::{ مجالس قبيلة هذيل }:: موقع يهتم بتراث القبيلة ومفاخرها - قصيدة إغنــم ربيــعك للشاعر عبدالله الطلحي

[frame="6 80"]غلطان من قال خيره كـل تأخيـره
مايستوي في السَبَق ريّض وعجلاني
الحق ماكـل تأخيـره بهـا خيـره
كم فرصةٍ ضايعه من عمر الإنساني
طرايد الصيد ماتهـدأ علـى سيـره
تبغالهـا رامـيٍ ماهـو بمتـوانـي
رامي سريـعٍ بتصويبـه وتذخيـره
إن فاتها السهم الأول صابها الثانـي
الوقت ماينتظر من عاش في حيـره
والدرب ماينمشي من غير برهانـي
كل المصابيح تطفي فـي مشاويـره
مايجلي الظلمـه إلا نـور الإيمانـي
احسب مكاسب زمانك من مخاسيره
قدام تطلع من المشـوار خسرانـي
ماكـل ميـراد مرتويـه مصاديـره
كم واردٍ غـادر الميـراد ظميانـي
بايامنا من وصوف الخيل تصويـره
تقبل وتقفي وعمر العبـد ميدانـي
تقبل مغيره عليـه وتقفـي مغيـره
حتى يغادر مـن الميـدان وحدانـي
يانايم الليل حلمك ويـش تفسيـره
القلب في غفلته والطرف نعسانـي
مايقطع الدرب من ديره ليـا ديـره
إلا غلامٍ سـرى والصبـح مابانـي
إن شفت نبت الربيع تفوح أزاهيره
إحذر تباطا تقـول أمـداه وامدانـي
إليا تباطيت فـي غفلـه وتفكيـره
ماتنتبه لين وإليا كـل شـي فانـي
إغنم ربيعك ليـا عجّـت نواويـره
واقطف ثمارك مادام العـود ريانـي
فرصتك ماغيرها والعمـر ماغيـره
قبلك ربيعي ( تباطيت.. وتعدانـي [/frame])