الى كل افراد هذا الصرح الشامخ..
اداره.. واعضاء ..ومشرفين..
اقدم لكم مصافحتي الاولى في هذا الصرح..
وهي قصيده من اغلى قصائدي على قلبي..
اتمنى ان تنال اعجابكم..





هجر الاوراق





اشتاق لكـ كلي.. ويخنقني الشوق !! واموت واحـيا بـعد مااموت واشتاق


لنكـ حـياتي وحبكـ يسوقنـي سوق !! حتى فِشـعري جيـتكـ الــيوم منسـاق


هذا كلامي يـوم قـدركـ عـلا فوق !! يـوم ان حـبـكـ كـان للقـلـب ســراق


واليوم دام الكذب لكـ صار منطوق !! روح ترى ماعدت انا رَجل صـداق


اصبح غرامك شجرةٍ مالها عروق !! ماتت ومات الظل من هجر الاوراق


ياليـتـني مـاشـفت فمـزونكـ بـروق !! وياليت مالي حس يسـكن فالاعمـاق


وياليت نفسي مالها عندكـ حقوق !! وياليـت صدري مـن سبـايبكـ ماضاق


ماكان شمسي انطفت لحظة شروق !! ولاكان شعري اليوم تبكـيه الاوراق


ولاكان يمدي الدمع حاير على الموق !! ولاكان يمدي الهم منزله الاحـداق


للهم فيني ويل واوجاع وحروق !! وانـتـه وهـمـي بــينـكم.. ود وعــنـاق


ماعـاد انا مشتاق مالـي وللشـوق !! دامكـ قتلت الحب .. وشلون بشتاق؟؟