::{ مجالس قبيلة هذيل }:: موقع يهتم بتراث القبيلة ومفاخرها

- مجلس الشعر الشعبي (https://hothle.com/vb/forumdisplay.php?f=15)

- - ابو سليمــــــــــــان (https://hothle.com/vb/showthread.php?t=29505)

ابو سليمــــــــــــان

[center] السلام عليكم ورحمة الله وبركاته
هذي قصيدة من الارشيف القديم وتدور قصتها حول رجل كبير فالسن يدعى ابو سليمان وهو" صاحب سطحة "
ومكانه في ارض فضاء امام بيتنا وكان اذا امساه الليل حط فراشه فوق السطحة وزين براده على الدافور
وفالنهار يرقد تحت السطحة وكان منظر هذا الرجل الذي عركته الحياة استدعاني لتوظيف هذا المشهد الشعري
الذي ارجو ان يحوز على رضاكم ............[/center]

[poem=font="times new roman,4,darkred,bold,normal" bkcolor="burlywood" bkimage="" border="none,1,black" type=1 line=0 align=right use=sp]يابو سليمان شدتني شرارة شعلة الدافور = تزهب واترك البراد لين يفوح دخانه
وعطني منه بس بيالتين وخل نور السور = يهدي من ظلام الليل ويخفف من الوانه
وانا اشوفك واحس انك من ظروف الزمن مقهور =واحس بطير صدرك يوم مال الياس باغصانه
يعوقنه ظروفك لا يطير وينثني مجبور = تعب من كثر ما يصفق على ظلوعك بجنحانه
عيونك في بحرها الملح وسنينك صحاري بور = وفي تنهيدتك صوت الشقى يعزف على الحانه
ولكن .... والله انه ثم والله ماعليك قصور = على كل الظلام اللي يهد الحيل واركانه
ترى منتب لحالك جعل حال مقابلك مستور = تعوذ من بليس ووكل الله واطلب احسانه
وانا يالله طالبك السعادة واختصار الشور = ليا تاهت بنا الاريا وصك الحظ بيبانه
وجينا نرفع يدينا من قلوب تفيض شعور = ونسألك الثبات ونستعيذ ابليس واعوانه
تدل الحايرين بكل سكة دربها مهجور = بعد طول الغياب وتجمع المشتاق باخوانه
يدور الوقت وتدور الليالي والرحاة تدور =وتطحن كل راس فيه حب وتخرس لسانه
فمنهم من قضى نحبه ومنهم ينتظر للدور = ومنهم من يكابر بالفرح والقلب باحزانه
مصيره ياخذ دروس الحياة ويطمر العاثور = هذا شي كتبه الله علينا جل في شانه
لأن الأصل ثابت والحياة اللي بلا دستور = حياة ما لها في صفحة العليا ولا خانه
عيون ما تفيض بدمعة الذكرى عيون عور = وقلب مايحس بدمعها يطويه كتمانه
اشوفك واعرفك واسمعك ياللي تلتفت بغرور = واجيك وتبعد الخطوة... عليك الله وامانه
انا ماجيت ابافضحلك ستر والا اكشف المستور = ولا جيتك مثل ماكنت اجيك ولا لي رهانه
انا حبيت بس اكتب على غلاف الكتاب سطور = قبل لا امشي وكل كتاب بين باسم عنوانه
رثعنا لين قلنا بس ماشفنا طلايع نور = وشفنا النور في طاعة ولي العرش سبحانه
لقينا النور فايات الحديد وفالضحى والطور = وفي طه وفي سنة نبي الله وقرانه
شهادة حق ما لي من وراها ما لشاهد زور = من الظالم ولا ارجي من وراها غير غفرانه
ليا منه غفر ربي علينا وخاطر المكسور = جبر به جابر العثرة بتوفيقه ورضوانه
على الدنيا السلام ومن سعى فيها لنا مشكور = تركناه وخضعنا تحت ظل الله وسلطانه[/poem]