::{ مجالس قبيلة هذيل }:: موقع يهتم بتراث القبيلة ومفاخرها

بسم الله الرحمن الرحيم
أعضاء المنتدى الكرام
السلام عليكم ورحمة الله وبركاته
كان لي صديق عزيز على قلبي اسمه خالد مسلط ابا العلا العصيمي توفى قبل تقريباً ثلاث سنوات أدعوله ياأخواني
هذا الرجل كان زميلي في العمل وكان يتمتع بروح الفكاهه مع الأخلاق العالية . في يوم من الأيام جاء بمركى يستريح عليه ويتكي وقت الفراغ من العمل المهم صار الزملاء يستخدمون المركى وفي يوم كأن أحد الزملاء ارتكى عليه وكسره ورموه من الدور الثاني ، يوم جيت اليوم الثاني واليا المركى جنب الجدار مكسور لا وبعد داعسته سيارة
فتأثرت وحبيت أمازح صديقي بهذه الأبيات . أرجو أن تنال إعجابكم
لقيت لي مركى على الدرب مكسور
تنزف جراحه مرتكيله على سور
وقفت عنده قبل لا يطلع النور
ومن منظره صبيت زرق العباير
يابالعلا مركاك صايبه صايب
مارتاح لين أعرف منهو السبايب
من ورده ياخوك عوج النصايب
حاله يخلي ذاهن الفكر حاير
قلت أنت يالمركى وش الي جرى لك
قلي وخبرني عسى الطيب فالك
قلي جزى المعروف درب المهالك
يدري بحالي من درى بالسراير
يابوريماس ارسل لخصمي وقله
هذا جزاتي يوم متني يقله
في مجلس من حل به مايمله
يقطف فناجيل بها الكيف فاير
ياما تجا ذبنا السوالف مع الهيل
في حضرة العتبان مع حرب وهذيل
وشمران مع زهران نعم الرياجيل
وقريش ياحفاد السيوف الشطاير
وهذا جزاتي مثل ماشاف سنمار
يوم اكمل المبنى وزين له الدار
رماه من عاليه وبه المثل سار
وأنا رموني من علو العماير
يابالعلا باسمعك علمي وتوحيه
بعض العرب لصادت الصقر تشويه
ومن لا يعرفك يجهلك لين تنبيه
وإذ عرف مسموح ماكان ساير