|
اتعبني الهاجوس
[poem=font="arial,5,#000000,normal,normal" bkcolor="" bkimage="" border="none,1," type=1 line=1 align=center use=ex num="0,"]
اتعبني الهاجوس اتعبني الهاجوس واحاول اتعبه= لجل اتحرر من قيود المآسي يرحل ويتركني وارجعه واغصبه= واصير له طيب ولو كان قاسي واكتب قصيد لفاقد الشعريعجبه= يحن له راعي العيون النعاسي يشتاق له غايب ضميره يئنبه= وده معي ويحب خشمى وراسي انا خوي الشعر ما دمت كاتبه= وألبس من ثياب القصايد لباسي مابيني وبين الشعر شي يحجبه= دام البحر بحري وفكري مراسي والصاحب اللي مأ لتمس عذر صاحبه=اكيد في عقله خلل وإلتماسي قولوا لمن عذب قليبي وتعبه =لا يحسبن الحب لعبه كراسي الحب لاخيم على القلب عذبه =تخضع له عناق الجبال الرواسي واللي نسى حبي وناسي سبايبه = بذكره لن كان في الوقت ناسي انا الوحيد اللي رحل من قرايبه= وانا الوحيد اللي على الشوك داسي وانا الوحيد اللي همومه تواكبه= وانا الوحيد اللي لجرحه مواسي وانا القصيد اللي فقد شوف غايبه= وانا مزيج من الرثا والحماسي وانا الزمان اللي تهبك هبايبه =وانا الشعور لفاقدين الحواسي ارجع واقول ان كان هالحب مأعجبه= يصبر على بأسي ويا قو بأسي مجبور اشرق في قصيدي وغربه =وأروض افكاري في وقتٍ قياسي إما صفي وقتي وزانت مشاربه=وإلا استوت عندي وصارت سواسي وسلامتكم[/poem] |
رد: اتعبني الهاجوس
[align=center]السلام عليكم ورحمة الله وبركاته
ســــــــالم و غــــانم أتشرف أن أكون أول متصفح يقراء قصيدتك صح لسانك لين ترضى رائع وجزل كما عهدناك أخوي مازن تقبل مروري وسجل إعجابي يالبقيلـــي تحياتي وتقديري ودمت مبدع . [/align] |
رد: اتعبني الهاجوس
اقتباس:
وتقبل مروري |
رد: اتعبني الهاجوس
[poem=font="arial,5,#000000,bold,normal" bkcolor="" bkimage="" border="none,1," type=0 line=0 align=center use=ex num="0,"]
صح لسانك قصيدة روعه شاعر رائع لي معك أتصال[/poem] |
رد: اتعبني الهاجوس
قصيده جميلة ..
صح لسانك |
رد: اتعبني الهاجوس
ياسلام يا مازن احسنت قصيدة ممتازه ورايعة
تقبل مروري |
رد: اتعبني الهاجوس
وانــا الوحـيـد الـلـي همـومـه تواكـبـه
وانـا الوحيـد الـلـي لجـرحـه مـواسـي وانـا القصيـد اللـي فقـد شـوف غايـبـه وانــا مـزيـج مــن الـرثـا والحمـاسـي وانــا الـزمـان الـلــي تـهـبـك هبـايـبـه وانــا الـشـعـور لفـاقـديـن الـحـواسـي ارجع واقول ان كان هالحـب مأعجبـه يصبـر علـى بـأسـي ويــا قــو بـأسـي مجـور اشـرق فـي قصيـدي واغــرب وأروض افكـاري فـي وقــتٍ قيـاسـي إمـا صـفـي وقـتـي وزانــت مشـاربـه وإلا استوت عندي وصـارت سواسـي قصيده جميلة ورائعه اخوي مازن وننتظر المزيد ... تقبل مرورري الهنوف |
رد: اتعبني الهاجوس
صح لسانك يا أبو عبدالله
شاعرية جميلة ورائعة تقبل مروري |
رد: اتعبني الهاجوس
لا لا لم ولن يتعبك الهاجوس بل انت من يتعبه ياجزل
صح لسانك يامازن شاعر جميل نتتبع جديده لك احترامي |
رد: اتعبني الهاجوس
ياسلام يامازن
رائعه من روائعك التي يتلذذ بها متابعين مجالس هذيل صح السانك سجل اعجـــــــــــــــــــــا بي |
رد: اتعبني الهاجوس
صح لسانك وعلا شانك يالبقيلي
قصيدة رائعة ولكن لي ملاحظه بسيطة جداً وهو أن الشطر الأول من أبيات قصيدتك على لون الهلالي بينما الشطر الثاني على لون المسحوب وهذا لاينقص من جمال القصيدة صح لسانك وبيض الله وجهك |
رد: اتعبني الهاجوس
اقتباس:
بيوت مركبه تركيب وحبك وسبك رائع |
رد: اتعبني الهاجوس
رائعة يامازن
وفيها من البراعة الشعرية الشيء الكثير وأعتقد أن الأخوان يقرؤون الشطر الأول بتحريك الباء لذلك يلتبس عليهم مع القاف الهلالي ولو سكنوا الباء لوجدوا أنه يتماشى مع الشطر الثاني وأنهما من نفس البحر حياك الله وحيا قصيدك يامازن . |
رد: اتعبني الهاجوس
روعه أخي مازن
صح لسانك تقبل حضوري |
رد: اتعبني الهاجوس
اقتباس:
أنا لاأختلف معك أخوي أبو ناصر في روعة القصيدة وجمالها ولو سلمنا بأن المقصود هو تسكين الباء فهذا ممكن في الكثير من الأبيات ولكن إليك هذه الأبيات وهل ترى أن تسكين الباء هنا صحيح أعتقد أن التحريك للباء فيها أولى من التسكين لكي يستقيم المعنى ولو تحرك الباء فهو لون الهلالي ويختلف عن الشطر الثاني وأنت الحكم يابو ناصر : والصاحب اللي مأ لتمس عذر صاحبه والـلـي نـسـى حـبـي ونـاسـي سبايـبـه انـا الوحيـد اللـي رحــل مــن قرايـبـه وانـا القصيـد اللـي فقـد شـوف غايـبـه وانــا الـزمـان الـلــي تـهـبـك هبـايـبـه إمـا صـفـي وقـتـي وزانــت مشـاربـه وهذا ليس تقليل من شأن شاعرنا مازن البقيلي فهو شاعر فحل ومعروف وتاريخه الشعري يشهد له بذلك وقد أكون أنا الغلطان فغذا كنت أنا الغلطان فأعذروني وسامحوني ومعها حبة خشم لأخوي مازن ولك يابو ناصر |
| الساعة الآن 10:48 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل