|
القصيده الأخيره لي في المنتدى
[poem=font="arial,5,#00008b,bold,normal" bkcolor="" bkimage="backgrounds/1.gif" border="double,1," type=2 line=1 align=center use=ex num="0,"]
سلام من هاجس تهدر كما السيل=متقنع الوادي بعرضه وطوله والخوف يدخل في قلوب الرياجيل=من خاف يسلم من سبايب فعوله من يآمن السرحان لا هود الليل=ويبات فالوادي ويآمن سيوله والرجل ما يسمع هل القال والقيل=حتى ولو غنوله وصفقوله يلبس عقال العز والثوب تفصيل=ما يلبس إلا ثوب قده وطوله راع الوفى ما ينقص الوزن والكيل=عند العرب حتى العرب يسمعوله يأخذ ويعطي بالحكم والتماثيل=وتحب تسمع كل شي(ن) يقوله يمشي طريق العدل ما يتبع الميل=ماله ومال اللي يقرقع طبوله بعض العرب ما يقطعون المداهيل=والبعض متجود بغارب ذلوله وانا من اللي يتعب الجيش والخيل=كسب المراجل ما تجي بألسهوله كم واحد(ن)يتعب بكتب المراسيل=ويراسل الشعّار ويثمنوله وكم واحد(ن)يتعب بليا محاصيل=يسرح بزيتونه ويضوي بفوله وكم واحد(ن)عينه على الجدي وسهيل=والفارس اللي جاب كاس البطوله من لا صبر ذاق العناء والغرابيل=في دنيته والناس ماهم بحوله والصقر ما ياقع على قنة الفيل=له ماكر(ن)ماكل رجل(ن)يطوله والفعل عند أهل السيوف المصاقيل=اللي لهم فالمجد صوله وجوله أمشي مع العالم واحب التساهيل=والشعر ما يصعب عليه وصوله شاعر وبحر الشعر روعه وتجميل=واعرف صواب الحق واعرف قبوله والله ما تعجز علي المداخيل=واعرف خروج الصيف واعرف دخوله[/poem] |
رد: القصيده الأخيره لي في المنتدى
الله الله الله
يابــــو تركي شاعر جزل وقصيده جزله وجميله ونتمنى ماتكون أخر قصيده لك في المنتدى أنت شاعر بكل ماتعنيه الكلمه وغني عن التعبير فلا تحرمنا قصايدك الجزله ترى نزعل عليك،،،،،،،،،،،،،،،،،، تقبل مروري أخوك،،،، أبـــــــــــو ضــــــــــــاري،،،،،،،،، ،،، |
رد: القصيده الأخيره لي في المنتدى
يـــا ســــــــــــــــــلام على هذه القصيدة الت تتضمن معاني كثيرة وحكم كثيرة
ويسعدنا تواجدك الدائم في المجلس وقصايدك الت تجذبنا للدخول للمجلس كل يوم ، وكل جديد تكتبة في المجلس جميل وجزل المعاني ولاتبخل علينا بكل جديد من القصايد الجديدة تقبل مروري المتواضع يــا ((((((( شــــــ الصمان ــــــاعر ))))))) أخوك أبــــ وليـد ـــو ((السلطان )) |
رد: القصيده الأخيره لي في المنتدى
صح لسانك ياولد العم
وأبشر بكل خير وإن شاء الله إنها ماهي الأخيره بإذن الله تعالى . |
رد: القصيده الأخيره لي في المنتدى
الله الله
شاعر جزل وقصيدة جزلة كما تعودنا من ياسر الصماني دائماً لكن عنوان القصيدة ماعجبني أبد أبد وإن شاء الله إنك لاتعني ماتقول ونتمنى تواصلك المستمر |
رد: القصيده الأخيره لي في المنتدى
انا هنا ليس للتعليق على القصيدة
فانت اكبر من ذلك وشاعريتك اكبر من ان اعلق عليها ولكن سؤالي؟؟؟؟؟ لماذا آخر قصيدة!!!!!!!! هل هناك سبب ؟؟؟ اذا موجود حبذا لو يعرفه الجميع ويكون مقنع اما اذا لم يوجد سبب فهذا ليس من حقك بل من حق جمهورك فالجمهور يريد المزيد من الابداعات منك ياشاعر الصمان ومن اي شاعر في منتدانا الطيب الذي يشمل الكثير من الشعراء الفطاحلة اتمنى منك ايضاح السبب تقبل تحياتي اخوك:" أبو عســـــــــــــــــــــــ ــاف" |
رد: القصيده الأخيره لي في المنتدى
صح لسانك وبيض الله وجهك تقول وتفعل ياشاعر الصمان جزاله غير مستغربه
منك ,,, واضيف صوتي الي صوت الاخوان الذين استغربو العنوان فنحن كجمهور لك نطالبك في مواصله التواجد معنا واعطائنا المزيد من قصائدك التي نالت علي استحسان الجميع وشكرا لك |
رد: القصيده الأخيره لي في المنتدى
وانـا مـن اللـي يتعـب الجيـش والخـيـل
................................كسـب المـراجـل مــا تـجـي بألسهـولـه كــم واحد(ن)يتـعـب بكـتـب المراسـيـل ..................................ويـــراس ـــل الــشــعّــار ويـثـمـنــولــه وكــم واحد(ن)يتـعـب بـلـيـا محـاصـيـل .....................................يـســر� � بزيـتـونـه ويـضــوي بـفـولـه وكم واحد(ن)عينه على الجدي وسهيل .................................والفـارس اللـي جــاب كــاس البطـولـه صح لسانك ياياسر شاعر متمكن وشعرك يثبتك ولكن لماذا الأخيرة ؟؟؟ |
رد: القصيده الأخيره لي في المنتدى
اقتباس:
والله قصيده روعه ياابوتركي ومن اجمل ماقراءة في الفتره الاخيره في المنتدى ولكن والله لزعلتنا كثير بكلمتك اخر قصيده انكان لنا عندك تقدير انك تغير قرارك هذا والله لقد انعشت المنتدى الفتره البسيطه اللي جيت فيها واستانسنا كثير بوجودك فاالرجاء الرجاء يابوتركي من علمك هذا |
رد: القصيده الأخيره لي في المنتدى
صح لسانك اخوي ياسر
جميله جدا لا شك ولن تكون الاخيره ما دام بحر الشعر لديك بهذه الغزاره ننتظرك لا شك |
رد: القصيده الأخيره لي في المنتدى
جزل جزل والله ياياسر
وخروجك خساره للمنتدى اتمنى منك الاستمرار معنا ليس لشخص معين بل من اجل قبيلتك هذيل لك احترامي |
رد: القصيده الأخيره لي في المنتدى
صح لسانك يالصماني
يارجل قول خير إن شاء الله ما هي الاخيرة وننتظر قصائدك المميزة تحياتي و تقديري |
رد: القصيده الأخيره لي في المنتدى
صح لسانك ياشاعرنا ،وطالبك إنهاماتكون آخرقصيدة
|
رد: القصيده الأخيره لي في المنتدى
انا من اللي تتعب الجيش والخيل
كسب المراجل متجي بالسهوله والله صادق بابو تركي صح لسانك |
رد: القصيده الأخيره لي في المنتدى
اقتباس:
صح لسانك يا أبو تركي وما شاء الله تبارك الله شاعرية لا جادل فيها والنعم فيك وفي اللابة التي أنت منها دام لك الإبداع ودام لنا حضورك تقديري لك وتقبل مروري |
| الساعة الآن 08:15 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل