يقول اللي
 

[poem=font="arial,5,#000000,bold,normal" bkcolor="" bkimage="" border="none,1," type=1 line=0 align=center use=ex num="0,"]
يقول اللي على رجلـه تعلّـى نايـف المرقـاب=يشوف الدار وأهل الـدار لاحـس ولا طـاري
ياليت الحـظ يسعفنـي يجبّـر فرقـة الأحبـاب=من الفرقى احـس القلـب بـه سكيـن غـدّاري
ألد الشـوف مالـي حيلـه إلا دمعـي السكـاب=أجاذب ونة الأحزان وأرعـى نجمـي السـاري
أسافر مع هوى فكري أراضي وأوديه وشعـاب=على مركاي طول الليل ساهـر ماطفـت نـاري
وإذا مالاح برق الليل يسقـي ديـرة الأصحـاب=بكى طرف على فرقى وليفـي ماهـو بضـاري
يذكّرنـي بيـاض الثلـج والأنـوار والعـنّـاب=وصوف في بهي الوجه شارينـي وانـا شـاري
وإذا هب النسيم العذب يطري راعـي الأطيـاب=زعيم البيض في وقته وهو عـارف وهـو داري
غريب الوصف في زوله وفي مشيه وفي الهنداب=ملك روح الشقي واخاف منـه تبيـح أسـراري
عشقته عشق مايوصف صحيح إن الهوى غـلاب=ملـك قلبـي واشواقـي وشتـت كـل أفكـاري
ألا ياخافـق الجنحـان تكفـى تاصلـه بكتـاب=وسلّم لي على اهل الدار وإعطه كـل اخبـاري
وعلّمني عن اللي غاب في بال الشقـي ماغـاب=ولكن حكمـة الأيـام تحكـم والزمـن جـاري
عساه بخير في وقتـه ويسلـم حيـرة الانشـاب=عليه الستر مـن رب السمـا الخالـق البـاري
[/poem]

رد: يقول اللي
 

شاعر مبدع ياجمعان ...

قصيده ومنظووومه رائعة ..

وهذا ماتعودناه منك..

صح لسانك .

رد: يقول اللي
 

هو صحيح الهوى غلاب؟؟؟

أنا يَاهْل المحبّه مَـا عَرَفْـت ان الهـوى غـلاّب
إلـى مَـا فَارِقَتْنِـيْ جـادلٍ بالـروح مرباهـا



رائع ماكتب الشاعر جمعان


عطر النص برائحة الفقد والشوق للآخر

وهذا اتجاه وجداني جميل

رد: يقول اللي
 

رد: يقول اللي
 

الله الله

جمعان الطلحي

متميز و لك اسلوب يفرض احترامه في كل أغراض الشعر

نص جديد و تميز جديد


سجل اعجابي



شكرا لك

رد: يقول اللي
 

صح لسانك يابن العم قصيده اعجبتني كثيرا استطعت ان تظع عليها بصمه شعريه خاصه بك وباسلوب لا يتقنه الا اصحاب الشاعريه العاليه دمت مثل ما انت مبدع ومتجدد دائما ,,,, وتقبل مروري

رد: يقول اللي
 

رد: يقول اللي
 

رد: يقول اللي
 

صح لسانك ياجمعان قصيدة رائعة وإحساس مرهف

رد: يقول اللي
 

رد: يقول اللي
 

صح لسانك أخوي جمعان


شاعر لك أسلوبك الخاص والمتفرد


وقصيدة جميلة


تقبل مروري

رد: يقول اللي
 

شهادتي فيك مجروحه ياجمعان


شاعر لك اسلوب مميز يختلف عن غيرك


صح لسانك وفكرك يابن العم

لك احترامي

رد: يقول اللي
 

رد: يقول اللي
 

صح لسانك وقصيده جزله من شاعر جزل
تقبل تحياتي ،،،،،،،،،،،، أبو ضــــــــــــــــاري

رد: يقول اللي
 

صح لسانك اخوي جمعان قصيدة جميلة