلف بالخلايق كل ّ شي وله حدود

لالا تحاول من بعد ماقدّر الخالق بعاد

جاملتك وصدّقت نفسك والسبب هاك العهود

صحصح لعلمي والجواب امسطرّه دمعي مداد

بحروف لا من قلتها دكت جلاميد الحيود

طير ٍ ليا منه تعلى يطرح اصقور الهداد

واليا وقع ماكنه الا الرعب في فكبود اليهود

وإن كان تبغى الصدق ملينا مراكيض الجياد

بالله قلي وش حصيل اللي تبيّح في السدود

ماجيت ألومك والنتايج مابها صدق وحياد

الخط ّ متقرّر وقسمك جاك من بين الوفود

وأنت تتّمم خدعة المسرح وتحسبها جهاد

ماكنك إلا قايد الجبهة وجمهورك جنود

منت َ كفو للبيرق وليتك تبيعه فالمزاد

والا عساه يكفن اضلوعك ليا زرت اللحود

عُمر المنافق ماضوى بالفوز خذ علم ٍ وكاد

ياما أخسر اللي باع دينه بالدراهم والنقود

وإلا عميلك عاقل ومسلم بمنهج واعتقاد

ماهمته دنيا الفنا ويصارع الظلم بصمود

والمرقب الله ماقصدت التزكية قبل الحصاد

الحكم حكم الله جعله مايشمّت بك حسود

لكن وداع وتوب للي يبعث أجساد العباد

اللي جميع الكون يخضع له ويُذعن فالسجود






.................................................. ........................

.................................................. ........................

رد: بيرق وملايين ونقاد
 

وعليكم السلام ورحمة الله وبركاته


صح لسانك اخي الشاعر حسـآم ،، ولاهنت،، قصيدة جميلة.

ننتظر جديدك


تحية طيبة

رد: بيرق وملايين ونقاد
 

بيض الله وجهك يا حسام

شاعر ما عليك كلام

صح لسانك والله

رد: بيرق وملايين ونقاد
 

صح بدنك أخي عماد

ممثل الشعر الجميل والأصيل من أرض مصر

سعدت بمرورك وبارك الله فيك .

رد: بيرق وملايين ونقاد
 

ذيب الفيافي بارك الله فيك ويعطيك العافية .

رد: بيرق وملايين ونقاد
 

يعطيك العافية اخي حسام على القصيدة الجزلة

الحكم حكم الله جعله مايشمّت بك حسود

لكن وداع وتوب للي يبعث أجساد العباد

الشطرين هذي وضحها لي اذا فيها تشديد ولا غيره لأني طرقت القصيدة

وكلها جات معي تمام الا هالشطرين........ ارجو التوضيح

واكرر قصيدة فعلا جميلة

تقبل مروري

رد: بيرق وملايين ونقاد
 

صح لسانك ياحسام...


قصيده جزله من راس جزل...




ونتمنى نشوووف جديدك عما قريب

رد: بيرق وملايين ونقاد
 

صح لسانك ياحسام
دمت مبدعاً

رد: بيرق وملايين ونقاد
 

مطرفي الجوف يعطيك العافية نفس الطرق هداك الله .

رد: بيرق وملايين ونقاد
 

المطرفي الهذلي بارك الله فيك وبالتوفيق .

رد: بيرق وملايين ونقاد
 

أخي غازي صح بدنك ويعطيك العافية .

رد: بيرق وملايين ونقاد
 

رد: بيرق وملايين ونقاد
 

البقيلي بارك الله فيك إن أريد إلا الإصلاح ما إستطعت

وماتوفيقي إلا بالله العظيم لا إله إلا هو سبحانه وتعالى عما يشركون .