مدري متى باكر يجيني والاقيك.....
 

[align=center]السلام عليكم ورحمة الله وبركاتة

اليكم هذي القصيد ة ونشاء الله تعجبكم[/align]

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
عندي امل باكر يجيني والاقيك =واقولك في غيبتك وش جرالي

وشلون حزني هدني لين ابكيك=والمح على الدمعه اجابة سؤالي

وارجع اكفكفلك دموعك واراضيك= ويصير ماللهرج معنا مجالي

ماغير اطالع بك وارد النظر فيك = ماني مصدق حلم عمري قبالي

وتاخذ يديني يامنى الروح بيديك =وتقول لي ياحلو ذيك الليالي

وتقول سمعني وش اللي جرى فيك = هو صدق ماحبيت غيري وفالي

والا لقيت بغيبتي من يسليك =منهي خذت قلبك وحلت بدالي

واقول من غبتي وقلبي يناجيك = وزولك ولالحضه يفارق خيالي

حتى وانا نايم اشوفك واناديك = وافز من نومي والاني لحالي

اسامر نجوم السماء مع طواريك =وشم عطرك مع هبوب الشمالي

واتخيلك جنبي تسولف واحاكيك =والناس تحسب صاب عقلي خبالي

ياقوة الله وينها بس اراضيك = لو باخر الدنيا بشدد رحالي

ماغير اقلب ذكرياتك وماضيك =وش غير ذكرانا وش اللي بقالي

مدري متى باكر يجيني والاقيك =وتشوف بعيونك وش اللي جرالي[/poem]

رد: مدري متى باكر يجيني والاقيك.....
 

[align=center]صح الله السانك يا رهيف

على هذي القصيدة الحلووة تسلم

أختك شموسة[/align]

رد: مدري متى باكر يجيني والاقيك.....
 

[align=center][align=center]يعطيك العافية اخوي رهيف

على هالقصيدة الرائعة

تقبل تحياتي الحارة

اخوك سمو العز[/align][/align]

رد: مدري متى باكر يجيني والاقيك.....
 

رد: مدري متى باكر يجيني والاقيك.....
 

[align=center]صح بدنك سمو العز

ويعطيك العافية

ومشكوووور على مرورك العطر

تحياتي لك

رهيف الاحساس[/align]

رد: مدري متى باكر يجيني والاقيك.....
 

صح لسانك يا مبدع مشكور

رد: مدري متى باكر يجيني والاقيك.....
 

رد: مدري متى باكر يجيني والاقيك.....
 

[align=center]ياراعي القيفان طابت لياليك== ذكرتني في الحب وقتاً مضالي[/align]

[align=center] قصيدة رائعة

تسلم يارهيف الإحساس[/align]

رد: مدري متى باكر يجيني والاقيك.....