قبل الغلا ...
 

السلام عليكم ورحمة الله وبركاته


[poem=font="traditional arabic,4,#000000,bold,normal" bkcolor="" bkimage="" border="none,1," type=2 line=0 align=center use=sp num="0,"]
قبل الغلا كنت أشوف الناس متهوّله = بعد الغلا صرت ما أفتح للسوالف مجال
وش آخر الحب قبل أخره ويش أوّله = تعبت أدوّر جواب يسد جوع السؤال
بعد الفراق أنتبه للدمّعه محوّله = قبل الفراق أنتبه للشوق والانشغال
يا هاجره هادم الأحلام من خوّله = يحط بيني وما بينك دروبٍ طوال
لقاء .. حب .. افتراق .. وحاله مهوّله = هذا هو الوضع بالتفصيل والاختزال
لا بشرح الوضع لعيونك ولا توّله = خليه نقط فراغات لعيال الحلال
يمكن تجي خطوة العشّاق متجوّله = من حول شاعر خيالي عاف حتى الخيال
معهم تساؤل عن الشاعر ومن قوّله = وأنا اختصرت الكلام فـ/ بيت عن الجدال
إبداعك أحيان من واقعك تتسوّله = وأحيان تتخيّله للناس مضرب مثال
وأنا على دولة إحساسي ومن دوّله = عنّيت خيل القصيد وما نهيت القتال
اباغتك بالقصيد الجزل وأموّله = وألقيه في منبر أصحابي كرام السبال
والمشكله شايكه والقصّه مطوّله = ما دام للشوق حوليّه وللحب حال[/poem]


وسلامتكم

رد: قبل الغلا ...
 

رد: قبل الغلا ...
 

الله يبيض وجهك

صح لسانك على الجزله


وانت راعيها دايم
اخوك مازن البقيلي

رد: قبل الغلا ...
 

صح لسانك والله ياهشام

قصيدة جميلة تجبر القاري على متابعتها والتمعن في كلماتها المترابطة

تحياتي لك

رد: قبل الغلا ...
 

وعليكم السلام ورحمة الله وبركاته

قصيدة جميلة أستاذي الفاضل ، الله يعطيك العافية.

رد: قبل الغلا ...
 

وعليكم السلام ورحمة الله وبركاته

صح لسانك وعلا شانك

رد: قبل الغلا ...
 

لافض فوك يابو سعود
صح لسانك وعلا شانك
والله مثل هذه الدرر تحتاج لديوان صوتي يابو سعود
هل فكرت في ذلك ؟؟؟؟
إذا لم تفكر فيه فنأمل أن تفكر بجدية
نكفى يابو سعود

أمتعتنا والله بهذه الرائعة كما عودتنا دائماً
لله درك

رد: قبل الغلا ...
 

وأنا على دولة إحساسي ومن دوّله
عنّيت خيل القصيد وما نهيت القتال
اباغتك بالقصيد الجزل وأموّله
وألقيه في منبر أصحابي كرام السبال


ياخي انت خطير جدا

ياسلام ياسلام

ابداع منقطع النظير

قصيدة فايف ستار

*****

رد: قبل الغلا ...
 

الله الله الله

وش ذا الابداع يا ولد

يعلم الله انها رائعه

قريتها قبل شهرين تقريباً يوم كانت توها طازه من راس الشاعر حتى اذني هههههههه

صح لسانك والله يبو سعود وما فيك حيله من جد

لا تحرمنا من هالابداع .... وعلى قول ابو حمدان ودنا انك تسجل القصائد بصوتك

رد: قبل الغلا ...
 

اهلا"


بهشام الشعر


والابداع والجزاله

أتيت للآستمتاع

وننهل من نهرك العذب ياابوسعود

لله درك يارجل



سجل اعجــــــــــــــــــــــ ـــــــــــــــــــــــــ ـابي

رد: قبل الغلا ...
 

وش آخر الحب قبل أخره ويش أوّله
تعبت أدوّر جواب يسد جوع السؤال
بعد الفراق أنتبه للدمّعه محوّله
قبل الفراق أنتبه للشوق والانشغال
يا هاجره هادم الأحلام من خوّله
يحط بيني وما بينك دروبٍ طوال
لقاء .. حب .. افتراق .. وحاله مهوّله
هذا هو الوضع بالتفصيل والاختزال
لا بشرح الوضع لعيونك ولا توّله
خليه نقط فراغات لعيال الحلال
يمكن تجي خطوة العشّاق متجوّله
من حول شاعر خيالي عاف حتى الخيال
معهم تساؤل عن الشاعر ومن قوّله
وأنا اختصرت الكلام ف/ بيت عن الجدال


درر ياشاعرنا هشام والله درر القصيد يعطيك الله العافيه على القيصده الرائعه ..

وتقبل تحياتي
الهنوف

رد: قبل الغلا ...
 

والله مدرسه يابو سعود في السهل الممتنع

وتسلسل في الابيات متقن

صح لسانك وفكرك يابو سعود

رد: قبل الغلا ...
 

صح لسانك يا أبو سعود

قصيدة رائعة

جزلة إلى حد الإبهار

اباغتك بالقصيد الجزل وأموّله = وألقيه في منبر أصحابي كرام السبال

وليست غريبة على شاعر يملك ادواتك الفنية ولغتك الثرية

تحياتي يا أبو سعود

رد: قبل الغلا ...
 

وعليكم السلام ورحمة الله وبركاته

صح لسانك وبيض الله وجهك ياهشام شاعر متمكن ومهندس للشعر بأسلوب مميز ..

لقاء .. حب .. افتراق .. وحاله مهوّله
هذا هو الوضع بالتفصيل والاختزال


قصيدة فاخرة من الطراز الأول بكل تفاصيلها مميزة هي عادتك ...

لنا الحق إذن أن ننتظر جديدك دوما

الله يبارك فيك

رد: قبل الغلا ...
 

السلام عليكم ورحمة الله وبركاته


الله الله ياسعود

صح لسانك ولاهنت

ابداع وأنسيابيه ، وجمال ، وسهولة مفردة ،، شاعر جميل ،يابو سعود

لاتحرمنا جديدك،،


تحية طيبة