ضيف...الردى
 

السلام عليكم ورحمة الله وبركاته





[frame="1 50"][poem=font="traditional arabic,5,#000000,bold,normal" bkcolor="" bkimage="" border="none,1," type=1 line=0 align=center use=ex num="0,"]
ضِيِف الردى ياوقت وإلا تضيّف=من خاطري وأسلى على مجهد الباع
ماكل من يسكن بديرة تكيـّف=ولاكل روحه تنتخي راس مرجاع
البارحة وهموم صدري تليـّف=بين المحاني والمخاليق هجاع
سيفتها وإليا أنها ماتسيـّف=والدمع من عيني على الخد منداع
لو للدهر كسوة تخاط وتقيـّف=ماعاش فقر ولاهتك سر وإنذاع
ولو مجهد الطالات عنها تريـّف=ماغاضنا بعد الثريا عن القاع
مايستوي جهد القوي والضعيـّف=ولايتفق فالطيّب موثر وطماع
مامات جوع إللي طلبه الرغيـّف=ولاطال عمر أهل الذهب والتمتاع
يابو جديلٍ فوق متنٍ رهيـّف=لامال عجل بالترف والتهزاع
مكنونها لو عيـّفت ماتعيـّف=طرقيةٍ وإلا تحت ستر مخداع
يابعدها من فرسخينٍ ونيـّف=وياقربها لاذيرّت بين الأضلاع
تغيب فيني لين تبدا تطيـّف=وتحضر ليا حب الندم روس الاكواع
ليت الأمل من واقعي ماتزيـّف=وأدله عن اسراب التوجد والاوجاع
والله يالولا الزهاب الكليـّف=ماشدلي حملة على ظهر مضلاع
الحظ فــ\ عيون الأماني قصيـّف=وإليا نصيته شمر البعد فراع
ماني على بعض الهقاوي مهيـّف=إليا ارخت وجيه الرجاجيل الاطباع
ولاني من إللي لا تمثل سخيـّف=ولاني مماشي كل جاحد وخداع
الوقت هين يالذهين الحصيـّف=وأرزاقنا بيدين معطي ومناع
لاعاش راسي لن تتبعت هيـّف=ولاقلني ساقي على غير مطلاع[/poem][/frame]

رد: ضيف...الردى
 

رد: ضيف...الردى
 

حيالله شاعرنا حمدي

الله لايهينك يابن العم،، سعدت بوجودك يعلم الله،،لك فترة غايب!!


صح بدنك وشرفتني ياحمدي


تحية طيبة

رد: ضيف...الردى
 

رد: ضيف...الردى
 

الله الله الله يابو معتوق
أقسم بالله إني طربت لهذه الرائعة
وحفظتها في مجلد لدي أسميته (( أجمل ماسمعت من الشعر ))

وهي تستحق بجدارة
كنت أقرأ القصائد مرة واحده أو مرتين لكني قبل أن أكتب ردي على هذه
الجوهرة الثمينه قرأتها ثلاث مرات وفي كل مرة أزداد طرباً

لله درك يابو معتوق
أعتقد أن الغربة تزيد الشاعرية لدى الشاعر العادي فكيف إذا كان شاعرنا عماد
ليس شاعراً عادياً بل أسطورة شعرية .

صح لسانك حتى ترضى وبيض الله وجهك

رد: ضيف...الردى
 

الله الله اللـه اللـــه صح السانك وعلا شانك ولا هنت

والله مالي عهد بقصيدة في غايـة الجمال والابداع

كمثل هذة القصيدة اللتي سلبت لبى .. لكن صح الكبير كبير وانت كبير .

إنت مروض القوافي العذراء الابكآر . والله ما قلتها الا اشـوف إني

على حق ولو أعرف إني ع بطل ما اظلم نفسي .

كفو يبن العم الى الامام الله يحفظك لنا (هذيل) انت كنز من كنوز هذيل .

وتقبل إحترامي وتقديري

رد: ضيف...الردى
 

البارحة وهمـوم صـدري تليّـف
.....................................بيـن المحانـي والمخاليـق هجـاع
سيفتهـا وإليـا أنهـا ماتسـيّـف
.................................والدمع من عيني على الخد منـداع
لو للدهر كسـوة تخـاط وتقيّـف
.....................................ماعاش فقر ولاهتك سـر وإنـذاع
ولو مجهد الطـالات عنهـا تريّـف
........................................ماغاض نا بعد الثريـا عـن القـاع
مايستوي جهد القـوي والضعيّـف
.....................................ولايتف� � فالطيّب موثـر وطمـاع


الله عليك

مبدع دايم يابومعتوق

وبصراحه هذه القصيده اعتبرها نقله نوعيه

عن سابقيها من قصايدك الجزله

وصح السانك

وتقبل تحياتي

رد: ضيف...الردى
 

ماكل من يسكـن بديـرة تكيّـف
ولاكل روحه تنتخي راس مرجـاع

الله يرجعك بالسلامة يالحبيب

البارحة وهمـوم صـدري تليّـف
بيـن المحانـي والمخاليـق هجـاع
سيفتهـا وإليـا أنهـا ماتسـيّـف
والدمع من عيني على الخد منـداع
لو للدهر كسـوة تخـاط وتقيّـف
ماعاش فقر ولاهتك سـر وإنـذاع


ابدعت يابو معتوق والله ان هذي القصيدة بالذات لها عندي وضع خاص
وتقبل مرور اخوك ابو جود

رد: ضيف...الردى
 

حياك الله اخي بث

صح بدنك يابن العم ولاهنت ،،

أفخر بها الاعجاب ، وأتمنى أكون عند حسن الظن.


شرفتني الله لايهينك


تحية طيبة

رد: ضيف...الردى
 

حياك الله ياشيخنا الغالي

والله إن مجرد إعجابك شئ افتخر به،، وينومسني

تسلم يابو حمدان الله لايهينك


شرفتني طال عمرك

تحية طيبة

رد: ضيف...الردى
 

حيا الله شاعرنا ابو جنـوب

صح بدنك يابن العم ،، كلمات أفتخر بها ، الكبير الله ، نتعلم من شرواك طال عمرك.

ماعليك زود،، شرفني حضورك يابو جنوب

تحية طيبة

رد: ضيف...الردى
 

صح لسانك وعلا شانك

وبيض الله وجهك على هالشعر

عماد العبيدي انت مكسب للشعر

هذا القصيد اللي مستحيل يكتبه غيرك

أطربتني للأمانه

لله درك والله يعطيك العافيه

رد: ضيف...الردى
 

قصيدة جميله ورائعه وشاعر بحر

تقبل تحياتي أبو ضـــــــاري

رد: ضيف...الردى
 

رد: ضيف...الردى