مثل طيـر بن عــون
 

لعيون الغالين هنا
في منتدانا الغالي
مع صادق المحبة

[poem=font="traditional arabic,7,#00008b,normal,normal" bkcolor="" bkimage="" border="none,1," type=2 line=0 align=center use=ex num="0,"]
ياطير في خاطرك شي امتخَفّي=متغيرٍ طبعك وضايق ومحزون
دايم على همك جناحك مظفّي=كنك بظف احد الجناحين مطعون
هذا وانا اللي في لزومك موفّي=شايلك وسط العين واغلى من النون
لافرّع القناص طيره ورفّي=والكل في طيره مولع ومفتون
أعد نقلك هو غرامي وشفي=وتزهاك في عيني تواصيف وعيون
ياما معك عنيت ساقي وخفي=مااسمع من العذال مهما يقولون
واشغلت فكري معك لين إستخفي=وادخلت في بالي هواجيس وظنون
اقبلت لك لكن اشوفك مقفي=في كل يوم الحال من دون في دون
واخاف لااحصلك يوم متوفي=ويروح معك السر ياطير مدفون
عقب المعزه مايجوز التجفّي=ولاني بمستانس معك وانت مغبون
اللي حصل من طول صبرك يكفي=والحر يرجع حر ماهوب مسجون
انا نويت اطلق سبوقك بكفي=واعتقك ياطيري مثل طير بن عون[/poem]

رد: مثل طيـر بن عــون
 

وتسلم عيون من قال والله ، وتأكد أنني من مدمني هذا الشعر العذب
الذي يتوج بتوقيع شاعر الحكمة ، بل وشاعر العذوبة أيضاً.
الله يرحم من عقبك ، وأنت أحد مفاخر هذيل الأدبية.

رد: مثل طيـر بن عــون
 

الله يبيض وجهك يابو ناصر كل قصيدة عن عشر قصايد حكمه وحبك وسبك أنت تمثل الشعر والشعر يمثلك .

تحياتي .

رد: مثل طيـر بن عــون
 

بيض الله وجهك على هالجزالة وليس غريب عليك

الجزالة من راعيها والحكمة من بيت الحكمة

رد: مثل طيـر بن عــون
 

صح لسانك ياشاعر الحكمه رمزيه رائعه وحبكت شاعر لا يشق له غبار اطربتني كثيرا مبني ومعني ,,, مدرسه نتعلم منك الله يعطيك العافيه يابو ناصر وطيرك من الطيور الاحرار بل نادر الوجود ماشاء الله
اشكرك مره اخري علي القصيده والله يبيض وجهك

رد: مثل طيـر بن عــون
 

الفارس حزين الطلعة
ولا اعلم سر هذه الطلعة الخزينة

ولكنها طلعة تسعدني وأفتخر بها في متصفخي

شكراً لحضورك البهي وكلماتك المشجعة

.

رد: مثل طيـر بن عــون
 

رد: مثل طيـر بن عــون
 

هلا والله بإبن العم

حياك الله يالغالي

شكراً لتواصلك

.

رد: مثل طيـر بن عــون
 

يالشاعر عبدالله ماتحتاج اصلا انعلق على قصيدتك لانها جميله ومن جمالها,,,,,


واخاف لااحصلك يـوم متوفـي=ويروح معك السر ياطير مدفـون

صحيح واشينها ان صار ذلك

[poem=font="arial,5,#ff0000,bold,normal" bkcolor="" bkimage="" border="none,2," type=1 line=0 align=center use=ex num="0,"]
عقب المعـزه مايجـوز التجفّـي=ولاني بمستانس معك وانت مغبون[/poem]


صح لسانك

رد: مثل طيـر بن عــون
 

اهلا بشاعر الحكمه ... وبما قال..

شاعريه فذه ومتميزه ... وقصيده اكبر من أي تعليق..

صح لسانك وعلا شانك وبيض الله وجهك دنيا وآخره....

رد: مثل طيـر بن عــون
 

للمعلومية فشاعرنا له في التسجيلات اصدارات متميزة


وآخرها ( حكمة الصمت ) وبصوته حفظه الله


تسلم لنا يابو ناصر والوالد يبلغك السلام

رد: مثل طيـر بن عــون
 

صح لسانك يابو ناصر مدد بلا عدد
عز الله معك نتذوق طعم الشعر الحقيقي
لاعدمناك وبيض الله وجهك

رد: مثل طيـر بن عــون
 

رد: مثل طيـر بن عــون
 

دايم على همك جناحـك مظفّـي
كنك بظف احد الجناحين مطعون

الله الله الله

كيف التقطت الصورة هذي !

مبدعة إلى حد بعيد

القصيدة كلها رائعة (هيئة المواصفات والمقاييس عند أبو ناصر لا تسمح بغير ذلك)


صح لسانك

شكرا أبو ناصر على تواصلك

تحياتي

رد: مثل طيـر بن عــون
 

صح لسانك ياشاعر الحكمة ...

رائعه من روائعك