███ قصــــيده الحلم الجميل ███
 

[poem=font="arial,4,#00008b,bold,normal" bkcolor="" bkimage="backgrounds/12.gif" border="solid,4,#8b0000" type=0 line=0 align=center use=ex num="0,"]
يالله يلي لك يصلي المصلين = ياربنا المعبود ياخير والي
يالله ترزقني بعشره ملايين = وارض تجاريه بحي العوالي
وعماره تسوى تحتها دكاكين = تفتح شوارعها جنوب وشمالي
وفله يحيط بها النخل والبساتين = يفرح بها الشيبان وام العيالي
وجمس جديد مديل تسعه مع الفين = تسمع شكامينه تحن وتلالي
اسدد الاقصاد واقضي على الدين = وانام مرتاح من الهم خالي
واساعد المحتاج واعطي المساكين = واصل بها الاعمام واصل خوالي
واحط لي مجلس للاقصى والادنين = فيه البهار وفيه صفر الدلالي
واذبح من الخرفان في الشهر ستين = في كل يوم اثنين غير الملالي
وامشي مع اكبار العرب والمهمين = من بعد ما كانت قصار حبالي
وادوس خشم الفقر في الوحل والطين = حتى يقول الفقر مالك ومالي
وياونتي ونه كسير الذراعين = خلوه ربعه في نهار النزالي
واصبح غنيمه في يدين المعادين = وحطو في رجليه الشرك والغلالي
يقوله الي جرب العسر واللين = مرت عليه ايامها والليالي
كشر زمانه وانكشف وجهه الشين = وقاسى لهيب الشمس عقب الظلالي
اخذت حكمه من فواه المجانين = اخوي قرشي وابن عمي ريالي
عسى يقوم الحظ وتشاهد العين = شوف الحقيقه ماهو وهم الخيالي
ولابد يوم يرجحن الموازين = وأنقطف ثمار الصبر وابلغ منالي
وصلوا على سيد البشر والنبيين = شفيعنا في العرض يوم السؤالي



الزيداني=[/poem]

رد: ███◄◄◄ قصــــيده الحلم الجميل ►►►███
 

دائماً أقول واكرر إن الإبداع لايكون إلا من معاناة حقيقية
أخونا الزيداني يتحددث عن معاناة حقيقية لذلك أتت هذه الرائعة
منه بكل سلاسة ووضوح وتراكيب لفظية جميلة

صح لسانك يامبدع

رد: ███◄◄◄ قصــــيده الحلم الجميل ►►►███
 

السلام عليكم ورحمة الله وبركاته

صح لسانك أخي الزيداني


قصيدة جميلة


تحية طيبة

رد: ███◄◄◄ قصــــيده الحلم الجميل ►►►███
 

صح لسانك يالزيداني وبيض الله وجهك قصيده جزله وفيها جانب

فكاهي لمناقشه موظوع القصيده ولو ان القصيده اخذت طابع اخر من

بعد النصف تقريبا اتضح فيه القوه والتمكن ,,,

قصيده جميله عموما وشكرا لك

رد: ███◄◄◄ قصــــيده الحلم الجميل ►►►███
 

رد: ███◄◄◄ قصــــيده الحلم الجميل ►►►███
 

اشكرك اخي ابو حمدان
الله يبعد عنا وعنك المعاناه

رد: ███◄◄◄ قصــــيده الحلم الجميل ►►►███
 

صح بدنك اخوي عماد

الاجمل مرورك الكريم

رد: ███◄◄◄ قصــــيده الحلم الجميل ►►►███
 

بيض الله وجهك يالزيداني وصح لسانك قصيده جزله وزن وقافيه وفتل وحبك تدل على شاعر فحل وفقك الله وتقبل مروري

رد: ███◄◄◄ قصــــيده الحلم الجميل ►►►███
 

فعلا ابن مغبش ههههههه في البدايه بغيتها فكاهيه لاكن مدري وش قلبها جد مع الفقر وانا اعطيه المقسوووم هههههه

اشكرك على التعقيب الجميل

رد: ███◄◄◄ قصــــيده الحلم الجميل ►►►███
 

اشكرك اخي بث تجريبي
والله يرزقك ضعف مادعيت لنا به

رد: ███◄◄◄ قصــــيده الحلم الجميل ►►►███
 

ووجهك ابيض اخوي مشتاااق
شهادتك وسام على صدورنا

رد: ███◄◄◄ قصــــيده الحلم الجميل ►►►███
 

اللهم صل على سيدنا محمد ، قصيدة جميلة من شاعر جميل ،
وبالفعل المال هو من أهم المحركات في هذه الحياة :
(أسدد ، أساعد ، أحط ، أذبح ، أمشي ، أدوس ، أصل الأرحام ، ...)
أسأل الله أن يحقق آمالك الخيّرة ، وبإذن الله أن أجرك
قد كتب يا من هممت بالخير وتمنيته ..
والله هذه تلقاها عند الصاحين والمجانين ههههههه
تقبل تحياتي وتقديري ،،،

رد: ███◄◄◄ قصــــيده الحلم الجميل ►►►███
 

حياك الله اخي الفارس حزين الطلعه
اشكرك على هذه الاريحيه والثناء
لاحرمك الله الاجر دمت في خير

رد: ███◄◄◄ قصــــيده الحلم الجميل ►►►███
 

صح لسانك يالزيداني وعلا شأنك..

قصيده جزله وعجبني فيها:

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
وفـلـه يحـيـط بـهـا النـخـل والبساتـيـن=يـفــرح بـهــا الشـيـبـان وام الـعـيـالـي[/poem]

حتى في الحلم تمنيت بر الوالدين الله يرزقك ويرزقنا برهم..

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
واساعد المحتـاج واعطـي المساكيـن=واصـل بهـا الاعـمـام واصــل خـوالـي
واحـط لـي مجلـس للاقصـى والادنيـن=فـيـه الـبـهـار وفـيــه صـفــر الـدلالــي
واذبح من الخرفان في الشهـر ستيـن=فــي كــل يــوم اثنـيـن غـيـر الـمـلالـي[/poem]

صله وطيب وحب للمرجله وهذا من طيب اصلك والله يبيض وجهك...

رد: ███◄◄◄ قصــــيده الحلم الجميل ►►►███