::{ مجالس قبيلة هذيل }:: موقع يهتم بتراث القبيلة ومفاخرها - نجم هذيل سلطان بن علي المسعودي وابن طمحي جديددددددددددددددددد

- مجلس المحاورات ( القلطة) (https://hothle.com/vb/forumdisplay.php?f=63)

نجم هذيل سلطان بن علي المسعودي وابن طمحي جديددددددددددددددددد

سلطان بن علي المسعودي

مرحبا فالحله اللي طيبها من طيب اهــلها +++ مايغيرها عجــــــــاج الوقت وظروف الليالي
مايعرف علوم ديرة روق غير اللي نزلها +++ وان لقيها مسنيه ماعاد شد الها الرحــــــــالي
المسنيه :)= المدهره

محمد بن طمحي الذيابي

البقا وانته هلالي والحــــمول الها جملها +++ والهلالي من ســــــــــــلالة ولد ابو زيد الهلالي
وش تبا بالديره اللي جد جـدك مانزلها +++دونها الماس الحــــــــــــمر ومخالطه مرن وحالي

سلطان بن علي المسعودي
كل نفسن ياوسيع العرف تنشد عن عــملها +++ وان نشدتك هات هرج الصدق ياولد الحلالي
ماقطع بعض النفوس امن النصيب الا عجلها +++ والحقيقه ماتقضون الغرض وانتم عجـالي

محمد بن طمحي الذيابي
ياولد مسعود قلها واستلم مني بدلها +++ والاجابه وافيه تجي على قد السوالي
العرب هذي ثلاث سنين وش سبة زعلها +++ نرضي الصف البعيد ويزعل الصف الموالي

سلطان بن علي المسعودي
جمّل الله من ثنى رجول الذلول ومن عقلها +++ يوم ظلّت من زعـــــــلها ماتربطها الحبالي
لم يتمكن سلطان بن علي من الرد في هذا البيت لدخول شاعر عليه ولم يتيح له الرد----

محمد بن طمحي الذيابي
من فتلها مانقضها من نقضها مافتلها +++ والمطيه ان مشت ماقدمها غير الجــــــــــــمالي
اثر بعضات الاوادم كن قلبه قلب بلها +++ مير لو ضاقت صدور اصحابنا ماضــــــــــاق بالي

سلطان بن علي المسعودي

في ضميري يامحمد كلمتن ماتحتملها +++ انت نابك ناب ذيب ويفجعك قرن الغــــــزالي :)
اهل مكه يحتمون شعابها والا جبلها +++ وانت مالك في طرفهم قسم ياذيب الخــــــوالي

محمد بن طمحي الذيابي
ياحليلك يالغزال اللي وراك قلوب ولها +++ ودك انك مثل هاك الذيب والطاري طـــرالي
المناحل فالجبال الكايده لولا عسلها +++ العرب ترتاح ماترقى طويلات الجــــــــــــــبالي

سلطان بن علي المسعودي
ارفع يديك الكريمه قبل لاتشكي شللها +++ ماحشمتك غير من حشمة صناديد الرجالي :)
لاتحسب الناس موتى يالذيابي وتختلها +++ الطمع خلّاك ماتفرق حــــــــــرام ولاحلالي

محمد بن طمحي الذيابي
الصغير لو عطيته لقمتن بالسم اكلها +++ والمثل يقول تال الفال يقفاه العــــــــــــــــقالي
ياجماعة خير ذنب النفس للي قد قتلها ++++ يالعل الموهبة مكســـب ومعها راس مالي

سلطان بن علي المسعودي
جاب له حمله وهالحمله على ظهره نقلها +++ وانت منته لاحصان ولانت من صنف الجمالي

ثم قام الشاعر بن طمحي وغير القاف

من الحفل:

-اعجاب وانبهار من بن طمحي وبن عتقان خصوصا بشاعرية سلطان بن علي المسعودي
-الالفاظ البدويه التي يتميز بها سلطان بن علي المسعودي جعلت بن طمحي وبن عتقان لايترددان في سؤال الشاعر سلطان عنها
-الشاعر الذي دخل على سلطان وكمّل عنه وجد استياء من جماهير سلطان بن علي لان سلطان في نظرهم شاعر متمكن وليس في حاجه لهذا الموقف المحرج

ووسلامتكم