العين ترتاح
 

[poem=font="arial,5,#ff0000,bold,normal" bkcolor="" bkimage="" border="none,1," type=2 line=0 align=center use=ex num="0,"]
العين ترتاح حيل الشوف غدراني= والا خباري عليها ورد وجمالى
واللا مضاهير ترعى النوق والضاني=في روضتن سج فيها الفكر والبالى
يالله طلبتك ولاني طالبن ثاني =ياواحدن ماعجز من كثرت اسوالى
يالله طلبتك صدوقن غر المزاني = تجعل ديرنا عليها وبل همالى
من ساحل الغرب لين الساحل الثاني=ماعاد نبغا قصور ومنزلن عالي
ضاقت نفوس البشر ماضاقت اوطاني=الخيرواجد لكن الحسد مازالى
في ما مضا كل واحد يعرف الثاني=واليوم ماغير ذاهندي وصومالي
معاد ندري سبب والا من الجاني=ناسن تضر الوطن وتجمع المالي
شوفوشباب الوطن لجل ايش عطلاني= قلت عليه الفرص تاجر وعمالي
شوفوبلدنا بها من كل الاوطانى =كن البلد تشتكي من نقصت اعيالي
غنيت كله زعل ماني بطرباني =والي علا بال خلق الله على بالي[/poem]

رد: العين ترتاح
 

السلام عليكم ورحمة الله وبركاته


الله أكبر ،، ياميعاد

صح لسانك وعلا شانك،،، أبيات جميلة لاهنت عليها،، وشعور أجمل.

ننتظر جديدك دائما،،،


تحية طيبة

رد: العين ترتاح
 

صح لسانك ياميعاد تحدثت عن قضية مهمة وهي كما قلت تشغل بال كل الناس
لاهنت وبيض الله وجهك

رد: العين ترتاح
 

صح لسانك ياميعاد هذيل حنين الي البداوه والحياه الاصيله استمتعت بقرائه النص وننتظر القادم...................................... .تقبل مروري

رد: العين ترتاح
 

الاخ عماد \ابو حمدان\ مغبش \ اسعدني مروركم تقبلوتحياني