|
ببغاء حكيم ..
السلام عليكم ورحمة الله وبركاته
كان فيه واحد " على نياته " .. جرّب يستثمر أمواله ! وكان عنده ببغاء يتكلم .. مشكلة الببغاء .. إنه كل ما شاف راعيه قال له : ياغبي .. وكل ماجاء يقول جاء الغبي ..واذا راح قال : راح الغبي ! .. راعيه ضاق صدره .. وقرر ياخذ الببغاء لمدرب الطيور علشان يعدّله .. : يا مدرب الطيور .... شف لك صرفة مع هذا الببغاء ... كل ما شافني فشلني عند الناس " غبي ، غبي " ! أبيك تدربه زين وتعدّل كلامه .. علشان يغيّر هالكلمات الي يرددها كل ما شافني قال المدرب : ما عليك .. خلّه عندي كم يوم .. ولما راح راعيه .. جاب المدرب " سطل " مويه حاااارة ... وحطه قدامه ... وسأل الببغاء .. : أنا مين ؟ ! قال الببغاء : أنت صديق الغبي ! .. وينزله المدرب في المويه الحاااره ثم يطلّعه .. ويسأله ... : أنا مين ؟ قال : أنت صديق الغبي .. وينزله في الموية مرة ثانية .. ثم يطلعه ... : أنا مين ؟ .. وعلى هالحال .. حتى تربى الببغاء وتسنّع .. أخيرا .... قال له المدرب ... : أنا مين ؟ ! قال الببغاء : أنت صديق أذكى واحد في العالم .. ويوم جا راعي الببغاء .. قال المدرب : تفضل اسأله .. قال راعي الببغاء .. : أنا مين ؟! قال الببغاء : أنت مين ؟! وهذا سؤال !! ... أنت الذكي .... إلا أنت أذكى واحد عرفته في حياتي ! قال له راعيه : .. طيّب .. وإذا لعبت بفلوسي على كيفي ؟! قال الببغاء : .. هذي فلوسك .. من عرق جبينك .. تسوي فيها اللي تبي .. قال : طيّب .. إذا دخّلت فلوسي عند " سابك" ؟ ! قال الببغاء : ممتاز .. حركة استثمارية في غاية الذكاء .... ومن أذكى واحد في العالم .. : طيّب ... وإذا دخلت فلوسي عند " بنك البلاد" ؟ .. : طبيعي .. تنويع استثماري ... من أذكى واحد في العالم ! : طيّب ... وإذا دخلت فلوسي عند " الزراعية " ؟ .. : ذكاء خارق ... وماشي مع الحكمة اللي تقول " لا تحط البيض في سلة واحدة " ... فعلا أذكى واحد في العالم ! : طيّب ... وإذا دخلت فلوسي عند " الاتصالات" ؟ .. : عادي ... وزي ما يقولون " حشر مع الناس عيد " .... صحيح إنك أذكى واحد في العالم .. : ... طيّب .. وإذا دعمت نادي النصر ؟؟ !! قال الببغاء : يا عمي هاااات الموية ! ..... قايلّك هذا أغبى واحد في العالم ماصدقتني ! مع احترامي للنصر نادي وإدارة وجماهير ولكن هذا من باب الفكاهة |
رد: ببغاء حكيم ..
ههههههههههههههههههههه
والله حلوة جدا وهذي دقة في أبو محمد الخالدي الله يعطيك العافية يا الكيميائي |
رد: ببغاء حكيم ..
اقتباس:
الله يعافيك الله يعينني على أبو محمد كيف يرضى والله محشوم يا أبو محمد أنت والنصر لكن من باب الفكاهة كل الشكر على مرورك الكريم |
رد: ببغاء حكيم ..
هههههههههه
نفسي يطيح هالبغبغاء في يد واحد نصراوي عشان يعلمه الادب ههههههه |
رد: ببغاء حكيم ..
ههههههههههههه
أنا ماأشجع أحد ولا أحب الكورة بس النكتة حلووووة |
رد: ببغاء حكيم ..
اقتباس:
لو يطيح في يد نصراوي يمكن يأكله من ...... مشكور على المرور |
رد: ببغاء حكيم ..
اقتباس:
الحلو والجميل مرورك الرائع |
رد: ببغاء حكيم ..
أفا يالكيميائي:mad:
طيب طيب مسامحك لأنك أخو وعزيز والأخ مايزعل من أخوه بس لاتعيدها:47: |
رد: ببغاء حكيم ..
اقتباس:
ابشر باللي يرضيك وابشر والله ما عاد أعيدها |
رد: ببغاء حكيم ..
ول ول ول
هذا لو يطيح بيدين ماجد وش يسوي .. عز الله شوايه وبريشه .. ههههههههههههههههههههه يعطيك الف عاااافيه اخووي .. وررربي قوويه |
رد: ببغاء حكيم ..
الله يرحم عبد الرحمن بن سعود والاماكان الببغاء يقول هذا الكلام ههههههههههههههههه
تقبل مروري |
رد: ببغاء حكيم ..
اقتباس:
يمكن على الفحم والا المضغوط بسرعه كل الشكر على مرورك الجميل |
رد: ببغاء حكيم ..
اقتباس:
الله يرحمه ويسكنه الجنه كل الشكر على المرور |
رد: ببغاء حكيم ..
لا لا لا لا لا لا لا لا لا
قووووووووووووويه يالكيمائي أول مره أسمعها فطست ضحك هههههههههههههههههههه يعطيك ألف عافيه تحيـــــــــاتي لك |
رد: ببغاء حكيم ..
اقتباس:
الله يعافيك ويبارك فيك وجعل هالضحة دوم وكل الشكر على المرور |
| الساعة الآن 10:45 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل