::{ مجالس قبيلة هذيل }:: موقع يهتم بتراث القبيلة ومفاخرها

طبعا هذه القصيدة مع الشكر والتحية للاخ سلطان خلف الله تقديرا لمجهوداته وقد اطلقت عليه انا طبعا الشيخ/سلطان راعي الاوله الصقر الحر وهذه قصيدة اهنأه فيها على لقب شيخ وقد واتمنى ان تكون عرفان بسيط له مع تقديري لكل القائمين على المنتدى فكلنا مكمل لبعض واتمنى للجميع التوفيق لكل ما يحبه الله ويرضاه00000000

سلطان مبروك مبروك مبروك * * مبروك لك وارفع لهذيل التهاني
مبروك ماسويت من فعل محبوك* * جتلك على ما قيل على التماني
لولا غلاك وحشمتك ما تبنوك * * ولولا الجدارة ما يفوز الحصاني
انت الي اجدادك على الطيب ربوك * * تظهر لهم طيبك عيان بياني
ابوك صان التربية لين حبوك * * والشبل من راس الاسد مايهاني
ابوك شيخ للنواميس مملوك * * نفخر بطيبه في الغبا والبياني
لا جا نهار فيه مالك ومملوك * * ما ضاع صيته في كبار المعاني
يصدع بقول الحق لو هو على خوك * * ماهو ليا جاه الطلب ريوغاني
ونعم يابوهذيل من الي يعرفوك * * هدية من قلبي ومن لساني
واحنا لكم عون وحزام مصكوك* * في منتدي الهذلان اهل البياني
فربعك بني خالد على الصدق هنوك * * ويهنئون مكرمين العواني
ويباركون لهذيل اللي تمنوك * * محزمك لامنه اشهلب الزماني
لو الفخر تنثر وروده على الشوك * * وطو عليه امعربين المجاني
فاول واخير اقول للكل مبروك * * وجمع القبايل من كبار التماني
في ظل من يحما ملاين وملوك * * خادم حرم مكة رفيع المباني
وصلوا عداد ماخط بالحبر في البوك * * على النبي عدة حروف القراني.

ولكم تحياتي شماس الخالدي