|
هـــم البارحــــه...
السلام عليكم ورحمة الله وبركاته ....
اتمنى ان تروق لكم ,,,,,,,,, البارحه يوم المخاليق كلها هجاع قمت اتوجع وانثر هموم صدري من ماضي الاوقات والقلب منصاع للي غلاها دوم (ف) الدم يسري من حبها شفني على التيـّه مولاع كني سجين بيدهـ والعمر يجري والا سكون الليل مظلم وخداع ما يبري العله ولا الجرح يبري الدمع يذرف والحزن كنه شراع والمركب احلامي والاشواق تطري كفي يشيل الحلم والا الهوى ضاع يوم الغضي يامر وينهي ف كسري ليت الذي يقوى على النفس مطواع حتى يِعَرْف اشلون مرفوع قدري والا القوي ياشيخ لو طال بذراع وانا القوي لوما نفذ حد صبري نورك ولا غيرهـ ولا نور وشعاع اعلمك حاجه ولو كنت تدري بانك اخدت القلب كله والارباع وحيرتني واحتار قلبي وفكري مير البلى لا صرت قاسي وقطاع تجحد وانا واهبك يازين عمري وش فايدة لو قالو الناس ملتاع في هجر خلي ويش عذرهـ وعذري عرفت حبك واعرف الساس والقاع وارسلت قسمي مع عطاياك بدري تكفى ليا مني.... طلبتك وفزاع يزورني طيفك وأنا وسط قبري وســـلامتكم.... |
رد: هـــم البارحــــه...
بسم الله الرحمن الرحيم
وعليكم السلام ورحمة الله وبركاته اخوي عبد الله بيض الله وجهك قصيده جزله من شاعر جزل لي عودة لنقد الادبي |
رد: هـــم البارحــــه...
هلا حبيبي ...
نورت متصفحي وحياك الله انت ونقدك الادبي ... مشكور على تواجدك ... تحيه طيبه ... |
رد: هـــم البارحــــه...
اقتباس:
|
رد: هـــم البارحــــه...
قصيدة جميله بلا شك
ولكن عندي ملاحظة أخوي الشطر الأول من البيت الأول أطول من ابيات القصيدة الباقية وكان على لون مغاير لبقية الأبيات أنت تقول ((البارحه يوم المخاليق كلها هجاع )) المفروض تكون (( البارحه يوم المخاليق هجاع )) بذلك يستقيم الشطر مع الشطر الثاني ومع بقية أبيات القصيدة (( كني سجين بيده والعمر يجري )) الشطر هذ مكسور كما أن هناك معاني غير واضحه في القصيدة ليس المجال متاح لذكرها أعتبرها محاوله جيده منك وسيكون لك مستقبل باهر بلا شك تنقل القصيده لقسم المحاولات |
| الساعة الآن 02:06 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل