زهم الشاعر / عابد الفضلي الهذلي ردا على الشاعر / علي الفضلي الهذلي
 

السلام عليكم ورحمة الله وبركاته

رد الشاعر / عابد بن عايد الفضلي الهذلي على الشاعر / علي بن ماطر الفضلي الهذلي

[poem=font="arabic transparent,5,black,bold,normal" bkcolor="" bkimage="" border="none,1," type=2 line=0 align=center use=sp]يامرحبا بيـ (رسيلك) ياعلي عد همال الغمامات
ترحيب وافي عن النقصان رحب المزون اللي ثقيلات
كلفت مرسولك الغالي وشرّف محلي باحسن أبيات
وأخذتها في محل الجد مافي محاسنها هزيلات
درست مضمون معناها وحصّلتها عذبة وجزلات
واللي قليل البصيرة لي رعاها يسرحها ولاجات
من بعدها يارسيلي قوم بلغ سلامي والتحيات
وصل سلامي علي ماطر وقله على كل المحطات
واللي يتابع قناوات الفضا ينبهر بين الفضايات
علومها في تناقض واختلاف المواقع والمسافات
من شرق للغرب تلقى أقمارها في الفضا عبر المحيطات
اسم القمر والتردد واتجاه الطبق حسب الدرجات
تلقى الاشارة تحدد لك مواقع وأقمار المدارات
علم التقدم مضبطها علي ماتبي حزمة وباقات
وانته تجوّل مع العالم في سحر التفنن والمهارات
اسمع وشاهد دول متكاملة من خطا راحت دويلات
وأهل النمايم ضعوف أنفس كلاب الفتن غرّه وختلات
مايعرفون الخطا والصح من جهلهم يمشون بِفوات
خلو الكبيرة صغيرة والصغيرة كبيرة بالحكيّات
ماهمهم غير قال وقيل بين الجماعة والقرابات
واللي سمع هرجهم زادوه مسكين لاقيّل ولابات
يمشي وراهم في مايبغون ويقول دلّوني على ايات
حطوا قربهم على ظهره ومشوه في درب الملفات
قوم النفوس الخبيثة من جهلهم رموبه في الزريات
يبغي بصيرة من أهل الشر حطوه في طلعة ونزلات
وان جيت تي تنصحه مافاد يلقى النتيجة في النهايات
واللي غوي ياعلي خله يروّح وقبله راحت أمّات
يمشي على درب غيره في زمان العجايب والمتاهات
والختم ياسامعين القول صلو علي سيد البريات
محمد المصطفى المامون عد الكواكب والمجرات[/poem]


وسلامتكم

رد: رد الشاعر / عابد الفضلي الهذلي على الشاعر / علي الفضلي الهذلي
 

وعليكم السلام ...

صح لسانه وصح لسانك عز الله انكم شعار قصيدتين استمتعت بهما كثيراً ...








تقبل حظوري وتحياتي .

رد: رد الشاعر / عابد الفضلي الهذلي على الشاعر / علي الفضلي الهذلي
 

صح بدنك وبيض الله وجهك على المرور الجميل

وشهادتك وسام

شكرا لك