|
الحجاج عبر
سلام يامجلس هذيل الموقر
ياللي حويت المعرفه والرياجيل زانت دلال الكيف والبن الاشقر واسترسلت في راهيات الفناجيل ياهاجسي هات الجزيله وعبر للعزوه اللي شامخه في سما هذيل بلغ عن الحجاج علمٍ وصدر واعطي ثمينه ما هوتها الأباطيل معذاركم مني وانا اللي مقصر مشاغل الدنيا وكثر العراقيل ماهو تعالي ما نود التكبر نقدر الحاكم ولا عنكم انحيل من جا ما ابطى والمسايل تحدر والصايبه تبقى في روس المقابيل أنا حضرت وكل مصلي يكبر يالله عسى باقي لنا في المحاصيل شُعر العظم ما يباله مجبر يجبر مع الأيام مافيه تعديل هذا كلام الصدق والصدق ينثر كل الموده في يدين المراسيل |
رد: الحجاج عبر
من جا ما ابطى والمسايل تحدر
والصايبه تبقى في روس المقابيل فعلا من جاء ماابطى وياهلا والله بالحجاج سعدنا بهذه العودة الميمونه أنا حضرت وكل مصلي يكبر يالله عسى باقي لنا في المحاصيل مرحبا هيل عداد السيل وصح لسانك وعلا شانك |
رد: الحجاج عبر
وعليكم السلام ورحمة الله وبركاته
سلام يامجلس هذيل الموقر ياللي حويت المعرفه والرياجيل زانت دلال الكيف والبن الاشقر واسترسلت في راهيات الفناجيل ياهاجسي هات الجزيله وعبر للعزوه اللي شامخه في سما هذيل يامرحبا بك يالحجاج تراحيب المطر راعي وفاء والله يحييك مجددا |
رد: الحجاج عبر
وعليكم السلام ورحمة الله وبركاته
اهلا وسهلا ومرحبا بك اخي العزيز وحياك الله وحيا الله ما جبت وصح لسانك وعلا شانك وبيض الله وجهك اكرر الترحيب بعودتك الميمونه ويا هلا ومرحبا ملايين.. |
رد: الحجاج عبر
وعليكم السلام ورحمة الله وبركاته
مرحبا وسهلا اخوي الحجاج وكل عام وانت بخير سعداء بعودتك نص رائع جدا تقبل مروري |
رد: الحجاج عبر
أخي ابو حمدان
اخي الباب اخي خالد الياسي اشكركم على حسن الإستقبال ياالغالين وعساكم على القوه والعلم الجميل لكم خالص ودي واحترامي الحجاج بن يوسف |
رد: الحجاج عبر
يامرحبا بسم القبيله ونشكر = اهل الوفا والطيب ذباحت الحيل
شاعر جزيل وللجزيلات تقدر= توفي مع اهل الكيل ماتنقص الكيل وعن الزوم الازمه ماتعذر= حلحيل فضيافة رجالاً حلاحيل انتم هل الطلات فااليوم الاغبر = وحناهل التاريخ والسيف والخيل ونتم كما نونا رزيناً ليمطر = وحنا حربنا شرذمت صاحب الفيل ونتم معاديكم مع الليل يسهر = وحنا معادين عشى الذيب فا اليل ونتم جملكم للمواجيب ينحر = وحنا هل الامجاد والبن والهيل واليوم كل الشعب يبني ويعمر = وكلاً يقول انا كما الجدي وسهيل يا الله اديم الامن والدين ينصر =وتعز دولتنا وللعلم تفصيل وتهزم هل الاالحاد في كل منبر = وترجع القصى وتلعن سرئيل |
رد: الحجاج عبر
يامرحبا والله ياحجاج
صح لسانك ياراعي التكميل |
رد: الحجاج عبر
اقتباس:
صح لسانك ياذيبان |
رد: الحجاج عبر
اقتباس:
انتم لنا ول غيرنا فكل معبر = ربعة وفاء في الليالي المداهيل مثلك دوى للجرح مافيك منكر = من نسل الأفذاذ الحرار المشاكيل تستاهلون الغالي يازين معشر = مالي غنى عنكم مع العدل والميل اقولها واطولها بالمشهر = ثقيف وهذيل القروم المباتيل |
رد: الحجاج عبر
مشكووور اخوي ....
تقبل مروريـ تجيتيــ ....* |
رد: الحجاج عبر
اقتباس:
كفيت ووفيت يابو راشد وصح لسانك وعلا شانك وبيض الله وجهك أنت أيضاً لك منا كل التحايا والترحيب أبطيت علينا يابو راشد عسى المانع خير ؟ |
رد: الحجاج عبر
اقتباس:
تسلم تسلم يالحجاج بيض الله وجهك ووجه أبو راشد |
رد: الحجاج عبر
يامرحبا بسم القبيله ونشكر = اهل الوفا والطيب ذباحت الحيل
شاعر جزيل وللجزيلات تقدر= توفي مع اهل الكيل ماتنقص الكيل وعن الزوم الازمه ماتعذر= حلحيل فضيافة رجالاً حلاحيل انتم هل الطلات فااليوم الاغبر = وحناهل التاريخ والسيف والخيل ونتم كما نونا رزيناً ليمطر = وحنا حربنا شرذمت صاحب الفيل ونتم معاديكم مع الليل يسهر = وحنا معادين عشى الذيب فا اليل ونتم جملكم للمواجيب ينحر = وحنا هل الامجاد والبن والهيل واليوم كل الشعب يبني ويعمر = وكلاً يقول انا كما الجدي وسهيل يا الله اديم الامن والدين ينصر =وتعز دولتنا وللعلم تفصيل وتهزم هل الاالحاد في كل منبر = وترجع القصى وتلعن سرئيل بيض الله وجهك يابو راشد كفيت ووفيت ياذيبان |
رد: الحجاج عبر
الشاعرين / الحجاج و جميل المطرفي
صحت ألسنتكم أبدعتما |
| الساعة الآن 09:40 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل