محاوره بين الشاعرين سامي الهذلي و ملفي المورقي
 

[poem=font=",5,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
محاوره بين الشاعرين سامي الهذلي و ملفي المورقي

سامي الهذلي
سلام ردية وفاء عداد همال السحاب=للمعرفه ميزان محداً يخلف الميزانيه
الليله المعنى على اللي غير حروف الكتاب=حط الحروف الاوله بعد الحروف الثانيه

ملفي المورقي
يامرحبا ترحيبت(ن) تفتح لها عشرين باب=لكن ياسامي تخير في حدى البيبانيه
من عادتي مرقع جناح الصقر من ريش الغراب=وشلون اعيب الصقر ابوسبق وابو جنحانيه
سامي الهذلي
يالمورقي دنياك هذي بين ميل(ن) وانقلاب=وانته وراك ادسها تحت الضلوع الحانيه
اللي يخالف النظام يصير عرضه للعقاب=واللي تعدى الحد لاعفو(ن) ولاغفرانيه
ملفي المورقي
مالك ومال اللقمه اللي بين ضرس وبين ناب=دور ومن دور لقى ياذيب ياسرحانيه
انامعي سيف(ن)من الرحمه وسيف من العذاب=من فعلي الدنيا بنعمه والمحاجي حانيه
سامي الهذلي
الحمدلله محتمي لي وزعتي بين الذياب=وانته غدت وزعتك من عهد الرجال الفانيه
السيف يرجع فوق راع السيف لو طال الغياب=لكن ماتقدر تهدم لك بيوت(ن)بانيه
ملفي المورقي
هروجنا طالت ولا جينا ليا فصل الخطاب=واعرفك راعي مير انا راعي على الرعيانيه
انا لقيت الغار ياستار ابو عقرب وداب=لكن ابقراء فوقهم بسم الله الرحمانيه
سامي الهذلي
انا هرجت مع العوارف وانت باقي لك حساب=خابرك راعي نوق ياملفي من الازمانيه
انته تشوف الداب ياملفي ولاكنك تهاب=هاذي حقيقه واضحه تشهد لها العربانيه
ملفي المورقي
انا من اهل البل واحب معالجت عوج الرقاب=عندي عبسها مثل جو اسويسره واسبانيه
اتعبتني واذهبتني ياجعل روحك للذهاب=مير الزم الكرسي وسلمها ظهور السانيه
سامي الهذلي
حافظ عليها يالعتيبي قبل لاتغدي نهاب=من بعدها تزعل ولاحد(ن)يرضي الزعلانيه
[/poem]

رد: محاوره بين الشاعرين سامي الهذلي و ملفي المورقي
 

ماشاء الله


قاف رائع


ابدعت يا سامي ابدعت

صح لسان كان التفوق لك بجداره



و لا هان ملفي

صح لسانه



,
,


شكرا لك

رد: محاوره بين الشاعرين سامي الهذلي و ملفي المورقي
 

قمه في الجزاله أخي الغالي سامي الهـذلي ..

وخصمك شاعر لا يستهان بـه ..

محاورة من العيار الثقيل للشاعرين كبيرين ..


تقيم المحاورة ...

رد: محاوره بين الشاعرين سامي الهذلي و ملفي المورقي
 

محاورة جميله وإبداع هذلي لاشك فيه بيض الله وجهك ياسامي ووجه المورقي .

تحياتي .

رد: محاوره بين الشاعرين سامي الهذلي و ملفي المورقي
 

صح لسانك يابو سعد

قاف رائع من شاعر اروع

لا هنت والله

رد: محاوره بين الشاعرين سامي الهذلي و ملفي المورقي
 

قاف جميل ورائع
الحقيقه تقال ابدعت ياسامي وإلى الامام

تحيتي

رد: محاوره بين الشاعرين سامي الهذلي و ملفي المورقي
 

صح لسانك يا سامي قمه في الابدع والجزاله

رد: محاوره بين الشاعرين سامي الهذلي و ملفي المورقي
 

الله يوفقك ياسامي محاورة جميلة

ولايزال المعين الهذلي

والى الأمام

رد: محاوره بين الشاعرين سامي الهذلي و ملفي المورقي
 

ياسلااااااام عليك يابو سعد

مبدع بما تعنيه الكلمه ولا يهون ابو وافي

والا الاماااااام

رد: محاوره بين الشاعرين سامي الهذلي و ملفي المورقي
 

وعليكم السلام ورحمة الله وبركاته

محاوره مثيره

صح لسانك ياسامي

الى الأمام يابن العم

رد: محاوره بين الشاعرين سامي الهذلي و ملفي المورقي
 

سامي الهذلي صح لسانك
وإلى الامام يا ابن العم