غربــــــــــه
 

السلام عليكم ورحمة الله وبركاتة

هذه مصافحة مني لكم بعد طول غياب من مدينة الأفلاج فتقبلوها كما هي.... متواضعة
وكلي أمل أن تروق لكم .

غربــــــــــــــــــــــ ــــــــــــــــــــــه

[poem=font=",6,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يعيش الفتى في اول حياته غريب اديار=شقى الرزق في الدنيا يوديه وايرده

اكيد ان في قلبه على امفارق اهله نار=ويحسب نهاية شهر الالام وايعده

وجوب الصبر يوم اصبح العز بالدينار=ولاحاجة توصل هوان الفتى حده

انا لاذكرت الحاجه انسى عنا المشوار=واقرب حزام الصبر واثنيه واشده

ويقتلني افراق الاحبه وغربة دار=واشوف الحشا محتار وده ولا وده

انا يوم انا مقفي وكن القدم مسمار=وقلبي يزين لي رجوعي وانا احده

انا يوم أغني فاقدن لي رفيق وجار=وخوة سنافي وارث الطيب من جده

ولاني كما الي مايجره حنين الدار=انا اقول كل انسان طبعه على قده

تبا تمضي المدة على الواحد القهار=الايالله اني اطلبك سهل لي المدة

أخاف ابني ارض الحلم قصرن بعشر ادوار=وتسري علية عاصفة واقع اتهده

ولا عاد يبقالي من القصر غير اغبار=ورشة مطر.. وابهام.. واسنون محتده

يعين الله ابعبر بدوامة الافكار=في بحر الامل والوقت جزره... وانا مده[/poem]

رد: غربــــــــــه
 

ياسلاااااااااااام
صح الله لسانك حقيقه انني فزت بسماعها منك في بدايتها واليوم بعد اكتمالها أرى فيها القصيده الرائعه

انا يوم أغني فاقدن لي رفيق وجار=وخوة سنافي وارث الطيب من جده


أنا أشهد أنا فقدنا خوه سنافي لاكن

تبا تمضي المدة على الواحد القهار=الايالله اني اطلبك سهل لي المدة

في أنتظار عودتك سالم غانم

ولا اوصيك شد حزام الصبر

بيض الله وجهك نعم الشاعر ونعم الرفيق

شااعر نتنبأ لك بمستقبل شعري رائع


تقبل مروري واعجابي

رد: غربــــــــــه
 

السلام عليكم ورحمة الله وبركاته


ماشاء الله تبارك الله يابو مذيخر

شاعر جزل بكل ماتحمله كلمة جزل من معنى

أخاف ابني ارض الحلم قصرن بعشر ادوار
وتسـري عليـة عاصفـة واقـع اتـهـده

بين الحلم والواقع.... بعضنا مازال يعيش!!

وفقك الله يابو مذيخر وردك الى ديارك واحبابك سالما غانما، وطلب الرزق يحتاج إلى التضحية.



تحية طيبة

رد: غربــــــــــه
 

صح بدنك أخوي حمادي وبيض الله وجهك على الإطراء الغير مستغرب منك
ودمت بخير يالغالي

رد: غربــــــــــه
 

هذه شهادة أعتز فيها يابو معتوق ولاهو غريب عليك يالحبيب
والله يردك سالم غانم الى أرض الوطن
دمت بخير.

رد: غربــــــــــه
 

الله اكبر يابو جود ...صراحة واضحة وحشة الغربه لكن ربك يسويها يارجال ...

تحياتي لفكرك الراقي وقلمك المبدع ...دمت بود

رد: غربــــــــــه
 

صح لسانك يا بن مذخر وهذة أ بيات حبل وصل بينك وبين الدار واهل
عبرت عن مشاعر جياشة تدل على الحزم والصبر الله يقويك.
وتسلم يلغالي تقبلو تحياتي وفائق احترامي

رد: غربــــــــــه
 

شاعر فلسفي سلمت يالغالي
واشكرك ياماطر السويدي وصح بدنك
واشكرك على اسلوبك الرائع
واشكر مشرفنا الغالي على التثبيت

رد: غربــــــــــه
 

صح السانك يابو مذيخر ولاهنت

جزل ومليون جزل ولا يجي منك الا جزاله

تقبل احترامي وتقديري

رد: غربــــــــــه
 

وعليكم السلام ورحمة الله وبركاته

ماشاء الله تبارك الله

اشكرك اخي بن مذيخر على هذا النص الرائع

نص يحمل التفائل وان كانت الأحزان تحاصر كاتبه من كل الجهات

عرفتك انسان مرح وتشرفت بمعرفتك

ومالك الأ الصبر

اتمنى لك المزيد من التوفيق

تحياتي وتقديري

رد: غربــــــــــه
 

اشكر الاخوان الاعزاء على قلبي صراحة الاخ رايد وبن عادي وانا والله اللي تشرفت بمعرفتكم ياغالين
واشكركم على الاطراء اللذي لااستحقه

رد: غربــــــــــه
 

الله الله يابو جوووووووووووووووود الله يردك لنا سالم غانم والله وحشتنا والديره بدونك ماتسوى ريال
قصيده جزله ياراعي الجزززززززززززززل وفيها من الحزن والصور الجميله مايفوق الوصف الشي لاجا من القلب له معنى وقيمه.,,,,,من ارض الحجاز نبلغك السلام ونتمنى لك السعاده

تقبل تحياتي

رد: غربــــــــــه
 

صح لسانك يابن مذيخر

رد: غربــــــــــه
 

,
,


الله الله الله

قمه يا بن مذيخر

ماشاء الله

قصيده تعتذر لك عن كل الغياب

نتقبلها بكل الرضى على أمل التواصل مع الجمال يدوم


صح لسانك

و دائما شكرا لك

رد: غربــــــــــه
 

صح لسانك يابن مذيخر ولاهنت

قصيده حره من راس حر

بيض الله وجهك والله يردك لربوعك سالم وغانم