البرنو
 

بسم الله الرحمن الرحيم

الاخوان الاعزاء هذي القصيده طلبها مني الاعضاء وحبيت اعرضها عليكم واتمنى ان تنال اعجابكم:

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الله على حمرا سريع نجدها=وارد بلادالفرس ياهل البواريد
البرنوالي مانقلها وغدها=الي عليها نكسب الفعل ونزيد
من طولها عفت القصيره بعدها=وارهيت في حب الطوال المجاريد
ارقامها متسلسله من بلدها=وحديدها صافي ولافيه تزويد
فيها من الغيث المجلجل رعدها=صوت يبعد عن خفوقي الواهيد
وفيها من الحر الندداوي هددها=لادرهمت في الجو صفر العباريد
خاويتها في ديرت من قصدها =يلقى بنات الريم فيها شواريد
وشديتها للي تباري ولدها=وصديت قصدي للخشوف المفاريد
واخذت من خشم الطليعه مددها=مدات من يخشى عليه المناقيد
والله من عين تزايد سهدها=ماغمضت كن الوسايد جلاميد
الي طوال الليل باتت وحدها=ترعى نجوم في السما كالعناقيد
ماكل من دور لحاجه وجدها=بعض الحوايج ماتجي بالمناشيد
ان كان ماهي باليمين وجهدها=والا فباطن لحد عن ضاهر البيد
والله يحل حبالنا من عقدها=ولا فلا غيره يحل التعاقيد
قل للكريم الي مجود عمدها=يرقى بفعله للعلا والمسانيد
الي دلاله للكرامه قندها=وبيبان بيته شرعت للاجاويد
والطيب ياهل الطيب بير وردها =من بين خلق الله رجال صناديد
هذا وماقلته وثم بعدها=ارمو وحي الصوت صوت البواريد
[/poem]


وسلامتـــــــــــــــــــ ـــــــــــــــــــــــــ ــــــــــــــــــــــــك م

رد: البرنو
 

بيض الله وجهك يابن مغبش

قصيده جزله من شاعر جزل

رد: البرنو
 

سالم وغانم يابن مغبش
قصيده جزله صح لسانك واعتلى شأنك لا عدمناك
:waaady42:

رد: البرنو
 

أخوي ابن مغبش- ما شاء الله- الوصف رائع جداً .. أهنيك على هذا الابداع.تحياتي لك

رد: البرنو
 

سالم وغانم اخوي إبن مغبش

صح لسانك وكفو تنقل البرنو ياراعيها انت وشرواك من النشاما

أسجل إعجابي

تحياتي

رد: البرنو
 

سالم وغانم وصح لسانك يابن مغبش
جزلة من راس جزل عودنا دائماً على الجزالة
قصيدة راقت لي كثيراً ورددتها أكثر من مرة
وفي كل مرة أزداد طرباً لقراءتها
بدون مجاملة يابن مغبش والله رائعة جداً

تم تقييم القصيدة وشاعرها الهمام

رد: البرنو
 

وعليكم السلام ورحمة الله وبركاته

وصح لسانك يا ابن مغبش ، وأنت من أهل البراني والبوردة ،

وحقيقة هذا الغرض أتمنى أن يكثر الشعراء الهذلان قصائدهم فيه

هو والقناصة والخيل والإبل ووأوصافها وأحوالها ، لإثراء هذه الجوانب.

تقبل مروري وتقديري ،،،

رد: البرنو
 

قصيده جزله من شاعر جزل

صح لسانك

رد: البرنو
 

وعليكم السلام ورحمة الله وبركاته

قل للكريـم اللـي مجـود عمدهـا

يرقـى بفعلـه للعـلا والمسانيـد

اللـي دلالـه للكـرامـه قنـدهـا

وبيبان بيتـه شرعـت للاجاويـد

والطيب ياهل الطيب بير وردهـا

من بين خلق الله رجـال صناديـد

هـذا وماقلتـه وثــم بعـدهـا

ارمو وحي الصوت صوت البواريد

وحي الصوت صوت البواريد

وحي الصوت صوت البواريد

وحي الصوت صوت البواريد


الأبداع عنوان حضورك يابن مغبش

مبدع كما هو معهود عنك

يروق لي قراءة نصوصك الأدبيه لجزالة شعرك

صح لسانك مدد بلا عدد

وفالك التوفيق

تقديري واحترامي لشخصك النبيل

رد: البرنو
 

وعليكم السلام ورحمة الله وبركاته

ما شاء الله تبارك الله عليك اخوي خالد

صح لسانك وعلا شانك وبيض الله وجهك

رجاله وجزاله والله يزيدك من فضله..

رد: البرنو
 

ماشاء الله تبارك الرحمن قصيده تنومس في مجالس الرياجيل

كفو والله والله ياولد العم

وصح لسانك لين ترضى

رد: البرنو
 

وجهك ابيض ياعابد الهذلي واشكرك على المرور والتعليق,,,

تسلم ياصالح والله يحيك ياغالي اشكرك على المرور والتعليق وياهلا بك,,

مرحبا يايسوم الله يحييك واتمنى اكون ارضيت ذائقتك الشعريه وياهلا ويامرحبا..

الله يحييك ياجمعان وصح بدنك ياغالي وماعليك زود يالنشمي مرورك شرف واعجابك غايه وياهلا بك

تسلم والله يابو حمدان وشهاده افتخر بها من شاعر علم لا يشق له غبار لقد زادت سعادتي عندما
ابديت رايك على القصيده لانك من الاشخاص الذيين اثق في رايهم واشكر لك التقييم الذي هو دافع معنوي لمزيد من العطاء فشكرا لك ولا خلا ولا عدم يابو حمدان,,

الاستاذ الفاضل الفارس حزيين الطلعه اشكرك على المرور الجميل الذي انار متصفحي واعتبره شرف كبير لي لقد حظرت يابو خالد وحظر الفكر السليم والتوجهات الساميه فدمت لهذيل وشكرا لك,,
صح بدنك اخي سالم السعيدي واشكرك على المرور وياهلا بك


حياك الله يابن عادي واشكر لك كلماتك ومدحك والابداع حظورك وتواجدك في متصفحي اتمنى اكون ارضيت ذائقتك الشعريه العاليه تعجز كلماتي امام حظورك فشكرا لك.

ماعليك زود يابو غلا الجزاله منكم واليكم وانتم اهل لكل علم غانم اشكرك على المرور الجميل والله يحييك ياغالي,,,

صح بدنك يابن قاسي وماعليك زود ياغالي والي ينومس حظورك وتواجدك وهذا بعض مما لديكم والله يحييك ياغالي,,,

رد: البرنو
 

ان كان ما هي با ليمين وجهدها = ولا فباطن لحد عن ضاهرا لبيد

يا سلام عليك صح لسانك يابن مغبش قصيدة ابدعت فيها واحسنت

الى الامام وبالتوفيق

رد: البرنو
 

بصراحة يبن مغبش

حببتني في البرنو <<< ما له في البواريد ههههه


صح الله لسانك يبن مغبش

إبداع رغم أن عنوانه ربما يوحي بقصيدة عادية المبنى و مستهلكة

و لكن الإبداع من مأتاه لا يستغرب

دمت في حفظ الله

رد: البرنو
 

الله الله

قصيدة بواردي

قناص من الطراز الصعب

رائعه من كل النواحي بداية من الغرض و انتهاء بالوزن و القافيه

ابدعت فيها يا بن مغبش زادك الله من فضله

وشوقتنا للبراني

اعجبني فيها دقة الوصف

و التسلسل و حسن التخلص في الانتقال من غرض لغرض

دائما ما تتحفنا بالأجمل



شكرا لك