::{ مجالس قبيلة هذيل }:: موقع يهتم بتراث القبيلة ومفاخرها

- المجلس العام (https://hothle.com/vb/forumdisplay.php?f=4)

- - يوميات مشاكس "8" ماقبل قبل الأخيره (https://hothle.com/vb/showthread.php?t=26706)

يوميات مشاكس "8" ماقبل قبل الأخيره

في أحد الأيام كنت متواعداً مع أخي وحبيبي مشاكس نبنروح السوق

نشتري شوية أغراض .....المهم الرجل طول علي وتأخر

وأخيراً جيت ....ياخوي طولت

هاااااااااااااااااااااااا ااي ياأبو شوشو :58:

أقول قسماً لأحش شوشتك الحين.ويش شوشو ..أبو شموخ لوسمحت

بعدين تعال ...أنت ويش أخرك علي

آآآم سووري ....بس كان فيه موعد للماما في الهوسبتل وتأخرنا شوي

مشاكس حبيبي ....أنت مسخن

أعوذ بالله ......شو هالفال

طيب ويش سووري وماما وهوسبتل

أوووه معليش ياأبو شموخ ......نسيت إنك دقه قديمه

دقوا ضرسك إن شاء الله وأهرج زين ولاتقعد تتميع عندي والله ماهي

لايقه عليك ....وحتى كلمة الماما ماهي لايقه على " دهيره "

أبو شموخ ....لو سمحت لاتغلط على الماما

أنا ماغلطت ...اسمها " دهيره " ويوم جات التوابع غيروه ل" صالحه "

أبو شموووخ

أقول أنثبر بس ....وأسترجل وياللي يرحم لك الماما وخلنا نروح السوق

ونقضي بسرعه ونمشي

أهم شئ السرعه ياأبو شموخ ....لأني بعدها أبروح الحلااااااااااق

عزالله أبتتعبه بشوشتك هذي اللي ماطبها الماء من ثلاث أيام

>>>>>>>>> وفي الســــوق >>>>>>>>>>

يالحبيب ...بالله عطنا شماغ البسام بصمه " 1" مقاس 58

ياأبو شموخ ..شو هالتخلف ...ويش شماغ والبسام ..ماأقول إنك دقه

قديمه ........المهم أنا أبروح المحل اللي جنبنا ولاخلصت من شماغك

تعال هناك

>>>>> في المحل المجاور لمحل بائع شماغ البسام >>>>>>

أبو شمووخ ......ويش رأيك :jawdrop:

قسماً بالله ..:55:....إن أشتريته لأقطع علاقتي بك نهائياً

ليه ياأبو شموخ .....كل الشباب يلبسونه وهو موضه

أقول علمي وجاك يامشاكس .....وماعندي غيره

خلاص ولاتزعل نفسك ....بطلت مابشتري " ط...." وبشتري جينز عادي
ولاهذا يامشاكس

يووووووووه ....صدق دقه قديمه ياأبو شموخ ...خلاص بنروح الحلاق

>>>>>>>>> >>>>> عند الحلاق >>>>>>>>>>>>>>>

يامشاكس هذا شكله غالي

بالله ماقد رحت لحلاقين فايف ستار

لاوالله ...حتى يوم زواجي ماحلقت الا في صالون الأنوار اللي جنب

الحرمين..........وماعنده ولاستار

هاااااااااااااااااااااااا ي مومو :8rf:

وجع يامشاكس من مومو بعد

هذا الحلاق ........اسمه مهند وحنا ندلعه مومو

مومو .........أبغاك تحلق لي قصة الـــثور

وقف يامومو .ويش قصة الثور يامشاكس

هذي موضه ياأبو شموخ

مومو ..........عطه بالمكينه رقم " 2" بلا ثور بلا خرابيط

لا ويش مكينه .....خلاص حلق بالمقص يامومو والله يعينني على أبو شموخ

تك ..تك ...تك ......تك

مومو :. شو يامشاكس بدك أحلء لك شارب مأقص والا مكينه ؟؟

لا .....لا .........شيله بالموس مرررررره

مشااااااااااااااااااااااا ااااااااااااااااااااااااا ااااااااااااااااااااااااا اااااااااكس

:icon28::icon28::icon28::icon28::icon28::icon28::i con28::icon28::icon28:

ويش فيك زعلان ياأبو شموخ .....الا هذي ماتقدر تتكلم علي فيها لأنها

سنة الرسول صلى الله عليه وسلم

ماشاء الله سنه ..........وليش ماطبقت السنه الا على شنبك

هذا أنتم يال.......... تتعللون بالسنة في حلق الشنب وتنسون إن حلق

بعض الرأس وترك بعضه حراااااااااااام .....هذا وأنتم أحفاد الصحابه

ياأبو شموخ مين يقدر يقلد الصحابه هالأيام ؟؟

الصحابه جاهدوا ونشروا الإسلام في أنحاء العالم ...مين يقدر يسوي

مثلهم هالأيام

لا ....فيه يامشاكس ............السويلم والغامدي :hunter::hunter:

طيب من هم السويلم والغامدي ياأبو شموخ

هم

[poem=font="Arial,4,#008000,bold,normal" bkcolor="" bkimage="" border="double,5,#4b0082" type=0 line=0 align=center use=ex num="0,"]
قوم إذا اقتحموا العجاج رأيتهم = شمساً وخلت وجوههم أقمارا

لايعدلون برفدهم عن سائل = عدل الزمان عليهم أو جارا

وإذا الصريخ دعاهم لملمة = بذلوا النفوس وفارقوا الأعمارا [/poem]