::{ مجالس قبيلة هذيل }:: موقع يهتم بتراث القبيلة ومفاخرها

[frame="9 80"][align=center]قال الشاعر:عبدالعزيزبن ناصربن عبدالله الهذلي(رحمه الله)في الرثاء قصيدة

الف لها
قصةعلى لسان وضحى الهذلية,

وقد كانت تحب ابن عمها حمود وحال بين زواجها منه مقتله.

ياطير ياللي بالرواسي له اوكار

يا ناقلا ريشه بصفقة عضوده

اللي الى منه نوى نية طار

ياضاري بالبعد ماشي كوده

اسلم وسلم لي على الشيخ عمار

وقل له يدور عن الاضحى قعوده

اتلى العهد يرفع لك الصوت بالثار

ويقول وينك ياخليفة جدوده

تالي النهار عصير في مفرع الغار

دمة يشوح في علاو حيوده

والصبح يلعب في نخاريره الفار

والطير والسرحان مزق خدوده

تجزأ من الله ياسند قصر الأعمار

بمزرج يشرب من القلب عوده

تجزأ من الله ياسند غيظ وامرار

ونار على كبدك تلضي وقوده

قتلت نفس من برين الابرار

وحملت حمل معضمات لهوده

ياليت يومي قبل يومه مقدار

ياليتني قبله بغبة لحوده

راعي الهوى والحب لو كان صبار

الى بداء المرقاب باحت سدوده

واجر بالونات وانحط الاعبار

واسهر الين الصبح بين عموده

دمعي على الخدين ويلاه نثار

ومن العنا و الولف عيني عنوده

وان هودت عيني بسجات الاسحار

قامت مناديب الضماير تروده

مرحوم ياللي ماوطاء اللوم والعار

ولا عس جيرانه بحزة رقوده

حلو الجناب الى لفى الدار خطار

فعايله عند الفريف محموده

يشهد له الله ثم وافين الاخيار

حوض الردى ماشرعت به وروده

وصلاة ربي عد ما هلت امطار

على نبي الله وصفوة جنوده[/align][/frame]