جوابي على صفق الهوى (فهد الروقي )
 

بسم الله الرحمن الرحيم


السلام عليكم ورحمة الله وبركاته



.................................................. ................................










الله يعافيك ياللي تطرب أبياتك

تشبه قصور النشامى في شواهقها

الذوق ممتاز والسكر فكلماتك

ياللي تعنيت وحروفك معتقها

صبيت كل الجزالة في عباراتك

لكن لا تسلب أفكاري وتسرقها

هد وتوقع وخلك في مساراتك

والقوم حذراك تقرب من طرايقها

وش بك تحوف الدير ترعابها شاتك

ماهي بساتين تسرح في حدايقها

من دونك الموت وسيوف العرب جاتك

اللي على المرجلة ربي موفقها

مار ابلع العافية وابكي على ذاتك

واجمع جميع القصايد ثم شققها

واليا تعذرت قلنا عان غلطاتك

هذي سواليف واحذر لا تصدقها

لابد أعاتبك لين تزين نياتك

وأوجهك يم ربعك وأنت فرقها

قسمين وأنت بكيفك وفق خبراتك

واحرص على كسبها والمدح يلحقها

إن كان نومستها زادت معاشاتك

ما أظن تجهل بها عندك وثايقها

ربعك (عتيبة ) ليا ضعت فمتاهاتك

تلقى لها سيرة ٍ تروى حقايقها






..................................................
..................................................


5\12\1429

رد: جوابي على صفق الهوى (فهد الروقي )
 

لا هنت ياحسام
بيض الله وجهك
وصح لسانك

رد: جوابي على صفق الهوى (فهد الروقي )
 

الله الله

بيض الله وجهك يا حسام

وصح لسانك

رد: جوابي على صفق الهوى (فهد الروقي )
 

حسام يعطيك العافية على القصيدة الجزلة فعلا

لكن لو بينت موضوع القصيدة اكثر لأني تفاعلت معها فعلا

تقبل مروري ......... اخوك مطرفي الجوف

رد: جوابي على صفق الهوى (فهد الروقي )
 

رد: جوابي على صفق الهوى (فهد الروقي )
 

مطرفي الجوف شعري باللغة العربية الله يعافيك .

رد: جوابي على صفق الهوى (فهد الروقي )
 

شامان صح بدنك وبارك الله فيك .

رد: جوابي على صفق الهوى (فهد الروقي )
 

أخي غازي صح بدنك .

رد: جوابي على صفق الهوى (فهد الروقي )
 

أخي سلطان صح بدنك .

رد: جوابي على صفق الهوى (فهد الروقي )
 

صح لسانك ياحسام






****** صـــــــح لــسانــك يـالــحـــســــــام *********

رد: جوابي على صفق الهوى (فهد الروقي )
 

أخي مساعد السليمان صح بدنك وبارك الله فيك .

رد: جوابي على صفق الهوى (فهد الروقي )
 

الله يعطيك العافيه

اخوي حسام جزله

رد: جوابي على صفق الهوى (فهد الروقي )
 

البقيلي بارك الله فيك .

رد: جوابي على صفق الهوى (فهد الروقي )
 

وعليكم السلام ورحمة الله وبركاته

لاهنت أيها الشاعر الفذ حسام ..


شاعر متمكن لديه الخبرة الكافية للطرق على المعنى المراد بأسلوبه الخاص


بيض الله وجهك

رد: جوابي على صفق الهوى (فهد الروقي )
 

مشعل بارك الله فيك .