|
ياقصار الثياب وياطوال الحى
[frame="1 50"]
اهل الأذكار تدعي والظلام انتحى والدعاوي تهز مشيدات القصور والخطاوي تعثر بين خوف وسحا والفتن تشتعل.. وانتم سواة البدور يا قصار الثياب ويا طوال اللحى لا تفيض العيون ولا تضيق الصدور دارت الأرض بالعالم ودار الرحا وانتم الشامخين وما تبقى يدور كل ما المح شموس وجيهكم في الضحى احمد اللي بعيني زود النور نور في الجباه السمار اللي ظهر ما انمحى ابشروا به وهو يشفع بيوم النشور السنتكم عطاها الله حديث فصحا وافئدتكم من الإيمان تنضح سرور قصر المسك يا حمالته واستحى يوم جاء يعطي اعطيتموه طيب وطهور يا تلاميذ عقد الصفوه اللي نحى يا حبايب صلاة الفجر واهل السحور يا رجال على يديكم صحى من صحى سعد روح تغذت من بصيرة غيور انتم لمعشر السالين خير نصحا وانتم لنصرة الدين اصدق اللي يثور ان دخل صفكم وجه كذب والتحى رده اللي يرد الكيد وسط النحور وان هرج زيد لعبيد بسوالف جحا لا لحقكم شكوك ولا لحقنا نفور واللي انزل تبارك والقلم والضحى انكم هدينا عن محدثات الأمور واصلوا يا بركتنا دون خوف وسحا ردوا نفوسنا اللوامه من القصور [/frame] |
رد: ياقصار الثياب وياطوال الحى
نقل مبدع لقصيده الشاعر المبدع بكل ماتعنيه الكلمه ناصر القحطاني
تقبل مروري |
رد: ياقصار الثياب وياطوال الحى
يا قصار الثياب ويا طوال اللحى
لا تفيض العيون ولا تضيق الصدور الله واكبر منه بيت نعم لا تفيض العيون ولا تضيق الصدور ,, شكرا لك ياهذلي متطور |
رد: ياقصار الثياب وياطوال الحى
الله الله
قصيده في قمة الجمال و انما تنم عن ذائقه سليمه لدى من نقلها لنا , , صح لسان شاعرها و سلمت يمين ناقلها كل الشكر أخوي هذلي متطور على ما أمتعتنا به من جمال |
رد: ياقصار الثياب وياطوال الحى
نقل موفق يالسمي لقصيدة لها وقع كبير في الأنفس
صح لسانك ياناصر .........وبيض الله وجهك يالسمي يُنقل لمجلس المنقولات |
رد: ياقصار الثياب وياطوال الحى
بيض الله وجيههكم على المرور العطر
تحياتي |
رد: ياقصار الثياب وياطوال الحى
قصيده في قمة الجمال
|
| الساعة الآن 10:27 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل