::{ مجالس قبيلة هذيل }:: موقع يهتم بتراث القبيلة ومفاخرها

- مجلس الشعر الشعبي (https://hothle.com/vb/forumdisplay.php?f=15)

- - فنجان زهراني لشبل من هذيل (https://hothle.com/vb/showthread.php?t=30551)

فنجان زهراني لشبل من هذيل

بسم الله الرحمن الرحيم
اعضاء منتديات ومجالس هذيل المكرمين
السلام عليكم ورحمة الله وبركاته وبعد
استبيحكم عذرا على هذا الغياب الطويل
و كما قيل
بعض الوجيه تشوفها كل ليله لاشوق لاموعد ولكنها اقدار
وبعض الوجيه تغيب غيبه طويله لكن لها في القلب حشمة ومقدار
وقيل
من طول الغيبات جاب الغنايم
وانا اليوم جايكم بمساجله شعريه بيني وبين احد الاخوان من قبيلة زهران (وللامانه لااعرف اسمه-ولكن الرجال بالمخابر وليس بالمظاهر )العريقه والنعم به وبمرسوله الكريم زميلي عضو هيئة التدريس بجامعة الطائف الدكتور احمد الزهراني
وقصة هذه المساجله ان الدكتور احمد اعجب بهذه القصيده بعدما قرأها في منتدى هذيل (باسم ذنب قابيل)وقام بنقلها لمنتدى قبلي خاص بقبيلة زهران ,فأطلع عليها هذا الاخ العزيز وقام بالرد او المجاراه
وحق لي ان ارد وسوف ارد
طولت الشرح سوف اترككم مع القصيده والرد كماوصلتني على الايميل

[poem=font="arial,6,blue,bold,italic" bkcolor="white" bkimage="" border="groove,4,black" type=1 line=1 align=center use=ex num="0,black""]
لاعاد تشكي لي من الحال ياليل=مليت من صوت الحزن والكئابه
تشكي وانا اشكي والليالي محابيل=احوالنا يالليل صارت تشابه
ازريت اشيل احمول ماشالها حيل=وازريت اصور همنا بالكتابه
اشعل شموعي بالامل كذبة ابريل=والفجر يعلن عيد حب الرتابه
يطفي شموعي محتفل بالغرابيل=وانا احتفالي يوم احاكي سرابه
الصدر مدهال الهموم المقابيل=كاهن بصدري قام يقرا كتابه
اعكف بحراب الامل جيل مع جيل=والفرح عيا مافتح لي حجابه
اهيم كني مرتكب ذنب قابيل=والهم في صدري توارى غرابه
ياوقت لحظه.... موبنا صاحب الفيل=واستغفر الله لو اقول الصحابه
تمطر على راسي سواة الابابيل=هم لك الله ويل منهو سطابه
نوخ ركابه بعد عزم المباتيل=واليوم لحفني بضرسه ونابه
ياوقتي الجاير طفح فيني الكيل=انطر متى تلمع بروق السحابه
لاجات في صدري سواة الهماليل=بقول ياحظي الفرح فك بابه
بيد(ن)بصدري تعشب بجرة السيل=وبعد الفياض تجيك مني الاجابه
[/poem]

وهذا رد الاخ العزيز
[poem=font="arial,6,blue,bold,italic" bkcolor="white" bkimage="" border="groove,4,black" type=1 line=1 align=center use=ex num="0,black""]
باسم الذي خيره نشيد المحاصيل=الزاد زاده واعذب الما شرابه
الواحد المعبود نزه عن الميل=العدل عدله والبشر في رحابه
ومن بعدها ياصاحب احمد كما قيل=لربما صاحب بكل القرابه
ولربما ياجيك منهم غرابيل=ويجيك من صاحبك عز و مهابه
قريت خطك واستهضت التعاليل=فأستسحمك واستأذنك (بالاجابه)
وقف هنا واشرب وهاك الفناجيل=دله حوايجها صباي وشبابه
فنجان زهراني لشبل من هذيل=يشربه ويعيد النظر في حسابه
والليل لون الستر عطر المواييل=يعلمك بأسراره اللي سرى به
اللي عرف خافيه سر واباطيل=واللي عليه الليل مسدل ثيابه
ان طعت نفسك فيه فالخاتمه ويل=والفوز ركعه باخره مع انابه
يامن سرج همه على صهوة الخيل=والليل ميدانه وخيله جرى به
وقف ترا ياصعب هم الرياجيل=خل التفاؤل بحر واركب عبابه
همك يزيد الليل عتمه وتطويل=ويحوله صدرك قبور وخرابه
الشمس بانت والقمر راح وسهيل=انبش قبور الصدر وانفض ترابه
[/poem]