ياهل الجيب المجهّـز وناوين الشــمال
 

الأحبة الغالين

السلام عليكم ورحمة الله وبركاته

لعيونكم الغالية وأذواقكم العالية

[poem=font="simplified arabic,6,#00008b,normal,normal" bkcolor="" bkimage="" border="none,1," type=2 line=0 align=center use=ex num="0,"]
ياهل الجيب المجهز وناوين الشمال=وقفوا لو خذت من وقتكم شيٍ قليل
ريضوا لي لين أجيب العمامه والعقال=والفراش وبعض الأغراض للدرب الطويل
للديار اللي سقتها مراويح الخيال=علها من بارق الوسم سيلٍ عقب سيل
ديرةٍ ربي كساها جمالٍ في جمال=لين صارت تشرح الصدر وتداوي العليل
ودي اقضي عدة أيام مع عدة ليال=في فضاها واهتني بالمساء عقب المقيل
علّي استرجع شبابي ولو قالوا محال=عاقد الأمال في واحدٍ ماهو بخيل
كلما حاولت قالوا هدف صعب المنال=قلت فعلاً صعب لكن ماهو مستحيل
بين شي من الحقيقه وشي من الخيال=ينبعث في النفس ذاك الشعور اللي جميل
ماتشوف العشب يطلع من احضان الرمال=ويابس الاغصان تخضرّ وتعود تميل
إبتعد عن زحمة الناس تلقالك مجال=وإترك الدنيا لأهلها ودوّر لك بديل
لاتفكر في تجاره ولافي راس مال=وانت لين اليوم شايب ولا عندك حصيل
كل شيٍ فات والعمر باقي لايزال=لاتضيّع باقي العمر في الشيٍ الهزيل
ضاعت اعمار اكثر الناس في جمع الريال=يتعب الرجال حتى يفاجيه الرحيل
التعب والكد لأم العيال وللعيال=وآخر المشوار من يعترف لك بالجميل
ادري إن اهلك لهم حق مافيها جدال=وانت ماقصرت وفّيت في وزنٍ وكيل
مير نفسك ناسي حقوقها يبن الحلال=انت مايرتاح بالك بيوم ولابليل
تدّرج مثل المحاله تلاحيها الحبال=في عذاب وتسقي الناس عذبٍ سلسبيل
قوم وانظر في المرايه وسل نفسك سؤال=ويش بقا بالعمر للكد والحمل الثقيل
والله إن الصوره ابلغ جواب من المقال=الزمن شاهد على الحال والواقع دليل[/poem]

رد: ياهل الجيب المجهّـز وناوين الشــمال
 

الله الله يابو ناصر
وش هالإبداع وبما أنني أول من دخل وقرأ هذه الرائعة
أتمنى أن تأخذني معك لهذه الديرة التي ذكرتها في قصيدتك
فلقد هبني الشوق لها

بل وهبني الشوق لسماع شعر عبدالله الطلحي
والله العظيم ليست مجاملة كل قصيدة أقرأها لك أو اسمعها منك
أشعر فيها بطعم الشعر الحقيقي الأصيل

صح لسانك الين ترضى يابو ناصر
أتحفتنا بهذه الرائعة وأطربتنا بارك الله فيك

رد: ياهل الجيب المجهّـز وناوين الشــمال
 

الليل الليل


ياسلااااااام يابو ناصر ياسلاااام


عز الله اطربتنا يالغاالي ::::




ماتشوف العشب يطلع من احضان الرمال0000ويابس الاغصان تخضـرّ وتعـود تميـل




ماتشوف العشب يطلع من احضان الرمال0000ويابس الاغصان تخضـرّ وتعـود تميـل






ماتشوف العشب يطلع من احضان الرمال0000ويابس الاغصان تخضـرّ وتعـود تميـل

رد: ياهل الجيب المجهّـز وناوين الشــمال
 

السلام عليكم ورحمة الله وبركاته

قصيدة رائعه من شاعر الحكمة ، ليست غريبة ، كل مايقوله عبدالله الطلحي ، يجب الأنصات له.

عبد الل الطلحي ، مدرسة شعرية نتعلم منها.

صح لسانك يابو ناصر

تحية طيبة

رد: ياهل الجيب المجهّـز وناوين الشــمال
 

الى متى يا ابو ناصر وانت تمتطي الاسلوب التقليدي في كتابة القصيدة

شاعر مثلك يمتلك ملكة شعرية فذه يجب ان تكون الفاظة اكثر عذوبة وسلاسة ويمكنه ان يتطرق للمعنى بابيات اجزل واعذب .


حان الوقت للتغيير يا ابا ناصر

رد: ياهل الجيب المجهّـز وناوين الشــمال
 

السلام عليكم ورحمة الله وبركاته

اشكر شاعر الحكمه عبدالله الطلحي وقد لا تساعد الكلمات في وصف سعادتي بقرائه هذه القصيده التي ينطبق عليها اسم قصيده الربيع والذي دائما ما يبعث الامل ويعيد الحياه
ولا يسعني الا ان اقف احتراماً وتقديراً لشاعرنا القدير واقله <دربك اخظر يبو ناصر> وتقبل مروري

رد: ياهل الجيب المجهّـز وناوين الشــمال
 

والله ابداااااااااااع يبو ناصر

والابداع ماهو غريب عليك

صح لسانك وعلا شانك

رد: ياهل الجيب المجهّـز وناوين الشــمال
 

رد: ياهل الجيب المجهّـز وناوين الشــمال
 

الله يابو ناصر تصدق إنك طمّاع يعني ماسدك الساحل اللي رحته قبل اسبوعين
ألا ان كان العشب في الشمال غير
الله يابو ناصر يعلم الله إني احبك في الله والانسان لازم يتمشى ويشم الهوى

يقول ابويه رحمة الله عليه لفالح

شعار حنا وسواقة وهيا نبى نقطع بطاقة* نبى نشم الهوى يافالح العلم مافيه اندراقه

رد: ياهل الجيب المجهّـز وناوين الشــمال
 

صح لسانك .
رائعة من روائعك . ولاهي أول المفاجاءات ، إصداراتكم شاهدة على جميل الحكم ومن ذلك شريط ( غلطان )

وانصح الجميع بسماعه لشاعرنا أبي ناصر وانشاد أحمد الطلحي

رد: ياهل الجيب المجهّـز وناوين الشــمال
 

السلام عليكم ورحمة الله وبركاته

اشكر شاعر الحكمه عبدالله الطلحي

رد: ياهل الجيب المجهّـز وناوين الشــمال
 

رد: ياهل الجيب المجهّـز وناوين الشــمال
 

[poem=font="ms dialog,4,#0000ff,bold,normal" bkcolor="" bkimage="" border="none,1," type=3 line=1 align=center use=ex num="0,"]
الله الله يا أبو ناصر

إبداع غير مستغرب

الله يبيض وجهك والله لا يحرمنا من إبداعك[/poem]

رد: ياهل الجيب المجهّـز وناوين الشــمال
 

اتوقع ان للابداع بقيه

مع شاعر الحكمه
وان هذه ليست اول مفأجاه ولا اخر مفأجاه

فهكذا تعودنا


ابووووو ناصر شهادتي مجرحه ولكن تقبل مروري

مازن البقيلي

رد: ياهل الجيب المجهّـز وناوين الشــمال
 

ماعااااااااااد لي قوووووول ياعبد الله الاخوان ماقصرو ماقول الا الله يبيض وجهك وصح لسانك .............