طاري الشوق
 

الاخوة والأخوات أعضاء و زوار منتدى هـذيل

أسعد الله أوقاتكم بكل خير


أبيات للتواصل معكم ... كلي أمل بأن تنال بعض رضاكم ...

ترتقي بلا شك لوجودها بينكم

[poem=font="arial,5,#a0522d,bold,normal" bkcolor="" bkimage="backgrounds/17.gif" border="double,4,#a0522d" type=1 line=1 align=center use=sp num="0,"]

يا طاري الشوق لامريـت بـال الحزيـن=اللي بداخل فـؤاده شـب جمـر الغضـا
قل له ترى الشوق والذكرى وفيض الحنين=لعيون ذاك الغزال اللـي غرامـه قضـى
العام فالقلب تسكن وسط حصـنٍ حصيـن=واليـوم ياقـدرة الرحمـن حـل القضـا
يامعشر اهل الهوى والعشق يالساهريـن=لا شفتوا اللي جبينه فيـه نـور و وضـا
تراي مرهونها لـو كـان مانـي رهيـن=والقلب عن غيرها شام وسـلا واعرضـا
اللي لها من كنـوز الحـب كنـزٍ دفيـن=وارخصت لعيونها الحاضر مع اللي مضى
يالـذة الـزاد بعـد الجـوع للجايعـيـن=يا ضحك طفل الفقير اللي بلعبـه حضـى
يا عـود مـوز تمايـل والثمـر حبتيـن=تفاح في غصن موز بغصب مدري رضـا
لو كل رجال شافـك يـوم عـاده جنيـن=كان اكثر الناس باسبابك يجـون مرضـا
اخذت من نادرات الطير نظـره و عيـن=واخذت وجه القمـر لا عـم كـل الفضـا
وجمعت لك وردتيـن وبينهـن جمرتيـن=تصالحن في حمـاك وهـن قبـل بغضـا
لو قيل يخلق من الاشباه حـول اربعيـن=مافيـه مثلـك ولا واحـد ولا يفـرضـا
صحيـح مايفقـد الا كـل نـادر ثمـيـن=ولاني بمعتاض فيك ولو يجـون عوضـا
قطفت من حلـو وردك منـوة القاطفيـن=وبردت لاهـب فـؤاد فيـه نـار اللظـى
الله يوفقك يالغـض الغضيـض الحسيـن=والله يعيـن المولـع لـو بهمـه قضـى [/poem]


وسلامتكم

رد: طاري الشوق
 

رد: طاري الشوق
 

صح لسانك . وصور رائعة ولو إن في خاطري شيء على البيت هذا :

لو كل رجال شافك يوم عاده جنين
كان اكثر الناس باسبابك يجون مرضا

رد: طاري الشوق
 

السلام عليكم ورحمة الله وبركاته

الله الله

صح لسانك ياعبد العزيز،،،لاهنت


قصيدة رائعة،، جميلة فيها احساس راقي،،

أمتعتنا ياعبدالعزيز،،،

ننتظرك دائما

تحية طيبة

رد: طاري الشوق
 

صح لسانك ياعبدالعزيز


اعجبني مزجك بين المفرده الحديثه والمفرده الاصيله الجزله وهذه تحسب لك

لاهنت والله على هذا الابداع

رد: طاري الشوق
 

الله الله الله

لله درك يا الدلبحي

قصيده جزله من شاعر جزل

صح لسااااااااااانك

رد: طاري الشوق
 

رد: طاري الشوق
 

رد: طاري الشوق
 

حيا الله حمدي ومداخلاته الجميله

كلمة قضى في البيت السابق ليست بمعنى انتهى ولكنها بمعنى قضاء وقدر

اي ان غرام هذا الغزال مقدر ومكتوب

اتمنى ان الصورة اتضحت الان

لك احترامي

رد: طاري الشوق
 

صح لسان ياعبدالعزيز وافيه من وافي
قصيدة جزلة وتصوير رائع

رد: طاري الشوق
 

رد: طاري الشوق
 

رد: طاري الشوق
 

رد: طاري الشوق
 

صح لسانك..

تصووير رااائع ..

ويعطيك ألف عافيه

رد: طاري الشوق
 

صح لسانك..
ويعطيك ألف عافيه