|
محاوره بين صياف الحربي وعبدالله المطرفي
صياف.
مرحبا يالشاعر اللي ودنا ناخذ علومه ......... والعلوم اللي تسلينا نبي نكتب سندها قالوانك صمت يوم ويوم ماتقدر تصومه ........ والنفوس اللي تكثر صومها يكثر سعدها عبدالله المطرفي. البقا يالشاعر اللي ما يعود عن لزومه........والمخايل حين يبرق برقها يرعد رعدها انته مانته خاصم القاضي ولانته من خصومه... حكمتةً يحكم بها القاضي تبي تسعا جهدها صياف. الذهب في السوق غالي والفقرا ماتسومه........... والذلول اليا مشت نصف الطريق تكف يدها انته الليله محول في البحر تبغى تعومه ............ والبحور تخلي ام مزيد تنشد عن ولدها عبدالله المطرفي . تشهد العراف منكم والسما تشهد نجومه ............ والعرب يقولون ما يبنى البيوت الا عمدها الديار اعرف خطرها والبحر عارف قرمه .......... وان نزلت البحر ابا جيب الجواهر من لحدها صياف. من سرى بالليل ياشاعر هذيل يطير نومه .......... لاتشيل البندق اللي ما يثورها زندها الغريب اليا زعل يمشي ورمي من هدومه ......... وانته كيف تحل عقده ما تعرف الي عقدها عبدالله المطرفي. يسرى السرحان ما يشكي على الراعي همومه ........ وانته لاترميه بالي ما يثورها زردها والمعذر ان كان تكررة هذه المحاوره اخوكم/سلمان الندوي. تحياتي .لكم. |
رد: محاوره بين صياف الحربي وعبدالله المطرفي
اقتباس:
بيض الله وجهك ياسلمان بياض يشيع ويبدي مع كل ريع محاورة جميله جداً نتمنى أن تتحفنا بالمزيد من محاورات شاعر هذيل عبدالله المطرفي لأنه بيوت يطرب لها سامعها مرة أخرى أشكرك جزيل الشكر . تحياتي . |
رد: محاوره بين صياف الحربي وعبدالله المطرفي
سلمان الندوي بيض الله وجهك على هذي المحاورة اللي الحقيقه أول مره نسمعها ياحبيب ياعسى بعد هذا الليل ليل الله يرحم صياف ويرد لنا الشاعر الكبير عبد الله المطرفي لان هذا الشاعر علم من أعلام الشعر هذا البيت للمطرفي في أخر محاوره له مع حبيب العازمي يقول : ليل نارك ياحبيب يدخن عودها وحنا نقول يا عساك تعود للمحاوره يا عبد الله .....!! ومشكور ياسلمان وبيض الله وجهك وإذا عندك مزيد لا تبخل علينا |
رد: محاوره بين صياف الحربي وعبدالله المطرفي
بيّض الله وجهك ياسلمان وسلمت يمينك على النقل الرائع عزالله انك كفيت ووفيت يالغالي محاوره اقل مايقال عنها في قمة الروعه وشعراء كبار ياليت يالغالي ماتحرمنا من محاورات الشاعر العملاق عبدالله المطرفي بكل امانه اتحفتنا بهذه المحاوره الرائعه وفي انتظار درّه اخرى لشاعرنا الكبير عبدالله المطرفي لك جزيل شكري وتقديري |
رد: محاوره بين صياف الحربي وعبدالله المطرفي
وعليكم السلام ورحمة الله وبركاته لله درك ياعبد الله المطرفي مبدع في كل حالتك [poem=font="times new roman,5,black,bold,normal" bkcolor="" bkimage="" border="none,1," type=0 line=0 align=center use=ex]ياهل الشاشه اللي نورها ينشاف=نورها مايغيب وصوتها خافي نخلكم مايجيله صيف ياصياف=وانشدتك تقول الصيف ماصافي[/poem] يعطيك ألف عافية سلمان وبيض الله وجهك على النقل الذي يدل على ذوقك الراقي تقبل مروري وتقديري |
رد: محاوره بين صياف الحربي وعبدالله المطرفي
اخوي مطرفي الدلم وابو عساف وابو لمار وسلطان هذيل اشكر كم على هذا التعليق الطييب وهذا واجب علي وعلى كل هذلي لان الشاعر عبدالله المطرفي شــــــــــــــــــــــــ ــــــــاعـــــــــــــــ ــــــر هــــــــــــــــــذيــــ ــــــــل طول الله عمره
اخوكم/سلمان الندوي تحياتي لكم |
رد: محاوره بين صياف الحربي وعبدالله المطرفي
الشكر لك ياسلمان على ماتحفتنا به ونأمل في المزيد من المحاورات النااادره .
تحياتي . |
رد: محاوره بين صياف الحربي وعبدالله المطرفي
الشكر لك اخوي سلمان واتمنى ان لا تحرمنا من اي شي للشاعر الكبير عبدالله المطرفي تقبل ودي وتقديري |
رد: محاوره بين صياف الحربي وعبدالله المطرفي
انتقاء جميل
محاورة قوية جداً بارك الله فيك يالندوي ولا تحرمنا جديدك |
رد: محاوره بين صياف الحربي وعبدالله المطرفي
صياف.
مرحبا يالشاعر اللي ودنا ناخذ علومه ......... والعلوم اللي تسلينا نبي نكتب سندها قالوانك صمت يوم ويوم ماتقدر تصومه ........ والنفوس اللي تكثر صومها يكثر سعدها ياخوان لازم قبل نقل المحاورات التأكد من صحتها هذي المحاوره بين صياف الحربي وشليوح المطيري والمحاوره من باداية ابن شلاح في الرادي من سرى بالليل ياشاعر هذيل يطير نومه .......... لاتشيل البندق اللي ما يثورها زندها وهنا تحريف من سرى بالليل ياشاعر مطير يطير نومه = الذول اليا مشت نص الطريق تكف يدها وهذا البيوت برضوا الذهب في السوق غالي والفقرا ماتسومه = لا تشيل البندق الي مايثورها زندها المحاوره هذي بين ابن شلاح وصياف متأكد من هذا الكلام نرجوا تحري الدقه |
رد: محاوره بين صياف الحربي وعبدالله المطرفي
معليش يافهد متأكد على عيني وراسي بس عطنا شئ خلينا إحنا نتأكد إن المحاورة بين
صياف وشليويح |
رد: محاوره بين صياف الحربي وعبدالله المطرفي
اخوي فهد المطرفي انا متأكد وهذه المحاوره موجوده عندي صوتيه وإذا مانته مصدق هذا الكلام اسأل الشاعر عبدالله المطرفي وترى هذي بحق ولكن سجلها عندك
|
رد: محاوره بين صياف الحربي وعبدالله المطرفي
اولا انا كلامي ماقصد فيه التشكيك في صاحب الموضوع لاسمح الله
الالتباس في الابيات او في اصوات الشعار وارد من الاخ الناقل للمووضوع ثانيا المحاوره مسجله في بادية ابن شلاح لها تقريبا خمس طعش او عشرين سنه وطبيعي اني ماراح اذكرها كامله يمكن يكون فيها ابيات بين صياف وعبدالله لمحاوره ثانيه مضافه على هذي المحاوره مدري .. لكن عموما بدعة صياف وبعض ابيات المحاوره اذكرهاا تماما كانت من محاوره من برنامج البادية في الرادي بين صياف الحربي وشليوح المطيري وطبعا تسجيل ماعندي تسجيل من وين اجيب تسجيل لمحاوره لها خمس طعش او عشرين سنه انذاعت في رادي لمرات معدوده لكن الي يعرف محاورات بادية ابن شلاح سواء في التلفزيون او الرادي كانت المحاوره ثلاث ابيات عند كل شاعر في اغلب الاحيان اذا الاخ عنده تسجيل صوتي للمحاوره ينزل التسجيل والتسجيل يحسم المووضوع ومن ناحيتي اذا حصلت شيء يثبت كلامي جبته لكم |
رد: محاوره بين صياف الحربي وعبدالله المطرفي
ياسلمان مادام المحاورة موجوده عندك صوتيه نزلها وأقطع الشك باليقين .
تحياتي . |
رد: محاوره بين صياف الحربي وعبدالله المطرفي
اول شي ماعليش تعليقي متأخر .. ولكن اقول وصلوا على الرسول إن هذه المحاورة بين صياف وعبدالله المطرفي
متوكد تمام التاكيد لاني سمعتها صوتي(ن) في جوال سلمان واعرف صوت المطرفي |
| الساعة الآن 11:09 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل