|
أغرب قصة حب بالرياض
يقول بطل القصة رحت لمحل بيع الكتب المستعمله المكتبة ذي تبيع الكتب الرخيصه رحت لها وشريت لي كتاب وكان عندي إختبار له في اليوم الثاني.. (هذي طريقتي في الاختبارات).. المهم فتحت الكتاب فتحت الصفحة البيضاء اللي بعد الغلاف لقيتها مكتوبة بقلم حبر ناشف، واضح إنه مكروف لين قال آمين، المهم .. الكتاب طلع لبنت قبل ما تبيعه والغريب إنها كاتبة الكلام هذا: ( أنا أدري إنك أول ما تقرا الورقة ذي بتنهبل، بس خلّني أقول لك شي.. أنا صراحة مثلك في الكلية ومقهورة.. ما كتبت هالكلام إلاّ من القهر.. وعندي إحساس إنك بتقدّر ظروفي كونك مثلي عايش نفس الأجواء الحين )!! وقامت تسب في دكتورة اسمها .... !! وبعد ما شبعت من سبّها.. قالت: (وعموماً فرصة سعيدة جداً إني تعرفت عليك، وأشكرك على قراءة كلماتي بس والله ما كتبت إلاّ من الطفش -عموماً- أنا فضولية شوي.. ممكن بعد ما تخلّص من الكتاب.. تكتب لي على الوجه الثاني ردّك لي.. ورجعه وأنا بقرا ردّك.. وإن شاء الله إني أبي أجي أشتريه في تاريخ كذا كذا ) ناظرت في التاريخ.. لقيته بكره !!!!!؟ ياساتر وش أسوّي؟ طيب أنا ما ذاكرت.. وش ذا الحظ؟ المهم إني رحت وطي).. وقررت إني أكتب لها الرد وبرجّعه.. بس قبل كل هذا رحت وصورت الفصول اللي داخله بالاختبار عشان أذاكر ضبطت لها رد محترم وقلت لها: ترى أبي أشتريه عقب أسبووع .. ورحت أرجعه .. وفعلا رجعته وشراه الزوووول مني بنص السعر اليوم الثاني بالليل رحت للمحل لقيته الكتاب مباع سألت الـزووول : الكتاب اللي شريته منك أمس وينه؟ قال: امبارح اجت .بنت وشالته !! المهم أخذت أنا ويّاها ثلاثة أشهر وحنّا شارين الكتاب بايعين الكتاب.. والمستفيد الـمحل حق الكتاب المستعمل.. لا وبعد صار ما يحطّه في الدرج.. خلاص فهم علينا وصار يخليه عنده على الطاولة ويسلمه لي أو لها أول ما نجي .. مررررررت الأيام وجيت مرة قلت للـزوول وين الكتاب؟ قال: ما أدري امبارح جاء راجل أخذ الكتاب.. قلت: يا ابن الحلال قل غير هالكلام الكتاب قديم ومعفّن وأوراقه نصها كتابات.. قال: آآآآآي .عليك الله أخدوه الزول الكتاب الأصفر .. المهم طلعت وركبت السيارة.. ويوم وصلت الإشارة قلت : لحظة يا رجال، الـ..... الحين يقول الكتاب الأصفر.. يا خي هو أحمر أصلا مهوب أصفر .. المهم ديورت بسرعة ودخلت المحل بسررررعة.. تتوقعون وش شفت؟!!! لقيت الزول ماسك كتابي الأحمر وقاعد يكتب الرسالة اللي أنتظرها |
رد: أغرب قصة حب بالرياض
هههههههاي
حلــــــــــــــــوه والله الزول ذا يعرف يفكر هو ووجهه بس يستاهل الخبل والله عجبتني القصه مشكور اخي ع القصه |
رد: أغرب قصة حب بالرياض
مكسب بطيء بس مضمون هع هع
كل واحد الحين عنده مكتبه .. يمكن يسوي مثله .. عااد كل الكتب يقعد يشخمط عليها .. :3: هههههههههههههه الف شكر اخووي .. تقبل مروري ~ٍِِْ| |
رد: أغرب قصة حب بالرياض
الله يسعدكـ يا شيـخ على ذي القصــه ....
حـب خــرافي ... بس بصراحـه عاجبـني الزول فكر وشغل مخه ... تسلم الأيادي على هذا الموضوع ... باركـ الله فيكـ .. |
رد: أغرب قصة حب بالرياض
باركـ الله فيكـ ..
|
رد: أغرب قصة حب بالرياض
هههههههههههه
الزل هذا تحفه يعطيك العافيه اخوي |
رد: أغرب قصة حب بالرياض
يابو رديد الموضوع مكرر وموجود من قبل ... ؟؟!؟/":<
|
رد: أغرب قصة حب بالرياض
أشكر الجميع على المرور العطر
|
رد: أغرب قصة حب بالرياض
قصه جميله وتصلح تكون فيلم من بطوله محمود ياسين وراعي المكتبه نجاح الموجي ههههههههههههههه والله انا توقعت انهم يغلقون صفحات الكتاب في التعارف وتقويه العلاقه الي باين عليها العذريه والاخلاص وتقبل مروري
|
رد: أغرب قصة حب بالرياض
اخي العزيز ابورديد حفظك الله
السلام عليكم ورحمة الله وبركاته لايسعني الا أن اقدم الشكر الجزيل للمجهوداتك لطرح المواضيع بقلمك المتميز بالمجلس العام ولكن هذه القصه سبق طرحها في مجلس الاستراحه بقلم العضو السرواني الهذلي بارك الله فيه لذا أطلب منك العفو لحذفها بسبب التكرار ودائماً ماننتظر جديدك سلمك الله واكرر اعتذاري لشخصك ... ودمت متالقاً دائماً وتقبل احترامي وتقديري تحيه طيبه |
رد: أغرب قصة حب بالرياض
شئ طيب الزرل مشغل مخه..
|
| الساعة الآن 09:18 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل