|
محاوره لسوار الذهب شاعري المفضل
--------------------------------------------------------------------------------
السلام عليكم ورحمة الله وبركاته هاذي محاوره لشاعري المفضل عبدالله الميزاني (( سوار الذهب )) مع حبيب العازمي راح تعجبكم حبيب العازمي سلامي سلاماً فيه معنى وابا معنـاه على الشاعر اللي جرته تدفن الجـره يقولون عبدالله على شـان ذاك وذاه يجيب الحصى في نجد من حرة الحره عبدالله الميزاني (( سوار الذهب)) الا مرحبا ليلك سحاب اوله وتـلااه يحول برد في مرات ويسيل البـره يقولون شركه بين الأقدام والجمهاه وانا ماعلي من العوازم ولا المره حبيب العازمي وصلك السحاب اللي يسابق بروقه ماه ويعطيك من خيره ويكفيك من شـره ابو زيد رمحه فالقاء خد من شلفـاه وحظه بناله بيت مـع عالـم الـذره عبدالله الميزاني (( سوار الذهب)) حبيب ولد لاكن ويش اضحكه وابكاه يجوز السبب صياف ومحمـد الـدره هذا العازمي ياطول صبره على ماجاه عيونه صغار ويقطع الحبل ويجـره حبيب العازمي حبيب ماخلا له حسافـه علـى دنيـاه وعبدالله اللي شـاب والكبـد محتـره هذا اللي يبا يداوي ضرير العرب وعماه عيونه كبار وسـاع والكحـل مـاذره عبدالله الميزاني (( سوار الذهب )) على ماتبا ياحلو ياللي قليل حـلاه يحاول سنين يحط في ظلم مغتـره ربط محزمه واشتال حمله ولا وطاه على جره نسمع عتيبه لهم صـره حبيب العازمي بعد راعي الدكان قفـل علـى المقضـاه تحفـر قبـور النـاس وتـدور الصـره هذا شاعر من مطير واحرص على شرواه ولـو أكثـر المطـران فالرجـل منغـره عبدالله الميزاني (( سوار الذهب )) ولا يابراد الماء دخيلك على حماه عليه اربعين من المضلات منشره انا ماورت العد حتى تفيـح مـاه ولو ارده مره تساوي مية مـره |
رد: محاوره لسوار الذهب شاعري المفضل
بن عادي
اشارك الاعجاب في هذا الشاعر سمعت كثير من محاوراته والحقيقة له ابيات ماتوقع فيه شاعر يجاريها قوتها ولديه اسلوبه الخاص الي صعب يجيده احد في الشعر وهذا الاسلوب معروف بالادب بسم التمرد الشعري شاعر يستحق الاهتمام وتسليط الاضواء على الرغم انه غير مجامل ابد وهذا الي خلا الاعلام بعيد عنه يعطيك العافيه يا بن عادي |
رد: محاوره لسوار الذهب شاعري المفضل
اقتباس:
الله يعافيك الأخ فهد المطرفي شرفني مرورك العطر وبأذن الله راح تشوفون المزيد لشاعري المفضل |
رد: محاوره لسوار الذهب شاعري المفضل
تسلم يا ابن عادي
وصح لسان الشاعرين حبيب العازمي والشاعر الكبير عبدالله الميزاني واضيف اسمي لقائمة المعجبين بشاعريته |
رد: محاوره لسوار الذهب شاعري المفضل
وعليكم السلام ورحمة الله وبركاته
عبدالله الميزاني (( سوار الذهب )) على ماتبا ياحلو ياللي قليل حـلاه يحاول سنين يحط في ظلم مغتـره ربط محزمه واشتال حمله ولا وطاه على جره نسمع عتيبه لهم صـره يبدوا شاعر متمكن جدا وإن كنت غير متابع جيد لشعره .. وحبيب شاعر علم ...ومتمرس وخصم عنيد .. مشكور يابن عادي ولاهنت اختيار يدل على معرفتك بالشعر الجزل وانت وراعيه .. |
رد: محاوره لسوار الذهب شاعري المفضل
سوار الذهب شاااااعر خطييير الله يطول في عمره .
تحياتي . |
رد: محاوره لسوار الذهب شاعري المفضل
حبيب ولد لاكن ويش اضحكه وابكاه == يجوز السبب صياف ومحمـد الـدره
ودي أقتحم معنى هذا البيت لاكن المعنى في قلب الشاعر وحبيب العازمي مافيه حيله الله يطول بعمره |
رد: محاوره لسوار الذهب شاعري المفضل
حبيب ولد لاكن ويش اضحكه وابكاه
يجوز السبب صياف ومحمـد الـدره هذا العازمي ياطول صبره على ماجاه عيونه صغار ويقطع الحبل ويجـره ياسلام ياسلاام عبد الله شاعر قدير ومتمكن ولايهون حبيب تسلم يابو عادي ننتظر ابداعاتك يالغالي اخوك/ فواز |
رد: محاوره لسوار الذهب شاعري المفضل
حبيب ولد لاكن ويش اضحكه وابكاه
يجوز السبب صياف ومحمـد الـدره هذا العازمي ياطول صبره على ماجاه عيونه صغار ويقطع الحبل ويجـره ياسلام ياسلاام عبد الله شاعر قدير ومتمكن ولايهون حبيب تسلم يابو عادي ننتظر ابداعاتك يالغالي اخوك/ فواز |
رد: محاوره لسوار الذهب شاعري المفضل
محاورة قوية من شاعرين من فطاحلة الشعراء
مشكور يابن عادي على النقل وبيض الله وجهك |
رد: محاوره لسوار الذهب شاعري المفضل
اقتباس:
شرفني مرورك والشاعر عبدالله غير معروف لآنشغاله بالدراسه خارج الوطن حسب المعلومه اللي عندي لكنه شاعر مبدع لله دره |
رد: محاوره لسوار الذهب شاعري المفضل
اقتباس:
لا هان غاليك والشعر الجزل يطرب سامعه مرحبابك يامشعل / تابعو جديدي |
رد: محاوره لسوار الذهب شاعري المفضل
اقتباس:
شرفني مرورك العطر |
رد: محاوره لسوار الذهب شاعري المفضل
اقتباس:
شرفني مرورك والمعنى واضح تقريبا حبيب ولد لا كن ويش اضحكه وأبكاه :: يجوز السبب صياف ومحمد الدره |
رد: محاوره لسوار الذهب شاعري المفضل
اقتباس:
شرفني مرورك والمعنى واضح تقريبا حبيب ولد لا كن ويش اضحكه وأبكاه :: يجوز السبب صياف ومحمد الدره |
| الساعة الآن 12:48 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل