يابو علي
 

السلام عليكم ورحمة الله وبركاته




ارجوا ان تنال على رضاكم واستحسانكم ولا تحرمونا من انتقادكم وتوجيهكم






[poem=font="arabic transparent,5,#000000,normal,normal" bkcolor="#ffffff" bkimage="backgrounds/1.gif" border="double,2,#2e8b57" type=2 line=0 align=center use=ex num="0,"]
يابو علي بكره علي خيـر ماشـي=النفس عيت تنسمح مـن طفشهـا
معـاد بالممشـــــــا جـدال ونقاشـي=سكر مواضيعـن كثيـرن بلشـهـا
اركب علي بنزن شرينـاه كاشـي=تفـز لا مـن الدريـــــــــــول لكشـهـا
ماسجلو فـي كرتهـا اللقراشـي=ولا وقفوهـا والمهنـدس فتشهـا
ولا شغلـو طبلونهـا والفـلاشـي=عروس شيخن والمزيـن نقشهـا
ماجابه الـي عايشـن بالمعاشـي=لضايقـه وجـه المديـن قرشهـا
سواقها من سرعة الميل شاشـي=صك القزاز وهاتفه عـن دوشهـا
بينه ومابين الطريـق اهتواشـي=عقب الصلاه وجاهمن مع اغبشها
من شان محبوبٍ علي العز عاشـي=روحي لياجابـوا مجالـه نعشهـا
اسرف بقلـبٍ بالمـوده هشاشـي=جدد جروحـن مرمسـات ونبشهـا
بين المحاني والعروق العطاشـي=حبه سطا بين الضلـوع وخرشهـا
ماهوب حب اهل القلوب الغشاشي=ناسٍ لها غاية وتخفـي غششهـا
اللـي يبيعـون الصداقـه بلاشـي=يومين والثالث يحوشـك طششهـا
جيته وزادت لهفتـي واندهاشـي=لهفة وفا والكبـد فيهـا عطشهـا
من الزعل كثـر عتابـه وطاشـي=اباأتعـذر والمشـاعـر ربشـهـا
أغضى ودمعه فوق الاوجان غاشي=قالت غيابك عن عيونـي وحشهـا
قلت انت اللي فيك ملح وبشاشـي=سعادتن للحـب ساعـه وعشهـا
لا تستمع لكـل مبغـض وواشـي=اذني عن العذال مبطـي طرشهـا
بنيتلـك بيـت المـوده بجـاشـي=وسمحتلك تمشى علي كيف يشهـا[/poem]






اخوكم ضاوي الهذلي

رد: يابو علي
 

صح لسانك أخوي ضاوي

قصيده فيها من الجمال الكثير

استخدمت قوافي جميله برغم ندرة مفرداتها

ابدعت لله درك

,
,

شكرا لك

رد: يابو علي
 

والله انك ابدعك



شكرا لك

رد: يابو علي
 

صح لسانك يا ضاوي

ابدعت فعلا

لا هنت والله

رد: يابو علي
 

الله الله


صح لسانك أخوي ضاوي الهذلي


قصيدة جميلة


وقوافي أستطعت أنت تطوعها لقصيدتك


سجل أعجابي

رد: يابو علي
 

ملاحظة أراها مهمة دامك طلبت النقد يابن الحلال

اركب علي بنزن شرينـاه كاشـي
تفـز لا مـن الدريـول لكشـهـا

شريناه جعلت الضمير للمذكر
بينما تفز مؤنث
واستمرت باقي الابيات على هذا المنحى (وصف)

رد: يابو علي
 

رد: يابو علي
 

صح بدنك

شكرا لتشريفك مشاركتي والف شكر على هالاطراء من شخص بحجم عز الرفيق

يسلمك ربي اتمنى ان اكون عند حسن الظن
شكرا لتشريفك لمشاركتي



صح بدنك

الابداع هو تشريفك لمشاركتي الله لا يهينك

صح بدنك

اول وسام على صدر قصيدتي حصولها اعجاب شاعر بحجمك الله لا يهينك

الف شكر لتشريفك واطرائك العذب

اذا لم استفد من هذيل الشعر والفصاحه فمن الصعب ان احصل على لقب شاعر . وانا ما زلت في بداياتي ومن مثلك وشرواك نستفيد

اسعدني جدا مرورك وملاحظتك الله لا يهينك




صح بدنك
الوسام الثاني للقصيدة باعجاب شخصك بابياتها

الله لا يهينك والف شكر لمرورك العذب