::{ مجالس قبيلة هذيل }:: موقع يهتم بتراث القبيلة ومفاخرها - قصيدة الشاعر صالح ابن معتوق القارحي في حفل معايدة 1430هـ

- مجلس الشعر الشعبي (https://hothle.com/vb/forumdisplay.php?f=15)

قصيدة الشاعر صالح ابن معتوق القارحي في حفل معايدة 1430هـ

مساء/ صباح الخير عليكم اعضاء منتدانا الغالي عندي قصيدة للشاعر صالح ابن معتوق القارحي في حفل معايدة القرح وآل محمود لعام 1430 هـ المقام بمركز دفاق
تخلل الحفل العديد من البرامج والكثير من القصايد وحبيت اني اشارك بهالقصيدة للشاعر ابو معتوق (بيض الله وجهه)

العيد عــاد واصبح العــيد عيــــدين *** في ظل ربعي اللي تجي في وعدها
العزوة اللـي يرجحون الموازين **** العزوة اللي في المواقف تجدها
اهل الوفا والطيب سقم المـعادين **** وامجادهم بين العرب من جحدها
تاريخ تزخر به الكتب و الدواوين **** وحاضرهم المشهود يثبـت سندها
هذي الحقيقة ولا فخر غير في الدين*** هـذي الحقيـقة جابهـا مـن وردهـا
ويا مرحبا ترحيب من داخل العين ***** بضيوفنا اللـي سعدنا من سعدها
ترحيبــة تفـرح قـلوب الحشـيمين **** وتقلط على زين الكـرامة بعدهـا
وحنا على العادات والمذهب الزين ***** وحنا الرجـال اللـي تــعاهد بلدها
على الولاء في شدة العسر واللين ***** والبــيعة الـلي مـاتـنـقـد ولــدهـا
في ظل ابو متعب زعيم السلاطين ***** مليـــكنا ســــور البلاد و سندها
في ظل ابو متعب حبيب الملايين ***** راعي الوفا للشعب كفه مددها
ولا يختلف في حب عبدالله اثنين ***** لا والذي ينشي المزون ورعدها
وسلطان مع نايف لنعم العضيدين ***** حكامنا اللي وافية في عهدها
هم خيرة العالـم سـلايـل مـنقيـن ***** من ظهر ضرغام الجزيرة اسدها
عبدالعزيز العاهل اللي قضى الدين ***** وثـبت قـواعـدها وشـيد عمـدهـا
وحد ربــوع الممـلكة بينها بـين ***** وحده عظيـمة كـل مسـلم حـمدها
من بعـد ما كـانت جسـد بين نارين ***** نار الفتن و الجهل تبري جسدها
أقام دولة عدل وارسى القوانين ***** وانشـأ حضارة تبهر اللي شهدها
فيها تساوى اهل الوطن والمقيمين***** أمـن عـباد الـله ووفــر رغـدهـا
هذي حضارتنا و فيـها فـخورين ***** واهل الحقد تفنى و يفنى حقدها
شعارنا معروف نخلة و سيفين ***** من أجلها حوض المنايا نردها