::{ مجالس قبيلة هذيل }:: موقع يهتم بتراث القبيلة ومفاخرها - فطاحلة شعراء هذيل في القرن الماضي مع الملك فيصل

- مجلس المحاورات ( القلطة) (https://hothle.com/vb/forumdisplay.php?f=63)

فطاحلة شعراء هذيل في القرن الماضي مع الملك فيصل رحمه الله

0
هذي المحاوره بين جلالة المللك فيصل رحمه الله

عندما كان نائب لوالده في الحجاز مع الشاعر الكبير//

عبدالله بن مساعد السويهري الهذلي الذي لقبه الملك

فيصل بسلطان الشعراء عام 1354هـ

عبدالله السويهري:

سلامي على فيصل من ال السعـــودي // سلاطين الاسلام سلاطين الاسلام

هل السيف والكرسي من ال الجدودي // عزيزين الاحكام عزيزين الاحكام

الملك فيصل.:

هلا مرحب يلــــــي ترد الـــــــردودي // على طول الايام على طول الايام

وانا شوف حوض وروده الــــــورودي // نبا فزعة ليام نبا فزعه ليااام

عبدالله السويهري:

عسى الله يوليكم جميع الحدودي // يمنها مع الشام يمنها مع الشام

وانا ومالي ليا قالوا سلم النقودي // نباها كما العام نباها كما العام

الملك فيصل::

ولا وا فكرتي الا وا وجودي // نبي الدرب قدام نبي الدرب قدام

وانا تراني دخيلك لاتبيح سدودي // وانا معك غرام وانا معك غرام

***************************
وهذي محاوره اخرى للشاعر
عبدالله السويهري الهذلي ((رحمه الله))

يامرحبا ياسلاطين العرب عند المناصيب // والديره اسفر عليها النور من عقب الظلامي

الليله استروا الخدام بوجود المعازيب // وقدومكم شرفتنا ياعزيزين الاسامي

فاجاب الشاعر عبدالله اللويحان التميمي >>احد مرافقين الملك فيصل رحمهما الله:

حنا لفينا وجينا عند شيال المواجيب // الحي جعله غني والميت جعله لرحامي

شفنا كرمهم وشفنا عندهم كل التراحيب // يوم انت عنهم ثمان سنين وتنوش العلامي

قال الشاعر عبدالله السويهري:

المسعد اللي عطاه الله تعلى في المراقيب // واللي كمايه يداري دون حده مايلامي

**********************

نزل رجل عتيبي على اخر هذلي فقام باكرامه وبعد اكرامه ذهب مع قافله واتهم الهذلي بقتل العتيبي وسجن وبعد اشهر عاد الرجل لاهله وفي تلك الايام جرت هذه المحاوره على شرف الملك فيصل عام 1354هـ
الشاعر احمد الازوري العتيبي:
بعيري راح عند هذيل واصبح جرته ميثار // بعيري راح مابين البهيته واليمانيه

ترى من يجحده مخطي وانا عندي عليه انوار // ثبت راس الجمل ورهت عتيبه بالمحقيه

اجابه الشاعر حاسن المطرفي الهذلي:

بعيرك ضاع واللي ضيعه من ميتين النار // رقد في قمته مايرقد الي طافي الضيه

تبا تسير ساير فوق العرب ماسار // ترى دعواك حيث تروح تقفاها دعااويه

وشارك الشاعر عبدالله اللويحان:

انا مااحسب معازيب الضيوف تذبح الخطار // تراها سالفه ومخالفه ياهل الشهاميه

لك الله لو حلف ماقبل يمين ولاقبل المعذار // ولاني من رجال تقبل ايمان الحراميه

الشاعر حاسن الهذلي:

ترى الزله على مثلك كبيره والعرب حظار // تعد الزور وانت ماثبت لك راس ماليه

علومك بايهه من يوم حطيت اليمين يسار // كما اللي بندقه ثارت وهي ماعقبة سيئه

الشاعر عبدالله اللويحان:

مغويك الجهل وانت من اول من رجال اخيار // تراك تموت قبل الموت من حكم السعوديه

تعذر دون ربع لايهابون الخوي والجار // ترى بعض العلوم تحط في الرجال ماريه

الشاعر حاسن الهذلي:

ترى الحاكم ليامنه لاحكمني ماعليه عار // سمعت امره كمن الناس تحت الحكم مرعيه

زمان اول خفرناكم واخذناكم خفى وجهار // واخذنا اللي نبيه من الفقارى والغناويه

الشاعر عبدالله اللويحان:

قهرتك بالله الرب العظيم الواحد القهار // يحطك في يدي لين اقتضي ماهوحصل فيه

اذكرك العلوم اللي تسويها طوال قصار // تمشيها على العرب وهي ماهي بممشيه

وتدخل الشاعر لافي الحربي:

وانا محسبك تجرا فوق حاسن كملت الشعار // يعرف الحق ماهو من رياجيل خطاويه

اليا جيناه انا وياك نلق الحق والمسعار // يحط الوحده ثنتين والثنتين مثنيه

الشاعر عبدالله اللويحان:

تبا تمدح بها حاسن كمن لك معه مخشار // عليكم والله واكبر كلبوكم ياسحارتيه

زمان الجاهليه تقعدون الدرب للزوار // واليوم انا احمدالله تاكل الحوته وهي نيه

الشاعر لافي الحربي:

ربعي ياكلون الحوته وربعك ياكلون الفار // ليامن لزم له فارة كنه صاد قمريه
تسد اهل الروح ومابقى في المتوع اسوار /// تسد اهل المراح ومابقى الا الفاويه[