صوت السيحاني و صدى الطلحي
 

الأخوة

أعضاء هذا الصرح الشامخ

اسمحوا لي بأن اصافحكم

بهذا الصوت والصدى

بيني وبين الأخ الشاعر

عبدالله الطلحي الهذلي

(شاعر الحكمة )


حيث اسندت له هذه القصيدة

,
,,
,

[poem=font=",6,blue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
عـز واليـك يابـرق ٌلنـوره تواشـي=غرب دار الجبيل ومـال يمـة شمالـه
هيض القلب يوم القلب لدن وهشاشـي=غارقٌ في البـداوة ليـن حـد الثمالـه
عاف ركب الحضارة لو بها الكل عاشي=عقب شاف السوانـي و إدّراج المحالـة
المحالة تـدور و دار معهـا النقاشـي=وللسواني صرير و للوقـوف استحالـة
والجديـد ايتجـدد والقديـم امتلاشـي=قلت ابا ارسل ل/عبدالله حروفي رسالـة
بايعين المبادي منهـم الفكـر طاشـي=مدري الكيف في الفنجـال والا البيالـه
شافت العين صورة هيضت غيض جاشي=مهرة الفـارس الخيـال عـزي لحالـه
ساق بنت العبيّة واذعن لهـا الرياشـي=مانهرها قبل فـي المـاد تعقـد حبالـه
كيف سلّم رسنها راجل(ن) جاه ماشـي=مدري اللي حداه الخـوف والا الجهالـة
ماسترها حجاب ولا سترهـا القماشـي=باعت الديـن والدنيـا كـذا بالعمالـه
ابتسامة فرحهـا مـا عليهـا غباشـي=لهفة الشوق في لحظة تحقـق وصالـه
موقفه وانتصاره مثـل زوم النجاشـي=نشوة الفوز قبـل انـه تقفـي رحالـه
واينعت له عذوق (ن) مادخلهن عطاشي=وارتخت هامة الفـارس وثنّـت عقالـه
وش بقى ماظهر ويناش مـا لا يناشـي=بين كفّـة فجـور وبيـن كفّـة عدالـه [/poem]

,
,,,
,
وقد شرفني بهذا الرد
,
صدى الشاعر
العلم /عبدالله الطلحي
,
,,,
,

[poem=font=",6,blue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]


عـز واليـك يابـرقٍ تـلاه الرشاشـي=شد قلـب المولـع ليـن قـام وعنالـه
من يلومه ليا خايـل بـروق المناشـي=وإعتلى في شداد شعيل واطلـق عقالـه
إبدويٍ علـى الجـزلات والعـز ناشـي=كـل عـزٍ رقـاه وكـل طيـبٍ ينالـه
كلما ضاق دار وشـان فيـه المعاشـي=مسرعه صفط شراعه وحمّـل جمالـه
شاف ماعاف من علمٍ على الناس غاشي=كان ماالله فرجها حالـة النـاس حالـه
ياكديميس حول النـار كثـر الفراشـي=مير ماهو مطفـي جمرهـا وإشتعالـه
لو تضيع القضايا بين مرشي وراشـي=وين يلجا الضعيّف يوم يوخـذ حلالـه
يتبع السنه اللـي خايـف الله وخاشـي=قاله اللـي عـن الرحمـن ورّد مقالـه
الحجـر للدنيـه والـولـد للفـراشـي=والشريعه تعـرّف كـل واحـد مجالـه
لكن العـز باقـي مالحقـه إرتعاشـي=كل نشمي يبا ياقـف ويحمـي عيالـه
يطلع الكفو كفو ويطلع الـلاش لاشـي=والجماله تبا تبقـى لراعـي الجمالـه
دارنا دارنـا عنهـا العـدوّ متحاشـي=في ذرا العزوه أصحاب السمو والجلاله
العدو مايحصل مـن طرفهـا عراشـي=دونها كـل قـرمٍ يفتخـر فـي خوالـه
ودامت إني مغادرهـا بقطـنٍ وشاشـي=حي مـوت الكـرام ولاحيـاة الحثالـة [/poem]

رد: صوت السيحاني و صدى الطلحي
 

صح لسانك وبيض الله وجهك
شكرا على الطرح الرائع

رد: صوت السيحاني و صدى الطلحي
 

الله الله صح لسانك اخي كديميس وصح لسان الشاعر العلم عبدالله الطلحي شاعر الحكمه

قصائد جزله من شعار جزليين وفيها مايغني عن الكثير من الكلام

اشكرك على نقل هذه الرائعتين وتقبل مروري وشكري وتقديري ,,,

رد: صوت السيحاني و صدى الطلحي
 

صح لسانك كديميسس وصح لسان شاعر الحكمه عبد الله الطلحي ...

نطمع في تواجدك المستمر وأن تروي عطشنا من قصائدك الجـزله ...

رد: صوت السيحاني و صدى الطلحي
 

بيض الله وجهك ياكديميس قصيده جزله من شاعر جزل ورد أبو ناصر مافيه كلام فهو شاعر عملاق .

تحياتي .

رد: صوت السيحاني و صدى الطلحي
 

رائعه جدا اخوي كديميس

ورد رائع من شاعر الحكمه

صحت السنتكم

ولا تحرمنا تواجدك الطيب

رد: صوت السيحاني و صدى الطلحي
 

صح لسانك و صح لسان شاعر الحكمه



مراد جميل جدا





مشكوووووور على النقل


لك مني ارق التحايا

رد: صوت السيحاني و صدى الطلحي
 

يعطيك العافية كديميس القصيدة معبرة وموضوعية والرد الجميل من شاعرنا شاعر الحكمة

رد: صوت السيحاني و صدى الطلحي
 

صح لسانك أخوي كديميس

قصيدة جميلة منك رغم صعوبة قافية الشطر الأول

لكنها لم تصعب على شاعر الحكمة و رد بقصيدة جميلة أيضا ً تحمل في ثنايا الحكمة

شكرا لك