|
من كل بحرٍ قطرة ........**
السلام عليكم .
قصيدة لكل متذوق لكتاباتي المتواضعة .. : [poem=font="tridisional arabic,5,#0000ff,bold,normal" bkcolor="" bkimage="backgrounds/24.gif" border="double,3," type=0 line=1 align=center use=ex num="0,"] الشوق جمره والمفارق عبره=و أول مراسيل التلاقي نظره وقت الرسائل والحمام الزاجل =و اليوم وقت العولمه والطفره أحوال ما يعلم بها إلا ربي=دنّت من الحر النداوي قبره منها حوال أكنها و أخفيها =و لا للفتى إلا ما يكنّه صدره و منها حوال الكل يدري عنها=يا كثرها لمدورين الكثره و أهمها و اكبر هموم الدنيا =دور السعاده في حياة الأسره كلمه ومعناها يجي اكبر منها=و لا تنشرا للي مشيّد قصره و الله عطاها من يشأ من خلقه=و أقرب لها من هو يصلي فجره و انا قصيدي من صميم الواقع =لا جاء قصيد البعض فاقد عصره لو كل شاعر عاش هم الأمه =كان اعتدل راس الجمل مع ظهره و المال ما هو كل شي نسعى له=المال واحد والقضايا عشره و أول قضيه حلها يستعصي =إنّا نغيّر من سواد البشره و أقصد طبيعتنا وهذا واقع =يا كرهنا لمسببات الجبره و الثانيه والثالثه , ضعفتنا=اللي أحرمتنا من سلاح النصره لولا تفككنا ملكنا العالم=ولولا تخاذلنا حفرنا بحره و الرابعه , طرد الحطام الفاني =من شرنا , من حفرةٍ في حفره نطرد سراب القيظ ما قيظنا =نبي خسايرنا تعوّد تمره والخامسه , حب التوسع فينا=حتى نفكر في زحل والزهره الجار ما يسلم تعدي جاره =يزحف على ملكه ويهدم جدره و السادسه , حب الظهور المفرط =على حساب أذواقنا المعتبره و أشد من هذي فظاعه و أقوى=السيطره , سابع , سلاح الشهره وسع نفوذك و انتبه لخصامك =هذي سياسة موجزين النشره و الثامنه , غدر الغريب الغافل =وطعن المقفي لا عطاهم ظهره عادة عرب لا بارك الله فيهم =أخطر على المبصر من أهل البصره و التاسعه , نقل الكلام الفاضي =اللي يفرق زمرةٍ عن زمره و أهل الردى تسعى لفك اللُحمه=أما بكسرالساق و إلا بتره والعاشره , ليلٍ سواده حالك =من جربه يكوي سوات الجمره " الظلم " ظلمه من ظلام الدنيا= و الأخره يا ويلها من حشره هذا كلام القارحي " و القرّح " =من شجرةٍ يا حيّها من شجره فروعها لعروقها متّصله=و الها على كل ألشجاري كبره و أغصانها ما بات فيها الصابي =اللي من أوصافه ثقيل النفره بِكر المخور اللي معقب عارد=ويطير به من سمرةٍ في سمره هذاك لا منا ولا هو فينا =ذاك اصلبي " من كل بحرٍ قطره " : ** عطا الله القارحي **[/poem] |
رد: من كل بحرٍ قطرة ........**
صح السانك وعلا شانك ولا هنت
قصيدة مسكته ووافيه من راس وآفي الله يستر علينا وعليكم من الظواهر والخوافي هذي احوال الدنيا ووصفتها خير وصف وتقبل إحترامي وتقديري |
رد: من كل بحرٍ قطرة ........**
ياسلام عليك ياعطاالله
ردره من بحرك الزاخر صح السانك وعلا شانك سجل اعجابي وتقبل تحياتي |
رد: من كل بحرٍ قطرة ........**
اقتباس:
اللـــــــــــه ..... اللـــــــــــــه صح لسانك ..مدد.. بلا عدد وبيض الله وجهك بياض يريع ويبدي كل ريع للأمانه حاولت أقتبس كم بيت يعجبني وفجت أن كل بيت يبهرني أكثر من سابقـه قصيدة من الطراز الأول روعة بكل ماتعنيه الكلمه من معنى مبنى ومعنى ماشاء الله عليك أخوي القارحي حبكت شــاعر متمـــرس سهل ممتنع راقـــي لله درك عطا الله تقبل مروري وسجل إعجابي طال عمرك ودمت جزل مبدعاً تحياتي وتقديري . [/align] |
رد: من كل بحرٍ قطرة ........**
هذا كـلام القارحـي " و القـرّح " ***من شجرةٍ يا حيّهـا مـن شجـره
ونعم والله بعيال عمنا وعزوتنا ومفخرتنا القرح صح لسانك مدد بلا عدد ياعطالله ......اطربتنا يابن العم |
رد: من كل بحرٍ قطرة ........**
صح لسانك وعلى شانك ..
دره من دررك |
رد: من كل بحرٍ قطرة ........**
هذا كـلام القارحـي " و القـرّح " = من شجرةٍ يا حيّهـا مـن شجـره
فروعـهـا لعروقـهـا متّصـلـه = و الها على كل ألشجـاري كبـره و أغصانها ما بات فيهـا الصابـي =اللي من أوصافـه ثقيـل النفـره أول شي والله والنعم فيكم وماقلت غير الصحيح ثاني شي سجلني من أشد المعجبين بماتكتب من إبداع ثالث شي صح لسانك مدد بلا عدد رابع شي بيض الله وجهك على هذا السرد الرائع لأحوالنا وماقلت غير الصحيح والواقع |
رد: من كل بحرٍ قطرة ........**
عطالله القارحي
شاعر الجزالة والنظرة البعيده شاعر يحترم شعره فلذلك يحترمه الآخرون صح لسانك يعطالله . |
رد: من كل بحرٍ قطرة ........**
وعليكم السلام ورحمة الله وبركاته
صح لسان مدد بلا عدد وشاعرية أعتدنا منها أن لا ترضى إلا بالجمال عشت يا أبو عبدالله وتأكد أن هذا الشعر هو ما نتتظره |
رد: من كل بحرٍ قطرة ........**
ماشاء الله تبارك الله يابو عبدالله
صح لسانك لين ترضى ,اسلوب سهل ممتنع لا يجيده الا انت حكم في متناول يد الجميع وبالمجان بعد اقتباس:
|
رد: من كل بحرٍ قطرة ........**
بيض الله وجهك ياعطالله قصيده جزلة من راس جزل ولاهي مستغربه من شرواك
تقبل مروري |
رد: من كل بحرٍ قطرة ........**
[poem=font="arial,4,#0000ff,normal,normal" bkcolor="" bkimage="" border="none,1," type=3 line=0 align=center use=ex num="0,"]
قصيدة إبداع من راس مبدع قصيدة لها الاثر الكبير في نفوسنا قصيدة تحكي الواقع الذي نعيشه في هذا الزمان والعصر.. بيض الله وجهك يا عطا الله القارحي [/poem] أخوك الشاعر / علي ماطر عطا الله الفضلي الهذلي |
رد: من كل بحرٍ قطرة ........**
سلام عليكم ورحمة الله وبركاته
قصيده جميله وسرد جميل وشاعر جميل ونعم فيك وكل القرح أمتعتنا بالقصيدة وتقبل مروري،،،،،،،،،،،،،،،،،،،، ، أخوك أبـــــــــــــــــــــو ضـــــــــــــــــاري،،،، ،،،،،،،،،،،،،،،،،،،،،،،،، ،، |
رد: من كل بحرٍ قطرة ........**
صح لسانك يابن العم قصيده جميله وبيض الله وجهك ومثلك وشرواك نفخر بهم والى الامام
|
رد: من كل بحرٍ قطرة ........**
اقتباس:
ابو جنوب صح بدنك وتقبل تحياتي وتقديري اخوك |
| الساعة الآن 11:21 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل