السلام عليكم ورحمة الله وبركاته

اخواني وأخواتي هذا اهداء لمن منكم يحب حياة البادية ويطرب لها وهي قصيدة

للشاعر محسن بن علي بن جغيثم السبيعي

أرجو أن تنال اعجابكم

بإسم الكريم اللي لـه الكـل يخضّـعالواحـد الـلـي كلـنـا نستعيـنـه

اللي لـه المخلـوق يسجـد ويركّـعويرجـي ثوابـه ليـن يأتـي يقينـه

بديـت قـافٍ زيـن وفيـه أتـوقّـعمن خيفتـي نقـد الأمـور الفطينـه

ويا مـل قلـبٍ فـي البـداوة تولّـععاف القصور وعاف جـو المدينـه

الله علـى بيـتٍ جـديـدٍ مـروبّـعسـدو اليديـن ولا سدتـه المكيـنـه

في ضـف عرقـوبٍ مشيّـد مرفّـعحتـى رواقـه مـن ورى رافعينـه

لـه ربعـةٍ جـت للنشامـا مجمّـعيلقـون البـن بهيـل وحيـلٍ سمينـه

ولامن عمود الصبـح بالنـور شلّـعيجذبك حـس النجـر بثلـث الدنينـه

وسوالـفٍ تعجبـك ياللـي تسـمّـعمهـوب فيلـم مسلسـلٍ عارضينـه

وألا مـجـلاتٍ تـبـاع وتــوزّعخليعـةٍ فيهـا السـمـوم الدفيـنـه

لامن خطـو العـود بمركـاه كـوّعوجاب السوالـف والعلـوم الثمينـه

تطرب لهـا وتقـوم تجلـس تربّـعويشتـاق بالـك للعلـوم الحسيـنـه

والله علـى ذودٍ مـن الوسـم ربّـعبيـن الشفـا والعـرق يـا عارفينـه

تسعين مجهم ما عـدا سـت وأربّـعذولـي مغاتيـرٍ مـع الـذود عينـه

لامن فحلهـا هـاج وجـاك يتقضّـعكـن الرعـد بأطرافهـا سامعيـنـه

لونه جناح غراب وصـدره موسّـعوعنقه طويل وجـرم كبـر السفينـه

واذنين روس حراب في السنك توضّعودك تخايـل عـرض خـده وزينـه

وعرنون خشمه سلـة اللـي ملمّـعسيـفٍ هديـه بالذهـب طامسيـنـه

وراعيـه قـرمٍ بالشجاعـه مطـبّـعسيفـه معـه ومخيـره فـي يمينـه

منوتك لا قالوا تـرى البـوش زوّعخـذوه قـومٍ بالـرمـك كاسبـيـه

ما يتقي في الهوش له قلـبٍ أصمـعمـا يتقـي لـو كـان تقطـع وتينـه

ولامن سحـاب الوسـم قـام يتقشّـعيرعـد ويبـرق والوهـد ملحفيـنـه

وشفت عشب الـروض نبتـه تنـوّعسبحان مـن سـواه وأنـزل غشينـه

وإن جيت بالمشـراف قمـت أتطلّـعوشفت الطوارف والسلف والضعينـه

أخيـر مـن بيـتٍ جـداره تصـدّعوراعيه مغبون في في بنيـه وطينـه

وصلوا على اللـي للمخاليـق تشفّـعرسولنـا اللـي نتبـع رسـم دينـه

عـداد مـن صلـى وحـج وتـودّعوزار المشاعـر كلـهـا والمديـنـه

السلام عليكم ورحمة الله وبركاته

اخواني وأخواتي هذا اهداء لمن منكم يحب حياة البادية ويطرب لها وهي قصيدة

للشاعر محسن بن علي بن جغيثم السبيعي

أرجو أن تنال اعجابكم

اللي لـه المخلـوق يسجـد ويركّـع = ويرجـي ثوابـه ليـن يأتـي يقينـه

بديـت قـافٍ زيـن وفيـه أتـوقّـع = من خيفتـي نقـد الأمـور الفطينـه