::{ مجالس قبيلة هذيل }:: موقع يهتم بتراث القبيلة ومفاخرها

لبيـه يامـن لـه الخافـق معنينـي
لبيـه يانبـض قلبـي ودم شريانـي

لبيه يااغلى المشاعر لاسـرت فينـي
لبيه يااحلى من السكر علـى السانـي

يانهري العذب لـو تـروي شراينـي
اعطشك واجيك واعطش واشربك ثاني

كل القصايـد علـى شانـك تنادينـي
قوافي الشعر عيّـت فيـك تعصانـي

حتى القلـم فـي يدينـي مايخلينـي
على الورق لاذكرتك جاب وجدانـي

صدى المشاعر لي المدهال ياعينـي
إحساس قلبـي يبيّـن كـل ماجانـي

احرقت كل الغـلا واغـلا بساتينـي
من عقب عرفك كرهت اللي تمنانـي

محبتك عن جميـع الخلـق تغنينـي
نستنـي النـاس ياعوقـي وتحنانـي

متى على الله يدينـك تشبـك ايدينـي
ومتى على الله تجي يا سيـد خلانـي

هـذاك عيـدٍ لقلبـي فيـه كاوينـي
بأجمل غـلا تـل معلوقـي وخلانـي.

للشاعر بندر بن منصور