البعيــد ,,؛؛ والمــوالي ,,,؛؛
 

المعذرة على القصور :


[poem=font="arial,5,#000000,bold,normal" bkcolor="#5c92cc" bkimage="backgrounds/20.gif" border="double,1," type=2 line=0 align=center use=ex num="0,"]
سبحان من قدّم على الساعة اشراط = رفع سماه وكوكب الارض حطّه

اللي وهبنا العقل منشان نحتاط = وجعل لنا القرآن منهج وخطّه

وبيّن لنا النّجدين في كل الانماط = يعني ( توقّ الشوك ولا توطّه )

وان جاك من جار السّعد بعض الاغلاط = ادمح خطاه وقدر الاغلاط غطه

ماكل صدقانك كما اسنان الامشاط = بالعكس : كلن يختلف لون خطّه

بعض الرّفاقه لابعد النّاس مقلاط = وانت الموالي مجلسه ما قلطّه

ياليتني لجروح الاقراب خيّاط = جرح الشّنا يمديني اليوم خطّه

يمدي ضلوع المشكلة جرحها خاط = ونذيع مرسوم الخبر فالمحطّه

ولاّ نربّط كل مشروه برباط = والله ليمديني صملت وربطّه

ويروح مكنون الزّعل روحة مقاط = تصفا الضماير والقلوب المغطّه

ماقلتها من باب تثبيط واحباط = ابغا الثمر من كل غصنٍ خبطّه

ولاقلتها هرجة سعه (ضحك وهياط ) = ولاداخلٍ عيني من النّوم غطّه

انا كتبت العلم في عدّة انقاط = ولاني بضامن كل شرط اشترطّه

رب البريّه حط للساعة اشراط = رفع سماه وكوكب الارض حطّه[/poem]



::فواز الهذلي ::

رد: البعيــد ,,؛؛ والمــوالي ,,,؛؛
 

اللـــــــــــه ..اللـــــــــــه


للأمانه حاولت إقتباس بيت جميل

فوجت أن كل بيت قصيده حكمه إبداع بحد ذاته

صح لسانك فواز علي هذا الرقي

جزاله وحكمه

روعه في المبني والمعني


فالك التميز



تقبل مروري وإعجابي

رد: البعيــد ,,؛؛ والمــوالي ,,,؛؛
 

الله الله الله يابو عايش صح لسانك والله
كلام في الصميم
تعودنا منك دائماً الجزاله والعلوم الغانمة بيض الله وجهك


أخوي فواز لي ملاحظة قد لاتكون ملاحظة بقدر ماهي إستفسار
من ناحية القافية التي أورتها في قصديتك هذه
بداية قصيدتك وأغلب أبياته كانت قافية العجز ( طه ) بتشديد الطاء
ولكن في بعض الأبيات جعلتها ( طته ) إلا أنك تجاهلت حرف التاء وأدغمته في الطاء واصبح ( طه ) مشدده فاختلف معنى الكلمة فمثلا في قولك :
( جــرح الشّـنـا يمديـنـي الـيــوم خـطّــه )
هنا أنت قصدت أن تقول (( خطته ) من الخياطة ولكن عندما حذفت التاء أصبحت الكلمة ( خطه ) يعني طريقة أو اسلوب .

وأمثلة كثير مثل :
(( وانــت المـوالـي مجـلـسـه مـــا قـلـطّـه )) >> قلطته

((والله لـيـمـديـنـي صـمــلــت وربــطّـــه )) >> ربطته

(( ابـغـا الثـمـر مــن كــل غـصـنٍ خبـطّـه )) >> خبطته

((ولانـي بضـامـن كــل شــرط اشتـرطّـه ))>> اشترطته


ألا ترى بأن حذفك لحرف التاء في هذه الكلمات أثر على القافية من ناحيتين
أول شيء غير معنى الكلمة ثم القارئ للكلمات يقرأها ( ته ) وليس ( طه )
وبذلك تكون القافية قد تغيرت ، وأنت قمت بدمج حرف التاء مع حرف الطاء وجعلتها حرف واحد مشدد وأنا اللي أعرفه في اللغة أنه لايدمج حرفين متتالين ليصبحا حرف واحد مشدد إلا إذا كانا الحرفين من نوع واحد يعني لو كانت ( طائيين متتالين )) فبالإمكان جعلها طاء واحده مشدد ، ولكن الحرفين التي دمجتها هي حرفين مختلفين ( الطاء والتاء ) فأعتقد أنها لاتدمج مع بعهضا لتصبح حرف واحد مشدد حتى لو أن مخرج الحرفين متقاربين لأنه في هذه الحالة قد حذفت ضمير المتكلم في الكلمة فتغير معناها والله أعلم .

مجرد سؤال ووجهت نظر وأنا لست بمن يقيم شعر فواز الهذلي لإنك شاعر علم ومعروف ولكن قد يكون لك وجهت نظر أخرى فأقنعني بها لأنني أتعلم من الجميع فمنكم نستفيد .

أرجو أن لاتأخذ كلامي هذا على أنه نقد أو ملاحظة بل هو سؤال واستفسار
وتقبل تحياتي واحترامي

رد: البعيــد ,,؛؛ والمــوالي ,,,؛؛
 

صح لسانك يافواز

رائعه لا شك


ولاقلتها هرجة سعـه (ضحـك وهيـاط )
ولاداخــلٍ عيـنـي مـــن الـنّــوم غـطّــه


عسى ماباس بس ؟ ههه

رد: البعيــد ,,؛؛ والمــوالي ,,,؛؛
 

اخي الغالي بث تجريبي


الابداع هو تسجيل اسمك على الصفحة


وكلامك الحلو على عيني ورااسي


اخوك

رد: البعيــد ,,؛؛ والمــوالي ,,,؛؛
 

ابو حمدان


حياك الله يبن العم .,.,.,

كلامك صحيح ولاجدال على ماقلت ,,


ولكن ::


اعتقد ان الشعر يلقى قبل ان يكتب ,,

ملاحظاتك كلها بعين الاعتبار وانا اعلم جيدا بما ذهبت اليه وهو صحيح ,,

ولكن : اذا القيت القصيدة هل هناك عسف للابيات ؟

لا اعتقد ابداا

:::::::::

مثال : مستور :: الله يعين الشجرة اللي عايشٍ في ظلّها
مثال : مستور : بعض اعلوم الطايرات احفر لها وادفلّها <<< ادفن لها


والكثير الكثير :::


ابو حمدان ثق تماما اني سعيد بنقدك وردك وانا اتعلم منك الشيء الكثير

رد: البعيــد ,,؛؛ والمــوالي ,,,؛؛
 

هلا يابو بسام


صح بدنك


تسلم

رد: البعيــد ,,؛؛ والمــوالي ,,,؛؛
 

والله قويه يابو عايش معنى ومبني لولا ما اشار اليه شيخ مجالسنا


وشاعرنا ابو حمدان


صح لسانك والله يابو عايش


اتمنى ان اراك شاعر ميدان يشار لك بالبنان في اقرب وقت


لك احترامي

رد: البعيــد ,,؛؛ والمــوالي ,,,؛؛
 

رد: البعيــد ,,؛؛ والمــوالي ,,,؛؛
 

صح لسانك يا أبو عايش


قصيدة رائعة


وتسلسل جميل للفكرة


تقبل مروري


ودمت بخير

رد: البعيــد ,,؛؛ والمــوالي ,,,؛؛
 

هذا ماعودتنا علبه ...

إبداع يافواز .. صح لسانك وبيض الله وجهك

رد: البعيــد ,,؛؛ والمــوالي ,,,؛؛
 

رد: البعيــد ,,؛؛ والمــوالي ,,,؛؛
 

ماشاالله عليك يابو عايش قصيدة رائعة


وبيض الله وجهك وعساك على القوة


شاعر مبدع بكل ماتعنيه الكلمه وفالك
التوفيق يالسنافي

رد: البعيــد ,,؛؛ والمــوالي ,,,؛؛
 

رد: البعيــد ,,؛؛ والمــوالي ,,,؛؛
 

صح لسانك يافواز والحقيقه اني اخذت القصيده مثل مبغيتها انت واقتنعت بها ولا اري فيها شي لان الشاعر يجوز له مالا يجوز لغيره بلاخذ بعين الاعتبار النطق وليس الكتابه مبدع في كل حالاتك ياشاعر الميدان...........................تقبل مروري