*** صلـــــــــــــــيم ***
 

السلام عليكم ورحمة الله وبركاته

اخواني وابناء عمي ,,, اتمنى ان تقبلو مني هذه المشاركة البسيطة ,,

اود ان الفت الانتباه ان البيت الاول للبطل المرحوم باذن الله ( عويض السدّاح السعيدي )

وانا لاعجابي بهذا البيت اتت مشاركتي بنفس الغرض تقريباا


[poem=font="arial,5,#000000,bold,normal" bkcolor="#b7d8fb" bkimage="backgrounds/16.gif" border="double,1," type=2 line=0 align=center use=ex num="0,"]
بديت منيفه اليمنى وعصر اببدي العمدان=حدود ديارنا والحد اللآخر جيت من دونه

صلاة العصر يوم ان الفيايا تقنع الضلعان = وانا بادي براس الضلع اهلّ القاف بلحونه

واغنّي واتذكّر من رحل من ربعي الصلمان = واهلّ الدّمع يومنّ البنادم تدمع عيونه

طرالي ياسعود الشايب اللي ينطح الفرسان = ابن نّجم الشّجيع اللي لاضاع الراي ينصونه

صويك الرّاس لامنّ الحرايب جالها دخّان = ليا حان الوعد ينصى اللزوم وينثني دونه

وطرالي صامل الزندين راع المحزم المليان = ابن ناجي عسى السّندس لباسٍ يكسي متونه

وتذكّرت الشّجيع اللي يرجّح كفّة الميزان = ابن مسعود من طيبه ليا هلحين يبكونه

ليا ثار الرّمي واصطكّو الشجعان بالشّجعان= ابن مسعود له وقفه مع الصّلمان مضمونه

وانا وشلون ابنسى عيد ابن سالم واخو سلمان = ولو طال الدّهر راع الحميّه لاتناسونه

يعقد الحبل ويحلّه ورايه يقدي الحيران = ومع ربعه سواة السّيف للعادي يسلّونه

وتذكّرت الشّجيع الشّاعر اللي يصخر القيفان = ابن حمدي ليامن قال خلّوها يعرفونه

سنافي واحموي وان صعبت القاله سليط لسان = الا ياطيب ابو تركي ومطيب صوت حنحونه

والا ياهاجسي لدّ النظر في ربعنا العقلان = هل الفزعات لاقام الزّمان يحدحد سنونه

طرالي شيخهم راع الشّداد ومكرم الضيفان = ابن نامي ليا جات الحمايا ماقصر عونه

عساهم كلهم في جنّة الفردوس يارحمان = وعسى زلاتهم ياغافر الزلّات مدفونه

صليم اهل الحميّه والحميّه عندها عنوان = واهل جيرة واهل فزعه وعانيهم يعزّونه

وانا ماقول غير الكلمة اللي فوقها ضمّان = الا ياويل مقرودٍ هل الطّاله يعادونه

رجالٍ تلحق الفزعه بفزعه لالتقا الجمعان = الا ياكم حريبٍ لانصاها ينكسر شونه

يكفّيهم فخر بين العرب لاقلت ابوراكان = عسى عمره طويل ونيّة العدوان ملعونه[/poem]

رد: *** صلـــــــــــــــيم ***
 

صح لسانك يا أبو عايش


وبييض وجهك


ورحم الله الشاعر عواض السداح


بيت بالفعل يحرك المشاعر


ورحم الله جميع من ذكرت رحمة واسعة


شكراً فواز

رد: *** صلـــــــــــــــيم ***
 

صح لسانك وعلي شانك

الله يرحم الميت

ويوفق الحي


تحياتي وتقديري

فواز

رد: *** صلـــــــــــــــيم ***
 

بديـت منيفـه اليمنـى وعصـر اببـدي العـمـدان
حـدود ديارنـا والحـد اللآخـر جيـت مـن دونــه

عساك للرحام يا(عويض بن عجل السداح السعيدي) ياراع البسيتين يامرعب قلوب العدا


طرالـي ياسعـود الشايـب اللـي ينطـح الفرسـان
ابن نّجم الشّجيع اللـي لاضـاع الـراي ينصونـه

صويـك الـرّاس لامـنّ الحرايـب جالـهـا دخّــان
ليـا حـان الوعـد ينصـى اللـزوم وينثنـي دونــه

(عايش بن نجم السعيدي ) عساك للرحام ياعمي والله انك فقيده فقيده


وطرالـي صامـل الزنديـن راع المحـزم المليـان
ابن ناجي عسى السّندس لبـاسٍ يكسـي متونـه

( عيضه بن ناجي السعيدي ) الله يرحمك ياشيخ الشيوخ ومنبع الشموخ


وتذكّـرت الشّجيـع اللـي يـرجّـح كـفّـة المـيـزان
ابـن مسعـود مـن طيـبـه لـيـا هلحـيـن يبكـونـه

( سعيد بن مسعود السعيدي ) لم ننساك ولن ننساك وياعسى الجنه مثواك


وانا وشلون ابنسى عيد ابن سالم واخو سلمان
ولــو طــال الـدّهــر راع الحـمـيّـه لاتنـاسـونـه

( عيد بن سالم بن مسعود السعيدي ) رحمة الله عليك يابو سعود يا راع الماقف والحميه


وتذكّرت الشّجيع الشّاعر اللـي يصخـر القيفـان
ابــن حـمـدي ليـامـن قـــال خـلّـوهـا يعـرفـونـه

سنافي واحموي وان صعبت القاله سليط لسان
الا ياطيب ابـو تركـي ومطيـب صـوت حنحونـه

( بريك بن مبارك بن حمدي السعيدي ) شيخ زمانه لم تجف الدموع من فراقه حتى الان ونسأل الله ان يسكنه اعلى المنازل من الجنه


طرالـي شيخهـم راع الشّـداد ومكـرم الضيـفـان
ابـن نامـي ليـا جــات الحمـايـا ماقـصـر عـونـه

( معيوض بن نامي العقيلي ) للرحام يابو عيضه وياعساك في جنة الخلد


هؤلاء هم حصون الديره في الوقت السابق لن تنساهم صليم خاصه وهذيل عامه وان شاء الله الخير لا يزال موجود في ابناء صليم وشيوخهم


صح لسانك ملايين يافواز ذكرتنا بهذه الكوكبه على الرغم من اننا لم ننساهم ولن ننساهم

الله يرحمهم جميعا ويسكنهم فسيح جناته

ويطول بعمر ابو راكان وبقية شيوخ القبيله

لا هنت لا هنت لا هنت

رد: *** صلـــــــــــــــيم ***
 

رد: *** صلـــــــــــــــيم ***
 

السلام عليكم ورحمة الله وبركاته



حيالله ابو عايش

وصح لسانك ،، لين ترضى يافواز،،،

جميل هذا الوفاا،،، ونعم بربعنا الصلمان كلهــم،،،

ورحم الله من كرتهم رحمة واسعه ،، وجميع أموات المسلمين،،


تحية طيبة

رد: *** صلـــــــــــــــيم ***
 

هلا يابو سعود

صح بدنك يالقرم

وجهك ابيض


سلمت ودمت يابعدي

رد: *** صلـــــــــــــــيم ***
 

صح لسانك يابو عايش على هذه الدرة المنظومة ، والشكر لابي بسام على التوضيح

الله يرحمهم ويعوض الحيين

رد: *** صلـــــــــــــــيم ***
 

رد: *** صلـــــــــــــــيم ***
 

صليـم اهـل الحميّـه والحمـيّـه عنـدهـا عـنـوان
واهـل جيـرة واهـل فـزعـه وعانيـهـم يعـزّونـه

كفو والله بربعنا صليم كلهم أنا أشهد إنهم نوماس والله
الله يرحم الميتين ويبارك في الحيين ويطول أعمارهم

وصح لسانك يابن عايش والله درر من شاعر متمكن
وبيض الله وجهك

والشكر موصول لأبي بسام على التوضيح للأسماء الواردة بالقصيدة
علي بالحرام إنكم كلكم كفو

رد: *** صلـــــــــــــــيم ***
 

وعليكم السلام ورحمة الله وبركاته

والا ياهاجسـي لـدّ النظـر فــي ربعـنـا العـقـلان
هـل الفزعـات لاقــام الـزّمـان يحـدحـد سنـونـه

طرالـي شيخهـم راع الشّـداد ومكـرم الضيـفـان
ابـن نامـي ليـا جــات الحمـايـا ماقـصـر عـونـه

عساهـم كلهـم فـي جـنّـة الـفـردوس يارحـمـان
وعـسـى زلاتـهــم يـاغـافـر الـــزلّات مـدفـونـه

آمين يارب الله يرحم اللي مات ويعز شان الحي ..لاهنت ياشاعرنا وبيض الله وجهك ..

فقط أقول كلمة (سليط ) ...أراها في غير محلها ...

وفقك الله وبيض الله وجهك ..

رد: *** صلـــــــــــــــيم ***
 

صليـم اهـل الحميّـه والحمـيّـه عنـدهـا عـنـوان.......واهـل جيـرة واهـل فـزعـه وعانيـهـم يعـزّونـه


ونعم ونعم بصليم وهذيل كافه

صح لسانك يابوعايش

رد: *** صلـــــــــــــــيم ***
 

وعليكم السلام ورحمة الله وبركاته ،
صح لسانك ياشاعرنا الغالي ،
والله والنعم بربعنا الصلمان ، ونعم بكل من
ذكرت ورحمهم الله جميعا.

رد: *** صلـــــــــــــــيم ***
 

صح بدنك يابعدي


الله لايهينك يبن العم

رد: *** صلـــــــــــــــيم ***
 

عذراً على الخطأ الغير مقصود


في أسم الغفور له بأذن الله


عويض السداح السعيدي