|
رباعيه ( عبدالله الميزاني - تركي الميزاني _خبيب - مستور )
يهمني رايكم لمعرفة من المنتصر في هذه الرباعيه
هل هو اسوار الذهب وخويه ولا خبيب وخويه اسوار الذهب سلام تسليم ينشاف اوله وينشاف تاليه بالليله اللي تذكر شيء من يوم القيامه تركي الميزاني من شاف مستور بن تركي عسى ربي يعافيه بيني وبينه علوم ماتجي حول الملامه حبيب يامرحبا بالصديق اللي تباشير الزعل فيه فالماقف اللي يعز الرجل ويلين عظامه مستور مستور حاضر معك يابن عطالله لا تناديه ياتركي الراس يفخر بالعقال وبالعمامه اسوار الذهب العازمي ضاق من خاله وراضي عن بناخيه جعل المخايل عليك تهل ياريع السلامه تركي الميزاني واصدري اللي من امس العصر كاثرتن طواريه يومن بعض العباد ينام ويطول منامه حبيب ترى البناخي مثل خاله وماسوى يسويه ياخالي اللي نبشت القبر في حرب الرغامه مستور مستور ناوي بنيه والدهر غير هقاويه والكلمه الطيبه ماتلحق الطيب ملامه اسوار الذهب الأمر شورى ولكن الزمن بانت شواريه ماعاد باقي على البيدا زعيم ولا زعامه تركي الميزاني اللي تبيعه طلوع الشمس تالي الليل تشريه والصبح في نجد والمغرب تصلي في تهامه خبيب لو نعطي الراي من لا يملكه كبرت علابيه الرجل يقدح من الهامه ويقبس من حزامه مشتور ياتركي اوحيت علمك مار علمك فيه مافيه الله يعزك بطول الوقت ياقصر اليمامه اسوار الذهب رفعت يدينك تحقق دعوته ولا دعاويه العب يالازرق وخلك عين من زرقاء اليمامه تركي الميزاني ان فاتك الفرض يامستور لا بدك مصليه والوقت مشبوه مايعرف حلاله من حرامه مع اطيب تحياتي بن عادي الهذلي |
رد: رباعيه ( عبدالله الميزاني - تركي الميزاني _خبيب - مستور )
يعطيك العافية يابن عادي على القاف الجزل وانا اشوف اللي اخذ الزايده من وجهة نظري الشاعر عبد الله الميزاني ضد حبيب والشاعر مستور العصيمي توفق على تركي
هذا من وجهة نظري وشكرا لك وبيض الله وجهك على القاف الجزل |
رد: رباعيه ( عبدالله الميزاني - تركي الميزاني _خبيب - مستور )
اسوار الذهب
رفعت يدينك تحقق دعوته ولا دعاويه العب يالازرق وخلك عين من زرقاء اليمامه الف شكر على المحاوره الجزله والتفوق ظاهر لأسوار الذهب على حساب حبيب تقبل مروري يابن عادي |
رد: رباعيه ( عبدالله الميزاني - تركي الميزاني _خبيب - مستور )
اقتباس:
الله يعافيك اخي فتى الحجاز اسعدني ما أشرت اليه والشاعر عبدالله الميزاني مشكلته انه مضلوم اعلاميا ولا هو شاعر لا يشق له غبار العفو .... وجهك ابيض والمعذره لتأخري فالرد |
| الساعة الآن 02:34 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل