السلام عليكم ورحمة الله وبركاته
 

[poem=font="arial,5,,normal,normal" bkcolor="" bkimage="" border="none,1," type=1 line=0 align=center use=ex num="0,"]
المزنه اللي برقها لاعبها=وارزم رعدها وانهمر ساكبها

ياعلها تسقي ديار محيله=يبس شجرها والدهر ناهبها

تهدي لها ثوب الربيع الضافي=يكسي عراها والبدو جاك ابها

نزالها تضحك حجاجه فرحه=واهل الدبش تو حصلت ذاهبها

وانا ذهيبي جرته مقطوعه=فوق الثرى ماينعرف صاحبها

ماقصها المري بعد عاينها=لابعد الشكه ولا قاربها

مير العلوم الها عقول تميز=تعرف صحيح العلم من كاذبها

من يرفع التكبير باعلى صوته=والصومعه تهدم على راهبها

ماغير دين الحق دين الدوله=امن العراق اليا اليمن غاصبها

والسيف الاملح في يدين الحاكم=يومي على روس العدى راهبها

ايامنا تكشف لنا ماغيب =عن لحيةٍ ماكرمت شاربها

والخطوه اللي للهوى مسروجه=يم النهايه قادها راكبها

واليا حصل وضع القلم وارتفعت=صحايفٍ ماتعبت كاتبها

ماعاد باقي للفتى من كره=الفوت فات ومانتظر تايبها

والطيبه تبقى بعد راعيها=بين العرب وسمه على غاربها

ذكره ينومس كل راعي نخوه=اللي علوم المرجله راغبها

وان عدوا الاجواد بيّا مجلس=طاري حياة فلان ماجانبها

والهينه قسم البعيد الهافي=اللي دليه ماروت شاربها

لو يفعل المعروف تحسب غلطه=كل السلوم الطيبه قالبها

الناس دورات الزمن تكشفهم =في كل دوره يتضح رايبها

والعرق في طبع الرجل غلابي=يظهر على افعاله ولو غالبها

اليا عجبك بزين فعله مره=ايجيك مراتٍ وهو عايبها

حظه من الطالات حظ المفلس=لا مفلت الدنيا ولا قاضبها

واللي على سمعة ابوه وجده=نقمه عليه ان كان ماواكبها

مايرفع الرجال غير افعاله=هذي تورثها وذي كاسبها

هذا بعض ماشفت في هالدنيا=مامن تجارب مير انا حاسبها[/poem]

رد: السلام عليكم ورحمة الله وبركاته
 

صح لسانك يا بن قاسي

أبدعت أمانة وأطربتنا بهذه الرائعة

لا هنت يا عبدالعزيز لا هنت

تحياتي

رد: السلام عليكم ورحمة الله وبركاته
 

رد: السلام عليكم ورحمة الله وبركاته
 

اي والله صادق يبن قاسي

بيض الله وجهك وصح لسانك على هالمعلقه

واااااااااااافيه من رجال وافي

رد: السلام عليكم ورحمة الله وبركاته
 

رد: السلام عليكم ورحمة الله وبركاته
 

ماشاء الله تبارك الله
حكم والله يابن قاسي حكم
صح لسانك وعلا شانك
وين أنت عنا من زمان ماتسمعنا هذي العلوم الزينه
من الآن وصاعداً لن نعذرك وسنظل ننتظر جديدك
فلا تبطي علينا

رد: السلام عليكم ورحمة الله وبركاته
 

السلام عليكم ورحمة الله وبركاته

الله الله

صح لانك يابن قاسي ،، قصيدة يفوح منها عبق الحكمة ،، والتجربة،،

طالت غيبة بن قاسي عن هالجلس،، لكنه عاد،،والعود أحمد.

الله لايهينك


تحية طيبة

رد: السلام عليكم ورحمة الله وبركاته
 

الله الله يا بن قاسي

رائعه جديدة

لعلها بارق حيا

لعلها ::::::

المـزنـة الـلــي بـرقـهـا لاعـبـهـا *** وارزم رعدهـا وانهـمـر ساكبـهـا


ننتظر جديدك بكل شوق

رد: السلام عليكم ورحمة الله وبركاته
 

رد: السلام عليكم ورحمة الله وبركاته
 

صح بدنك يابواحمد ,الطرب في حضورك المختلف

رد: السلام عليكم ورحمة الله وبركاته
 

ادددددددعس



ياسلام عليك يابن قاسي


مزركشة

بس الحجاج يضحك ولا تضحك؟

رد: السلام عليكم ورحمة الله وبركاته
 

سلمت يابن قاسي وصح لسانك

والله إن قريتها أكثر من مره .......وأعجبني هالبيتين :.

رد: السلام عليكم ورحمة الله وبركاته
 

واللـي علـى سمعـة ابـوه وجــده
نقـمـه علـيـه ان كــان ماواكـبـهـا


ياسلام
والله قرأتها اكثر من مره
وراقت لي كثيرا
وخصوصا المطلع الجميل
وتداخل الافكار بأسلوب رائع
والرمزيه حبكة شاعرمتمكن
صح لسانك ياشاعرنا الغالي

رد: السلام عليكم ورحمة الله وبركاته
 

رد: السلام عليكم ورحمة الله وبركاته
 

السلام عليكم ورحمة الله وبركاته

الله الله

عليك يابن قاسي

ايـامـنـا تـكـشـف لــنــا مـاغـيــب
عــن لحـيـةٍ ماكـرمـت شـاربـهـا

والخطوه اللـي للهوى مسروجـه
يـــم الـنـهـايـه قــادهــا راكـبـهــا

واليا حصل وضع القلم وارتفعت
صـحـايــفٍ مـاتـعـبــت كـاتـبـهــا

مـاعـاد بـاقـي للفـتـى مــن كــره
الـفـوت فــات ومانتـظـر تايـبـهـا

والطـيـبـه تـبـقـى بـعــد راعـيـهـا
بين العرب وسمـه علـى غاربهـا


درر يابن قاسي

صح لسانك وبارك الله فالهاجس وراعيه

شرواك طمعتنا فيه كبيرة طال عمرك لاهنت