وين الصفووووووووووووووووف
 

سلامي على الي يسمع الصوت ويشوف
عداد السحاب اللي تزاهم رعوده
نبى شاعر يا قف ولا يعرف الخوف
يخوض المعارك ما تبيح سدوده

رد: وين الصفووووووووووووووووف
 

الله الله بدعه كايفه يالسيف الصقيل

وننتظر شعار المجالس

رد: وين الصفووووووووووووووووف
 

هلا مرحبا ياسيف قدامك سيوف--- على المرجله كل تقادح زنوده
ترى الملعبه فيها مخاسير وحتوف--- ولا كل شاعر صاملات عضوده

رد: وين الصفووووووووووووووووف
 

عزالله راحت المباره ............هههههههه

حياك يالسيف العب والمباره ملحوقه

رد: وين الصفووووووووووووووووف
 

ودي أمسك الصف بس والله أني تعبان اليوم داهمتني حرارة وزكام والله أني الحين لابس الفروه !!! من الحراره الداخليه واصلوا وحنا متابعين بنص الحال .

رد: وين الصفووووووووووووووووف
 

اجر وعافية يامطرفي الدلم

رد: وين الصفووووووووووووووووف
 

مساء الخير للجميع شعار وصفوف وحضور
وسلامات ياخونا مطرفي الدم وماتشوف شر وآجر وعافيه
أن شــــــــــــــــــــــــ ــــاء الله

رد: وين الصفووووووووووووووووف
 

يدوم البقا والعز ياذيب معروف
هذيلي على الميقاف يبني ردوده
نعرف الحرير الحر مايشبه الصوف
ولا همنا ياذيب نقصه وزوده

رد: وين الصفووووووووووووووووف
 

رد: وين الصفووووووووووووووووف
 

ترى الراس ماهو راس لو ماله كتوف --- يقولونه العربان وانتم شهوده

ابا اعطيك يارجال شيك بمظروف --- ولا تصرفه لين ان تعرف بنوده

رد: وين الصفووووووووووووووووف
 

ترى الروس تبقى روس والراس معروف
ولكن عباد الله صارة جحوده
غنوي واحطلك النقط فوق الحروف
ولاحد ن يسود انكان نفسه جحوده

رد: وين الصفووووووووووووووووف
 

كفو والله يالمطرفي الشطر الاخير حسوده
وبيض الله وجهك

رد: وين الصفووووووووووووووووف
 

وعليكم السلام ورحمة الله وبركاته

السيف الصقيل @ مطرفي الجوف


بيض الله وجيهكم على المحاوره القصيره والرائعه

تشرفت بأطلاعي عليها

تحياتي وتقديري للجميع

رد: وين الصفووووووووووووووووف
 

كلام الحقيقه صار للناس مكشوف--- وكل من الشعار نعرف جهوده

غناوي ولاكن منت ياهيه مخلوف--- واظنك ماتلقى يالسنافي عيوده

رد: وين الصفووووووووووووووووف
 

الله يعطيكم العافية