|
اقرب شاعر
سلام مثل النور يوم انه كشح جوف البروق 00000 في سود ليلأ مدلهم قل به من هو سري ياهذيل انا عابر سبيل وجيت ادور للطروق 00000 صفق الهوى طاري عليه علوم محدأ به درى |
رد: اقرب شاعر
أعداد ما تبدي علينا الشمس في وقت الشروق
يا مرحبا ترحيبةً فيها الوفاء حصن وذرى أبشر بما يرضيك يا رجال والهامات فوق ويالله عسى طاريك خيرن يوم هاجوسك طرى |
رد: اقرب شاعر
عساك تبقا يالمرحب يوم وفيت الحقوق 000 لكن ما شفتك مع اهل الاوله واللي ورى انا اشهد ان هذيل اهل تاريخ مافيهم فروق 000 قلته وانا مقبل على الهذلان مع طلعه كرى |
رد: اقرب شاعر
ياصاحبي صفق الهوى ماني على الدنيا سبوق
وتثبت لك الأيام يارجال وأعيونك ترى ياشاعرن مابين الشجره ولا جاب العروق كيف التعامل بيننا في بيع ولا في شرى |
رد: اقرب شاعر
حنا هل العلم الجميل ولانخون ولا نبوق 000 تشهد لنا طيبة رسول الله مع ام القرى والا انت قلي وش لقيت من المطامر واللحوق 000 احفيت رجلينك وجرتك العشيه فالثرى |
رد: اقرب شاعر
والنعم بك وحنا هلا الحكمه وأهل علماً يـــفوق
روح وأســل عـنا وعن تاريخنا منهو قـــــرى جبت العلوم الطيبه وحقت المراجل حوق حوق يوم أن بعض الناس ماجاب المكاسب لو جرى |
رد: اقرب شاعر
والنعم بك من يوم تبدي كل يوم مع الشروق 000 عاداتكم ما تنجحديا ياهل المعاند والزرى وجدي على اللي لامشى الطرقه يسوق العلم سوق 000 لكن ما معنا يكود اللي حصل واللي جرى |
رد: اقرب شاعر
هــذا الزمن يكثربه الكذاب ويقل الصدوق
وأنته لبست الثوب يارجال ما حافك عرى الـــي يطب النار مايسلم يبا يلقى الحروق وختم كلامي معك يا طيب بطيب وعنبرى |
رد: اقرب شاعر
وختم كلامي معك يا طيب بطيب وعنبرى بيض الله وجهك وصح السانك ولا قصرت تحياتي |
رد: اقرب شاعر
وجهك أبيض يا صفق الهوى ويعطيك العافيه
وصح بدنك وكفيت ووفيت ولك تحياتي |
رد: اقرب شاعر
الله يبيض وجيهكم يا اهل الجزاله والاصاله
|
| الساعة الآن 12:49 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل